Morgunblaðið - 26.05.2020, Blaðsíða 10

10 FRÉTTIRInnlent
MORGUNBLAÐIÐ ÞRIÐJUDAGUR 26. MAÍ 2020
Hamraborg 10, Kópavogi
Sími: 554 3200 Opið: Virka daga 9.30–18
VERIÐ VELKOMIN
Í SJÓNMÆLINGU
———
Aron Þórður Albertsson
aronthordur@mbl.is
„Það er búið að vera gjörsamlega
brjálað að gera frá því að við opnuð-
um fyrir mánuði. Þetta hafa í raun
verið stanslausar 50 bíla raðir,“ seg-
ir Reynir Bergmann Reynisson, eig-
andi matarvagnsins Vefjunnar á Sel-
fossi. Staðurinn var opnaður fyrir
rétt rúmum mánuði og hafa vinsæld-
irnar ekki látið á sér standa. Nú þeg-
ar nemur fjöldi seldra vefja um fimm
þúsund. „Við erum búin að selja um
þrjú tonn af kjúklingi á fjórum vik-
um. Menn í veitingabransanum vilja
meina að eitthvað í líkingu við þetta
hafi aldrei sést áður,“ segir Reynir.
Að sögn Reynis var rekstur stað-
arins áður í höndum annarra aðila,
en hann hafði gengið brösuglega um
nokkurt skeið. „Staðurinn bar meira
að segja sama nafn, Vefjan. Það var
hins vegar lítið að frétta og mér var
boðið að taka vagninn,“ segir Reynir
og bætir við að hann hafi í kjölfarið
ráðist í gagngerar endurbætur. „Við
tókum við þessu og breyttum al-
gjörlega um stíl. Matseðlinum var
breytt og í kjölfarið sprakk þetta
bara,“ segir Reynir, sem naut að-
stoðar athafnamannsins Sigmars
Vilhjálmssonar við hönnun matseð-
ilsins.
Hyggst opna fleiri staði í haust
Reynir er afar þekktur á sam-
félagsmiðlum, en hann er með rétt
um 16 þúsund fylgjendur á sam-
félagsmiðlinum Instagram. Að auki
hefur hann rekið þjónustufyrirtækið
Park and Fly. Fyrirtækið býður upp
á bifreiðaþjónustu við Leifsstöð.
„Þegar ferðamenn hættu að koma
þá varð lítið að gera í þessu. Í kjöl-
farið voru mér réttir lyklarnir að
þessum vagni og ég ákvað að slá til,“
segir Reynir og bætir við að vin-
sældir á samfélagsmiðlum hjálpi til
þegar ráðist er í opnun matarvagns.
„Það virðist vera þannig að fólk vilji
fylgjast með því sem ég set inn á
miðlana. Allt í einu er ég kominn
með matarvagn og fólk hefur sömu-
leiðis áhuga á honum,“ segir Reynir.
Spurður hvort hann sjái fyrir sér
að opna fleiri staði kveður Reynir já
við. Það verði þó ekki fyrr en í haust.
„Maður hefur séð marga fara flatt á
því að opna fleiri staði strax. Við
stefnum því á opnun í haust,“ segir
Reynir.
Stanslaus röð
í heilan mánuð
 Hafa selt um fimm þúsund vefjur
Morgunblaðið/Arnþór
Eigandi Vel hefur gengið frá því að staðurinn var opnaður fyrir um mánuði.
Sigurður Bogi Sævarsson
sbs@mbl.is
„Starfsmenntanám á sviði garðyrkju
og háskólastarf vinna vel saman.
Samlegðin styður við námið og gerir
þessa stofnun sterkari. Ný stefna
fyrir skólann sem við samþykktum á
síðasta ári á að efla allt okkar starf
og fjölbreytnin er styrkur,“ segir
Ragnheiður Inga Þórarinsdóttir,
rektor Landbúnaðarháskóla Íslands.
Eins og fram
kom í Morgun-
blaðinu í gær vilja
hagsmunaaðilar í
garðyrkju gera
garðyrkjuskól-
ann á Reykjum í
Ölfusi aftur að
sjálfstæðri stofn-
un. Skólinn var
lagður til samein-
aðs Landbúnað-
arháskóla Íslands
fyrir 15 árum, en mörgum þykir sem
garðyrkjan sé afskipt þar. Áherslan
sé um of á búfræðimenntun og búvís-
indin sem hafa aðsetur á Hvanneyri í
Borgarfirði og á Keldnaholti í
Reykjavík.
Garðyrkjunámið
nú í þremur fagdeildum
Um síðustu áramót var skipuriti
Landbúnaðarháskólans breytt og
brautum skipt á þrjár fagdeildir sem
eru; ræktun og fæða, náttúra og
skógur og skipulag og hönnun. Þetta
hefur fólki í græna geiranum ekki
líkað og þykir miður að garðyrkju-
námið heyri nú undir þrjár fagdeild-
ir. Fastmótaðra skipulag hæfi betur.
Hefur þessum sjónarmiðum verið
komið á framfæri við menntamála-
ráðherra, sem síðasta haust fól nefnd
að móta tilllögur sem svöruðu gagn-
rýni. Þeirri vinnu er ólokið.
„Ætlun okkar er að efla skólann
heildstætt og að allar deildir eigi far-
sælt samstarf,“ segir Ragnheiður
Inga. Hún nefnir að í nýrri stefnu
skólans sé lögð áhersla á að efla
rannsóknir, þróun og nýsköpun og
auka sókn í samkeppnissjóði til að
styrkja innviði skólans. Það styðji
kennslu á öllum námsstigum. Þá séu
mikil tækifæri til eflingar starfsem-
inni á Reykjum, ekki síst með auk-
inni notkun jarðvarmans til ræktun-
ar og matvælaframleiðslu. Á síðasta
ári hafi meðal annars verið undirrit-
aður samstarfssamningur við Wag-
eningen-háskólann í Hollandi sem sé
einn fremsti skólinn á sviði garð-
yrkju í Evrópu.
Viljum fleiri nemendur
Allar fagdeildir LbhÍ bjóða upp á
nám á öllum námsstigum. Að loknu
starfsmenntanámi er leiðin greið að
grunnnámi á háskólastigi fyrir þá
sem það kjósa. Fjölmörg dæmi eru
svo í hina áttina, að sögn rektors. Að
fara eftir nám í landslagsarkitektúr
til dæmis í garðyrkjuna á Reykjum
sé hagnýtt, eða úr búvísindum í bú-
fræði og það hafi margir gert.
„Einlægur vilji okkar er að byggja
enn frekar undir starfsmenntanám.
Færri hafa komist að í búfræði um
langt skeið og hafa ungir bændur
lagt fram erindi um að skólinn taki
við fleiri nemendum í búfræði. Við
því ætlum við að bregðast og svipað
gildir um garðyrkjuna en þar viljum
við líka sjá fleiri nemendur,“ segir
Ragnheiður Inga.
Stúdent og búfræðingur
Undanfarin ár hefur gilt samning-
ur á milli Landbúnaðarháskólans og
Menntaskóla Borgarfjarðar um
sameiginlega braut til stúdentsprófs
og búfræðings. Sá samningur tekur
nú einnig til garðyrkjunámsins á
Reykjum. Nemendur taka fyrst tvö
ár við MB og síðan tvö ár við Land-
búnaðarháskólann. Útskrifast síðan
sem bæði stúdentar og búfræðingar
eða garðyrkjufræðingar. Fjöl-
brautaskóli Suðurlands hefur nú
ákveðið að gera samning við Land-
búnaðarháskólann á sama hátt.
„Þeir samningar munu án efa auka
áhuga ungs fólks á garðyrkjunámi,
fjölga nemendum og efla nýliðun í
greininni,“ segir Ragnheiður Inga að
síðustu.
Morgunblaðið/Styrmir Kári
Garðyrkja Tekið upp úr gulrótabeðum á gróðrarstöðinni Melum á Flúðum.
Ætlunin er að efla
skólann heildstætt
 Einlægur vilji að efla starfsmenntanám, segir rektor LbhÍ
Ragnheiður Inga
Þórarinsdóttir
Íbúasamtök Miðborgar Reykjavík-
ur, Íbúasamtaka Vesturbæjar og
Íbúasamtaka Hlíða, Holta og Norð-
urmýrar gagnrýna borgaryfirvöld
fyrir að hafa gengið of langt í þétt-
ingu byggðar í hverfunum. „Nú er
svo komið að á vissum svæðum er
hreinlega um ofþéttingu að ræða,“
segir í ályktun frá fundi samtakanna.
Bent er á að óhikað hafi verið
gengið á græn svæði borgarinnar
sem séu nú þegar af skornum
skammti. Erlend úttekt frá 2018 hafi
leitt í ljós að Reykjavík hafi verið í
37. sæti af 50 borgum heims þegar
hlutfall grænna svæða innan raun-
verulegra borgarmarka var skoðað
þar sem aðeins 18% borgarlandsins
hafi talist grænt svæði, samanborið
við tæp 57% í Prag sem hafi verið
efst á listanum.
Vakin er atygli á því að rannsóknir
sýni í síauknum mæli að í borgar-
landslagi séu græn svæði mjög mik-
ilvæg vegna almennrar lýðheilsu. „Í
Reykjavík hefur endurtekið verið
þrengt að skólalóðum og þar með
útivistarsvæðum skólabarna í borg-
inni og því er enn mikilvægara en
ella að standa vörð um þau grænu og
opnu svæði sem eru í nágrenni skóla-
lóða sem eftir eru í stað þess að
skipuleggja þau undir sífellt þéttari
byggð.“
Fram kemur að íbúar hafi ekki
áhrif á málsmeðferð deiliskipulags-
breytinga. „Samráðsleysið við borg-
arbúa, sem ítrekað benda á hvernig
auka megi gæði almenningsrýma, er
áberandi. Fundurinn skorar á borg-
aryfirvöld í fyrsta lagi að íhuga al-
varlega og með gagnrýnum huga
gildandi stefnu um þéttingu byggðar
og í öðru lagi að fjárfest verði í því að
greina samráðsferlið með tilliti til
skilvirkni, gagnsæis og notenda-
vænni ferla.“
Ofþétting byggð-
ar í Reykjavík
 Íbúasamtök gagnrýna borgaryfirvöld
Morgunblaðið/Árni Sæberg
Þétting Æfingasvæði Vals er
óþekkjanlegt frá því sem áður var.