Skessuhorn - 27.05.2020, Blaðsíða 14

MIÐVIKUDAGUR 27. MAÍ 202014
Það styttist í að nýtt fimleika-
hús verði tilbúið við Vesturgötu
á Akranesi. Um er að ræða 1.640
fermetra hús sem er byggt við
gamla íþróttahúsið. Einnig er búið
að gera upp hluta af aðstöðunni í
gamla húsnæðinu og næst verður
það hús tekið í gegn að utan, múr-
verk lagað og húsið málað. Í sal
nýja hússins er gryfja og steyptir
áhorfendapallar auk þess sem hægt
er að horfa niður í salinn frá áhorf-
endasvæði þar sem gengið er inn
á áhorfendapallana en þar verða
stórir gluggar niður í bæði nýja og
gamla salinn. Gömlu búningsklef-
unum hefur verið breytt þar sem
áður voru fjórir klefar eru nú orðn-
ir sex og nýjum sturtum komið
fyrir undir áhorfendapöllum fim-
leikahússins. Inngangurinn sem
snýr að Brekkubæjarskóla verður
lokað og notuður sem skógeymsla
og á móti kemur nýr inngangur
þar sem gamli inngangurinn var
upp á þekjuna. Frístund Brekku-
bæjarskóla verður áfram í íþótta-
húsinu og færist nú á áhorfenda-
svæðið en þar verður sett upp lít-
il eldunaraðstaða sem nýtist til að
útbúa smá bita fyrir krakkana í frí-
stund og fimleikafélagið getur ver-
ið með litla veitingasölu þar þegar
mót standa yfir.
Formleg vígsla í haust
Fyrirtækið Spennt ehf. er um þess-
ar mundir að ljúka við sinn hluta
af verkinu og í vikunni koma verk-
takar að leggja gólfdúk á salinn.
Lítilsháttar seinkun verður á upp-
setningu búnaðar þar sem sá verk-
hluti er í höndum danskra verktaka
og vegna kórónuveirunnar geta
þeir ekki komið til landsins strax.
Þeir eru þó væntanlegir til landsins
snemma í júlí og verður fimleika-
húsið klárt fyrir fyrstu æfingu þeg-
ar þeir hafa lokið sinni vinnu. Að
sögn Alfreðs Alfreðssonar, rekstar-
stjóra áhaldahúss á skipulags- og
umhverfissviði Akraneskaupstaðar,
er stefnt á að hægt verði að prófa
búnaðinn seinnipart júlímánað-
ar og æfingar hefjast svo í haust.
Aðspurður segir hann húsið verða
formlega vígt í haust áður en æf-
ingar hefjast af krafti í húsinu.
Viðhaldsfrí klæðning
Fimleikahúsið hefur fengið nokkra
athygli fyrir útlit þess að utan, en
það er klætt með ryðguðum stál-
plötum og lerki. „Þetta hefur feng-
ið nokkra athygli og það eru alveg
skiptar skoðanir á hvort þetta sé fal-
legt eða ekki,“ segir Alfreð. „En ég
held að það sé ekki hægt að dæma
um það fyrr en búið er að ljúka öllu
verkinu, fimleikahúsinu, gamla
íþróttahúsinu og lóðinni,“ segir
Alfreð. Lóðin verður tekin í gegn
í sumar. „Akraneskaupstaður er
að fara í allsherjar hönnunarferli á
skólalóðum bæjarins og verður lóð-
in við fimleikahúsið tekin með í því
verki,“ segir Alfreð. Arkitekt húss-
ins valdi klæðninguna en Akranes-
kaupstaður hefur það að leiðarljósi
að ytra byrgði húsa sé að mestu við-
haldsfrítt. arg
Framkvæmdir við nýtt fimleikahús við
Vesturgötu á Akranesi eru nú á lokametrunum
Fimleikahúsið við Vesturgötu er klætt með ryðguðum járnplötum og lerki.
Horft yfir salinn í nýja fimleikahúsinu. Lengst til vinstri á mynd sést hvar verður
gryfja.
Hér er gengið niður á áhorfendapalla en í þessu rými verður frístund Brekku-
bæjarskóla. Til hægri á myndinni sést hvar verður stór gluggi þar sem hægt verður
að horfa niður í salinn. Veggurinn á móti glugganum verður færður lengra út og
þar verða einnig stórir gluggar til að horfa niður í gamla íþróttasalinn.
Hér sést yfir áhorfendapallana í salnum. Búningsklefunum var breytt og fjölgað úr fjórum í sex.
Veggurinn fyrir aftan körfuboltaspjöldin verður færður að spjöldunum og þar
koma gluggar til að hægt sé að horfa niður í salinn.
Hér sést hvar er verið að gera inngang inn í húsið, horft frá hurðinni inn í gamla
íþróttasalinn.
Nýr gólfdúkur á ganginum fyrir
framan búningsklefana.
Sturturnar eru undir áhorfendapöllunum í nýja fimleikahúsinu.