Morgunblaðið - 25.05.2020, Blaðsíða 6

6 FRÉTTIRInnlent
MORGUNBLAÐIÐ MÁNUDAGUR 25. MAÍ 2020
Hlíðasmári 6. Sími: 510 7900.
www.fastlind.is · www.nyjaribudir.is
Hannes
Steindórsson
Lögg. fasteignasali
699 5008
hannes@fastlind.is
Nánari upplýsingar:
OPIÐ
HÚS
www.102hlidarendi.is
Eitt vandaðasta hús
höfuðborgarsvæðisins
Opið hús að Valshlíð 16, Arnarhlíð 2 og Smyrilshlíð 13-15
Hlíðarenda, mánudaginn 25.maí frá kl. 17:30-18:00.
Aðkoma hjá Valsheimilinu.
Einstakar íbúðir með þakgörðum bílskúr og stórum geymslum.
140-240m2 þriggja og fjögurra herbergja íbúðir
Verð frá 89.900.000 – 119.900.000 kr.
Bílskúr fylgir öllum íbúðum, Aukin lofthæð, 280 cm, gólfsíðir gluggar.
Rafmagnstæki frá frá Miele. Quartzborðplötur í eldhúsi og á baði.
Einstakur garður. Free@home rafkerfi. Þrjár gerðir innréttinga.
Sigtryggur Sigtryggsson
sisi@mbl.is
Verkefnahópur frá Vegagerðinni og Reykja-
víkurborg er að hefja vinnu við greiningar og
útfærslur á gatnamótum Reykjanesbrautar/
Bústaðavegar sem miða að því að leysa flæði
bíla og almenningssamgangna.
Þetta segir G. Pétur Matthíasson, upplýs-
ingafulltrúi Vegagerðarinnar.
Fram kom í fréttum árið 2017 að Vegagerð-
in hefði látið vinna útfærslur á mislægum
gatnamótum á þessum fjölfarna stað. Síðan
hefur sú breyting orðið, að samkvæmt sam-
göngusáttmála ríkis og borgar er gert ráð fyr-
ir að hin nýja borgarlína aki frá Mjódd inn í
Vogabyggð. Því blasir það verkefni við að
finna leið fyrir borgarlínu almennings-
samgangna um gatnamótin. Þetta getur orðið
talsvert snúið úrlausnarefni vegna nálægð-
arinnar við Elliðaár.
„Þegar niðurstaða vinnu verkefnahópsins
liggur fyrir verður farið í for- og verkhönnun.
Tímasetning framkvæmda mun síðan taka mið
af hönnunarferlinu sem er fram undan og því
skipulagferli sem það kallar á,“ segir G. Pétur.
Kallað eftir úrbótum í áratugi
Um margra áratuga skeið hefur verið kallað
eftir úrbótum á gatnamótum Reykjanes-
brautar/Bústaðavegar.
Opinber umræða varð um gatnamótin í
mars 2017. Í frétt sem Vegagerðin birti á
heimasíðu sinni þá var því hafnað að stofnunin
hefði ekki fylgt málinu eftir eins og fulltrúi
Reykjavíkurborgar hefði haldið fram.
Vegagerðin tekur fram í fréttinni, að hún
hafi af og til á undanförnum árum farið fram á
umræðu við samgöngudeild borgarinnar um
gerð mislægra gatnamóta á Bústaðavegi og
Reykjanesbraut, en fengið þau svör að slíkt
væri ekki á dagskrá.
Fram kemur að undirbúningur að gerð mis-
lægra gatnamóta á þessum stað var vel á veg
kominn árið 2006 í samvinnu embættis borg-
arverkfræðings og Vegagerðarinnar. Tvær
megintillögur voru lagðar fyrir borgarráð þar
sem önnur tillagan gerði ráð fyrir undir-
göngum undir Reykjanesbraut en hin tillagan
gerði ráð fyrir brú yfir Reykjanesbraut. Borg-
arráð hafnaði báðum tillögunum og óskaði eft-
ir lagfæringum á gatnamótunum í plani.
Undirgangatillagan gerði ráð fyrir örlitlum
breytingum á vestasta farvegi Elliðaánna, en
brúartillagan gerði ekki ráð fyrir neinu raski á
farveginum.
„Það er mikið stílbrot í kerfinu í dag að
gatnamót Bústaðavegar og Reykjanesbrautar
skuli ekki vera mislæg. Tafir síðdegis eru mjög
miklar og hætta á óhöppum og slysum því mun
meiri en ella,“ sagði Vegagerðin.
Nú síðast kom málið til umræðu á Alþingi í
síðustu viku. Í fyrirspurn til fjármálaráðherra
frá Bergþóri Ólasyni Miðflokki nefndi hann að
á fundi umhverfis- og samgöngunefndar hefði
komið fram að ekki væri vilji fyrir því hjá
Reykjavíkurborg að heimila fleiri mislæg
gatnamót og að út frá því yrði að vinna.
„Er búið að skrifa undir 120 milljarða sam-
komulag þar sem engin ný mislæg gatnamót
verða á teikniborðinu innan Reykjavíkur þar
sem umferðarhnútarnir og tafirnar eru mest-
ar?“ spurði þingmaðurinn.
Bjarni Benediktsson fjármálaráðherra svar-
aði því til að í samgöngusáttmálanum væru
mjög sterkir fyrirvarar um aðkomu Alþingis.
Það væri Alþingis að samþykkja samgöngu-
áætlun og ráðstafa fjármagni til samgöngu-
verkefna.
Finna þarf leið fyrir borgarlínu
 Verkefnahópur frá Vegagerðinni og Reykjavíkurborg er að hefja vinnu að útfærslum á gatnamót-
um Reykjanesbrautar/Bústaðavegar  Vegagerðin hefur látið vinna útfærslur mislægra gatnamóta
Tölvuteikning/Vegagerðin
Möguleiki Þannig hugsa verkfræðingar Vegagerðarinnar sér að gatnamót Bústaðavegar og Reykjanesbrautar gætu litið út. Hér er lausn með brú
yfir Reykjanesbraut. Fleiri lausnir hafa verið útfærðar, meðal annars með göngum undir Reykjanesbraut.Nú þarf að koma borgarlínunni fyrir.
Liðin eru 90 frá því Hótel Borg var
opnað. Af því tilefni verður opið hús
í dag, á milli klukkan 16.30 og 19.
Stefán Pálsson sagnfræðingur mun
segja sögu Hótels Borgar og leiða
gesti um húsið og tónlistarmenn-
irnir Sigríður Thorlacius, Guð-
mundur Óskar og Ómar Guðjónsson
syngja og leika lögin sem ómað hafa
á Hótel Borg í gegnum tíðina.
Hótelið var opnað rétt fyrir 1.000
ára afmæli Alþingis. Von var á
fjölda fólks vegna Alþingishátíð-
arinnar, þar á meðal erlendu kónga-
fólki, og var því mikið kappsmál að
bjóða upp á gistingu sem myndi
hæfa slíkum gestum.
Jóhannes Jósefsson glímukappi,
sem ætíð var kenndur við Borg,
lagði allt sitt fé í að reisa Hótel Borg
og rak það fyrstu þrjátíu árin.
Lengi vel var Hótel Borg eina lög-
lega vínveitingahús landsins og
lykilstaður í skemmtanalífi og tón-
listarsögu. Hótel Borg er nú eitt af
hótelum Keahótela.
Ljósmynd/aðsend
Við Austurvöll Guðjón Samúelsson húsameistari teiknaði Hótel Borg.
Gestum er boðið á
Hótel Borg í dag
 90 ár frá því hótelið var tekið í notkun