Morgunblaðið - 25.05.2020, Blaðsíða 11

FRÉTTIR 11Innlent
MORGUNBLAÐIÐ MÁNUDAGUR 25. MAÍ 2020
FRÁBÆR
TILBOÐ
Verð frá
990 ISK
HAPPY HOUR
15 to 18.00
VEGAN- OG GRÆNMETISRET
TIR
Í B
OÐ
I
Hádegistilboð kr. 990 - 1.990
Kl. 11:00 - 14:30
Kvöldtilboð kr. 1.990 - 2.990
Kl. 18:00 - 21:00
B A N K A S T RÆ T I 7 A | 1 0 1 R E Y K J AV Í K | ( + 3 5 4 ) 5 6 2 - 3 2 3 2 | S O L O N . I S
Sigurður Bogi Sævarsson
sbs@mbl.is
Austurþing, Austurþinghá,
Drekabyggð, Múlabyggð, Múla-
þing og Múlaþinghá eru kostirnir
um nafn á nýtt sameinað sveitar-
félag á Austurlandi sem til verður
formlega í haust. „Nú er í skoðun
að greiða atkvæði um nöfnin sam-
hliða forsetakosningum 27. júní
næstkomandi. Ef það verður ekki
mögulegt veljum við nafn sam-
hliða sveitarstjórnarkosning-
unum í haust,“ segir Stefán Bogi
Sveinsson, forseti bæjarstjórnar
Fljótsdalshéraðs.
Frá ystu ströndum
til reginfjalla
Borgarfjörður eystri, Seyðis-
fjörður, Fljótsdalshérað og
Djúpavogshreppur eru sveitar-
félögin sem á að sameina. Traust-
ur meirihluti var fyrir því í al-
mennri atkvæðagreiðslu sl. haust.
Samkvæmt nýjustu tölum Hag-
stofu Íslands verða um 5.200 íbú-
ar í sveitarfélaginu nýja, sem nær
frá ystu ströndum, um skógi
vaxnar sveitir og inn á reginfjöll.
Þegar kom að því að velja
nafn á sveitarfélagið nýja var
kallað eftir hugmyndum íbúa. Í
framhaldinu sendi undirbúnings-
nefnd svo tillögur að allmörgum
nöfnum til umsagnar örnefna-
nefndar. Nýrrar sveitarstjórnar
er svo að taka endanlega ákvörð-
un í málinu í ljósi niðurstöðu fyrr-
greindar atkvæðagreiðslu.
„Til stóð að kosningar til
sveitarstjórnar yrðu í síðasta
mánuði. Vegna kórónuveiru-
faraldursins var þeim frestað
fram til 19. september og nýtt
sveitarfélag verður formlega til í
byrjun október.
Frestunin hefur leitt til þess
að sveitarfélögin hafa aukið sam-
starf sín á milli og áfram er unnið
að sameiningunni af fullum
krafti. Undirbúningsstjórn skipuð
fulltrúum sveitarfélaganna fund-
ar reglulega og unnið er að
starfsmannamálum, undirbúningi
fjárhagsáætlunar komandi árs og
fleiru,“ segir Stefán Bogi sem hef-
ur unnið mikið að sameiningar-
málinu.
Gjaldtaka á Axarvegi
kemur til greina
Á dögunum átti Stefán fundi
með ráðamönnum í Reykjavík.
Kynnti þar áskorun heimamanna
um að sem fyrst verði farið í vega-
gerð á Öxi. Leiðin sú, milli Skrið-
dals og Berufjarðar, verður þýð-
ingarmikil tenging innan
sveitarfélagsins. Er að margra
hyggju forsenda sameiningar í
raun.
„Í gildandi samgönguáætlun
sem samþykkt var í fyrra er gert
ráð fyrir framkvæmdum við
Axarveg á árabilinu 2028-2030.
Það er of seint að okkar mati. Í
drögum að nýrri áætlun sem eru
til vinnslu er gert ráð fyrir fram-
kvæmdum árin 2021-2023 en þá
með einkafjármögnun til helm-
inga. Áskorunin gengur út á að
Alþingi ljúki málinu. Ef á að gera
ráð fyrir einkafjármögnun verður
að samþykkja lög þess efnis sem
fyrst. Ef ekki, þá verður að fjár-
magna Axarveg að fullu á sam-
gönguáætlun svo framkvæmdir
geti hafist á næsta ári,“ segir
Stefán Bogi og heldur áfram:
„Frá upphafi hefur legið fyr-
ir að þessi umfangsmikla samein-
ing er háð því að samgöngur milli
allra þéttbýlisstaða innan nýja
sveitarfélagsins verði bættar. Í
dag er Axarvegur mikið notaður
yfir sumarið þrátt fyrir að vera að
stærstum hluta örmjór og hol-
óttur malarvegur, enda styttist
akstursleiðin milli þessara
tveggja staða um tugi kílómetra
við að fara yfir Öxi. Sjálfum hugn-
ast mér ekki illa að tekin verði
upp gjaldtaka verði vegagerðin
einkaframkvæmd. Aðrir fulltrúar
sveitarfélaga hafa lýst því yfir að
þau séu tilbúin að sjá gjaldtöku
flýti slíkt fyrir framkvæmdum.
Fyrir öllu er að fá veginn og hag-
ræðið af leiðarstyttingu er slíkt
að hóflegt veggjald er ásættan-
legt um einhvern tíma.“
Samfélög ekki sameinuð
Sigurður Ingi Jóhannsson
samgöngu- og sveitarstjórnar-
ráðherra kynnti fyrir nokku að
fara ætti í meiriháttar jarðganga-
gerð á Austurlandi – það er
hringtengingu frá Héraði í Seyð-
isfjörð og þaðan í Mjóafjörð og til
Eskifjarðar. Óhætt er að segja að
mörgum þyki að þarna sé boginn
spenntur hátt, enda vegalengdir
miklar og kostnaður sömuleiðis.
Stefán Bogi segir þessar áætlanir
raunhæfar og mikilvægar. Fjarð-
arheiðargöng, sem séu næst á
dagskrá, tryggi mikilvæga teng-
ingu innan nýs sveitarfélags.
„Göng milli Seyðisfjarðar og
Norðfjarðar, um Mjóafjörð, full-
komna þessa framtíðarsýn og
skapa forsendur fyrir áframhald-
andi sameiningu sveitarfélaga á
Austurlandi,“ segir Stefán Bogi
sem leggur áherslu á að eystra sé
verið að sameina sveitarfélög en
ekki endilega samfélög.
„Samfélögin á Borgarfirði,
Seyðisfirði, á Héraði og Egils-
stöðum og Djúpavogi hafa sinn
svip, hefðir og venjur sem ekki
verður breytt. Fjarlægðir þýða
sömuleiðis að þjónusta verður
ekki færð. Öll hafa þessi sveitar-
félög og íbúar eitthvað á hverjum
stað að kenna hvert öðru og eru
saman öflugri en summa part-
anna. En við þurfum líka að vera í
fararbroddi þegar kemur að nær-
stjórnun. Fjarfundir og rafræn
þjónusta eiga að vera okkar
aðalsmerki til að draga úr miðju-
sækni allrar stjórnunar og þjón-
ustu. Að vinna í þeim anda er
skemmtileg áskorun.“
Nýtt sameinað sveitarfélag á Austurlandi er í mótun
Morgunblaðið/Sigurður Bogi
Forysta Fjarfundir og rafræn þjónusta eiga að vera okkar aðalsmerki
til að draga úr miðjusækni þjónustu, segir Stefán Bogi Sveinsson.
Velja þarf nafnið og
kosningar eru í haust
Morgunblaðið/Sigurður Bogi
Axarvegur Fjallvegur milli Skriðdals og Berufjarðar. Endurbóta er þörf
til að skapa tengingu milli Héraðs og Djúpavogssvæðisins.
Egilsstaðir Miðsvæðis á Héraði
og íbúarnir eru um 2.500 talsins.
 Stefán Bogi Sveinsson
fæddist á Egilsstöðum 1980.
Hann er lögfræðingur og fljót-
lega að loknu námi við Háskóla
Íslands fluttist hann, ásamt
Heiðdísi Ragnarsdóttur konu
sinni, aftur til Egilsstaða. Stef-
án hefur setið í bæjarstjórn
Fljótsdalshéraðs frá 2010, þar
af sem forseti bæjarstjórnar
2010-2014 og frá 2018.
 Hefur setið í stjórn Sam-
bands sveitarfélaga á Austur-
landi og Samtaka orkusveit-
arfélaga. Utan sveitarstjórnar-
mála hefur hann einkum
starfað við staðarfjölmiðla og
sem leiðsögumaður erlendra
ferðamanna.
Hver er hann?
Utanríkisráðuneytið mun ekki
koma að skipulagningu flugferða
fyrir Íslendinga á Spáni sem vilja
komast heim. Þetta segir María
Mjöll Jónsdóttir, deildarstjóri í
utanríkisráðuneytinu, aðspurð.
Eins og mbl.is greindi frá um
helgina hefur hópur Íslendinga bú-
settra á Spáni leitað leiða til að
komast heim en leiguflug, sem
fyrirhugað var um þessar mundir,
var blásið af vegna mikils kostnað-
ar. Enn er þó stefnt að leiguflugi í
júní.
María segir að í mars hafi verið
hringt í Íslendinga á Alicante-
svæðinu sem skráðir voru hjá borg-
araþjónustu utanríkisráðuneytisins
til að kanna aðstæður þeirra.
Langflestir voru komnir heim
eða hugðust vera áfram úti en í
kjölfarið skipulagði Icelandair síð-
asta beina flugið frá Alicante 8. apr-
íl fyrir þann hóp sem hafði hug á að
snúa heim. Öllum sem skráðir voru
á meginlandi Spánar voru sendar
upplýsingar um það flug, en ekki
var fullbókað í vélina.
„Á tímabili veittum við upplýs-
ingar um flug og ferðatakmarkanir
með mjög virkum hætti og höfðum
samband við þúsundir Íslendinga
erlendis til að aðstoða þá. Flestir
sem vildu snúa heim eru þegar
komnir heim,“ segir María og bætir
við að hægt sé að komast frá Spáni
til Íslands með millilendingu í
Lundúnum eða Stokkhólmi.
Komi sér heim
á eigin vegum
 Íslendingar á Spáni undirbúa leiguflug
Morgunblaðið/Kristinn
Flug Borgaraþjónustan mun ekki hafa aðkomu að skipulagningu flugsins.