Skessuhorn - 27.05.2020, Blaðsíða 4

MIÐVIKUDAGUR 27. MAÍ 20204
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.280 krónur með vsk. á mánuði. Elli- og örorkulífeyrisþegar greiða
kr. 2.840. Rafræn áskrift kostar 2.570 kr. Rafræn áskrift til elli- og örorkulífeyrisþega er 2.370 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is

Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Af fjárveitingum
til slökkviliða
Í starfi mínu á liðnum árum hef ég oft fylgst með starfi slökkviliðsmanna. Í þann
hóp velst fólk sem hefur sérstaka eiginleika. Svo ég sletti hefur það undantekn-
ingalaust svona „rescue“ eiginleika, er ávallt viðbúið. Fólk með þessa eiginleika
kýs ýmist að starfa í björgunarsveitum slökkviliðum, aka sjúkrabílum eða lög-
reglu. Er oft mundstrað í fleiri en eitt af þessum hlutverkum og við útköll þurft
að velja á milli þess að grípa rauða björgunarsveitargallann eða gula slökkviliðs-
búninginn. Þetta er fólkið sem alltaf er til taks ef koma þarf öðrum til hjálpar.
Allir vilja hafa slökkviliðsmenn til taks, en enginn vill þurfa að fá þá heim til
sín. Í síðustu viku fylgdist ég með stóru verkefni þegar gróðureldar breiddust
hratt út í grónu hrauni neðan við Paradísarlaut í Norðurárdal. Um viðamikið
verkefni var að ræða og því var strax ákveðið að kalla til aðstoðar slökkviliðs-
mönnum í Borgarbyggð, félaga þeirra frá Akranesi og af Suðurnesjum. Sam-
hentur náði þessi hópur að slökkva eldana á tólf tímum sem í mínum huga er
nánast kraftaverk miðað við aðstæður.
Samstarf líkt og var með slökkviliðunum í Norðurárdal er þekkt frá síðari
árum. Nægir að nefna stórbruna sem varð á Miðhrauni í Eyja- og Miklaholts-
hreppi 2016. Þá sameinuðust öll slökkvilið á Vesturlandi í baráttuna við elda í
fiskþurrkun. Vissulega brann stórt hús, en með samstilltu átaki tókst slökkvi-
liðsmönnum á Vesturlandi að koma í veg fyrir að fleiri hús yrðu eldi að bráð.
Tjónið var engu að síður svo mikið að sama dag gaf tryggingafélagið sem í hlut
átti út afkomuviðvörun. Ég hins vegar man ekki hvort slökkviliðin fengu sér-
stakar þakkir frá tryggingafélaginu fyrir að hafa komið í veg fyrir að enn stærra
tjón yrði.
Á liðnum árum hef ég reynt að fylgjast sem best með starfi allra slökkviliða í
landshlutanum, en þó sýnu mest með starfi og tækjakosti slökkviliðanna í Borg-
arbyggð annars vegar og Akranesi og Hvalfjarðarsveit hins vegar. Bæði eru þessi
lið mönnum úrvalsmannskap. Þar hefur orðið mikil endurnýjun á síðustu árum
í mannskap og nú er þjálfun tekin föstum tökum. En það gegnir öðru máli um
endurnýjun búnaðar, þar ráða aðrir för.
Slökkvilið, eldvarnaeftirlit og annað sem tengist þeirri starfsemi er á forsvari
sveitarfélaga en starfað er í anda laga og reglugerða sem gilda á landsvísu. Varð-
andi endurnýjun tækjakosts finnst mér skóinn hafa kreppt all verulega á síðustu
árum. Mér hefur fundist alltof litlum fjármunum varið í málaflokkinn og beini
orðum mínum sérstaklega að Akraneskaupstað, Hvalfjarðarsveit og Borgar-
byggð. Mér finnst til dæmis ekki ná nokkurri átt að enginn körfubíll sé til staðar
á Akranesi. Nýlega var flutt inn í tíu hæða fjölbýlishús og fjölmörg önnur hús
eru í bæjarfélaginu þar sem hæðirnar eru frá fjórum og upp í tíu. Jafnvel þótt
nýjasta húsið sé búið úðakerfi, ef upp kæmi eldur, er það í mínum huga með öllu
óásættanlegt að í bæjarfélaginu sé ekki til sérbúinn körfubíll til að koma fólki til
bjargar úr mikilli hæð. Aldrei myndi ég flytja inn í háhýsi við þessar aðstæður.
Finnst raunar ótrúlegt að verktakar, almenningur og einnig slökkvilið sýni það
jafnaðargeð sem raun ber vitni í þessu máli. Í tilfelli Slökkviliðs Borgarbyggðar
er jafn ótrúlegt að ekki sé til staðar slökkvibíll eða bílar sem búnir eru One-Se-
ven froðubúnaði. Margoft hef ég orðið vitni af hversu vel slíkur búnaður virkar
hvort sem er í húsbrunum eða til að slökkva gróðurelda. Af þessum sökum fagna
ég sérstaklega að slökkvilið í landshlutanum eru farin að vinna náið saman og
deila um leið tækjakosti þegar mikið liggur við. En engu að síður skipta mín-
útur máli þegar brunar eru annars vegar. Sveitarstjórnarfólk þarf því að hætta
að líta á framlög til slökkviliða sem afgangsstærð. Slökkvilið eiga aldrei að vera
olnbogabörn í rekstri sveitarfélaga, margir aðrir málaflokkar eru minna nauð-
synlegir. Við eigum ekki að þurfa að fórna mannslífum vegna þess að búnaður
slökkviliða stenst ekki tímans tönn. Þá hættir jafnvel duglega „rescue“ fólkið
okkar að vilja koma nærri.
Magnús Magnússon
Mikill erill hefur verið á höfninni
í Grundarfirði þennan mánuðinn.
Drangey SK hefur komið nokkr-
um sinnum og landað í Grundar-
firði í mánuðinum ásamt heimabát-
unum. Þá hafa sömuleiðis nokkrir
rækjubátar landað en heildaraflinn
sem komið hefur í land í Grundar-
fjarðarhöfn fór yfir tvöþúsund og
fjögurhundruð tonn 25. maí síðast-
liðinn. Þá voru starfsmenn Djúpa-
kletts önnum kafnir við að landa úr
Drangey sem kom með fullfermi að
landi um morguninn en áður höfðu
þeir landað fullfermi úr Runólfi SH
og Sigurborg SH beið löndunar. Þá
voru Farsæll og Vestri einnig vænt-
anlegir síðar um daginn.
tfk
Síðastliðinn miðvikudag hófust
grásleppuveiðar í Breiðafirði sam-
kvæmt sérstöku tímabundnu leyfi
sem sjávarútvegsráðherra gaf til
veiða þar, þegar hann tilkynnti að
öðrum grásleppuveiðum yrði hætt
3. maí. Bátum með veiðireynslu á
Breiðafirði er nú heimilt að veiða
allt að 15 tonn á þessari stuttu ver-
tíð. Jafnframt talaði ráðherra skýrt
um það á fundi með grásleppu-
veiðimönnum að veiðarnar yrðu
stöðvaðar ef í ljós kæmi að þær yrðu
óhóflegar eins og það var orðað.
Meðfylgjandi myndir voru tekn-
ar í Stykkishólmshöfn á laugardag-
inn. Verið var að landa fallegri grá-
sleppu úr Öbbu SH. Þeir sjómenn
sem fréttaritari ræddi við sögðu
veiðarnar ganga vel. Netin voru
lögð miðvikudaginn 20. maí og
voru flestir með löndun úr fyrstu
vitjunum á föstudag eða laugardag.
mm/ Ljósm. sá.
Góð aflabrögð í maí
Hásetarnir á Öbbunni í löndun.
Skammvinn grásleppuvertíð
Hér er verið að landa fallegri grásleppu úr Öbbu SH í Stykkishólmshöfn.
Guðmundur Gunnþórsson, Gummi Gussa, er hér að ísa grásleppuna.