Skessuhorn - 27.05.2020, Blaðsíða 10

MIÐVIKUDAGUR 27. MAÍ 202010
Töluverðar mannabreytingar eru
nú framundan í stétt presta í Borg-
arfirði og skipan prestakalla. Biskup
Íslands auglýsti nýverið laust til um-
sóknar embætti sóknarprests í Staf-
holtsprestakalli. Sr. Brynhildur Óla
Elínardóttir var fyrir réttu ári ráðin
sóknarprestur Stafholtsprestakalls
tímabundið til eins árs, en til gam-
ans má geta þess að gárungar kalla
slíka tímabundna ráðningu hrökk-
brauð. Umsóknarfrestur um starfið
er til og með 2. júní næstkomandi.
Tekið er fram í auglýsingu Bisk-
upsstofu um embætti sóknarprests
í Stafholti að fyrirvari sé gerður
um ráðningu þar sem unnið er að
breytingum á skipan prestakalla um
allt land með sameiningum tveggja
eða fleiri í eitt stærra prestakall
án fækkunar presta. „Ofangreind
þjónusta er auglýst laus til umsókn-
ar með þeim fyrirvara að vera má að
biskupafundur leggi tillögur fyrir
kirkjuþing er varða m.a. Stafholts-
prestakall og sem kunna að leiða til
breytinga á skipan prestakalla í pró-
fastsdæminu, hljóti þær samþykki
kirkjuþings,“ eins og það er orðað
í auglýsingu Biskupsstofu.
Prestakallaskipan óvarin
En það er víðar en í Stafholti sem
breytingar eru í vændum. Um
næstu mánaðamót lýkur séra Flóki
Kristinsson embætti í Hvanneyrar-
prestakalli. Prestssetrið hefur ver-
ið selt og starfið ekki verið auglýst.
Samkvæmt svari sem Biskupsstofa
gaf Skessuhorni er jafnvel stefnt að
sameiningu Reykholts- og Hvann-
eyrarprestakalla, en þó líklega ekki
fyrr en séra Geir Waage sóknar-
prestur í Reykholti lýkur embætti
við lok þessa árs. Aðspurður seg-
ir séra Geir að bagaleg óvissa ríki
um framtíð prestakalla í héraðinu.
„Ég hef sannspurt, að biskup er
enn að gæla við að leggja saman öll
prestaköll norðan Skarðsheiðar og
jafnvel Dalaprestakall með,“ segir
Geir sem kallar eftir skýrum svör-
um biskups um þetta sem og hvort
til standi að hafa áfram prestsset-
ur í Reykholti. „Fólk er í mikilli
óvissu um þetta. Ég get engin svör
gefið þar sem enginn héraðsfund-
ur hefur verið haldinn vegna ko-
vid, prestastefna féll niður og fund-
ir fátíðir. Nú er því prestakallaskip-
anin næsta óvarin fyrir geðþóttatil-
tækjum kirkjustjórnarinnar,“ sagði
séra Geir í samtali við Skessuhorn.
Hann bætir við að héraðsfund-
ir hafi ítrekað hafnað þessum hug-
myndum kirkjustjórnarinnar.
Líklegt að Reykholt
og Hvanneyri verði
sameinað
Vegna þeirrar óvissu sem ríkir sam-
kvæmt framanskráðu, einkum í
Borgarfirði, sendi Skessuhorn fyrir-
spurn á Biskupsstofu. Pétur Mark-
an, samskiptastjóri Biskupsstofu,
sendi eftirfarandi svar: „Engar til-
lögur liggja fyrir kirkjuþingi um
sameiningu prestakalla í Borgar-
firði. Hins vegar hafa tvær tillögur
verið ræddar á biskupafundi en sá
fundur ákveður hvaða sameiningar-
tillögur eru lagðar fyrir kirkjuþing
ár hvert. Fyrri tillagan fjallar um að
prestaköllin í Borgarfirði sameinist
í eitt prestakall með einum sóknar-
presti og tveimur prestum. Prests-
setur verði áfram á Borg, í Stafholti
og í Reykholti. Síðari tillagan fjallar
um að prestaköllin í Borgarfirði
og Dalaprestakall sameinist í eitt
prestakall með einum sóknarpresti
og þremur prestum. Þessar tillög-
ur hafa verið sendar heim í hérað
til umræðu en eins og áður sagði
hafa þær ekki verið lagðar fram á
kirkjuþingi til samþykktar eða synj-
unar. Ég geri frekar ráð fyrir því að
hvorug þessara tillagna verði lögð-
fyrir kirkjuþing í haust en þar sem
sóknarpresturinn á Hvanneyri læt-
ur af störfum um næstu mánaða-
mót og Reykholtsprestakall verð-
ur laust um næstu áramót er líklegt
að þau tvö prestaköll verði samein-
uð og auglýst sem eitt prestakall frá
næstu áramótum,“ segir í svari Pét-
urs Markan, samskiptastjóra Bisk-
upsstofu.
mm
Í síðustu viku hófst jarðavegsvinna
fyrir byggingu nýs gróðurhúss á
Garðyrkjustöðinni Laugalandi í
Stafholtstungum. Byggt verður um
1300 fermetra gróðurhús sem bæt-
ist þannig við þá 3600 fermetra sem
nú eru undir gleri. Á næstu tveimur
mánuðum verður mokað fyrir hús-
inu og steyptur grunnur en síðan er
ráðgert að í ágúst hefjist vinna við
reisingu hússins. Flutt verður inn
forsmíðað hús frá Hollandi sem
jafnframt verður, að sögn Þórhallar
Bjarnasonar garðyrkjubónda, fyrsta
húsið sem hann byggir sem hannað
er sérstaklega fyrir raflýsingu. Þótt
raflýsing sé í húsunum nú þá voru
þau ekki hönnuð með hana í huga.
Lífstílsbreyting vinnur
með garðyrkjunni
Garðyrkjustöðin á Laugalandi er
fjölskyldufyrirtæki en hlutafélagið
Laugaland var stofnað 1942. Hjón-
in Erla Gunnlaugsdóttir og Þórhall-
ur Bjarnason eru af þriðju kynslóð
garðyrkjubænda þar en auk þeirra
er Hjalti sonur þeirra kominn með
þeim í reksturinn. Þórhallur seg-
ir í samtali við Skessuhorn að mik-
il tækifæri séu nú í grænmetisrækt-
un hér á landi, bæði í inniræktun
og hvers kyns útiræktun. Það megi
meðal annars rekja til lífstílsbreyt-
ingar landsmanna þar sem margir
huga að heilbrigði og hollri fæðu.
„Íslendingar eiga hæglega að geta
orðið sjálfbærir í grænmetisræktun
og eiga að stefna að því. Margir tala
fyrir neyslu á öllu sem er hollt auk
þeirra sem sérstaklega vilja velja ís-
lenskt fram yfir innflutta vöru. Það
eru því mikil sóknarfæri til staðar
hjá garðyrkubændum og tækifæri ef
rétt er á málum haldið,“ segir Þór-
hallur. Hann minnir á að æskilegt
væri að garðyrkjan fengi raforku
á betra verði en nú býðst, en raf-
magnsmálin og dreifing orkunnar
segir hann vera hálfgert eilífðarmál
garðyrkjubænda, þótt ýmislegt hafi
þó þokast í rétta átt. Á Laugalandi
hefur um langt skeið verið ræktaðar
agúrkur eingöngu og síðustu árin
er hluti uppskerunnar svokallaðar
smágúrkur. Neytendur hafa tekið
þeirri framleiðslu fagnandi og hafa
Laugalandsbændur verið hvattir til
að auka framleiðslu á agúrkum og
jafnvel öðrum tegundum einnig
vegna aukinnar eftirspurnar.
Nýtt byggingarlag
Þórhallur segir stækkun gróðrar-
stöðvarinnar vera vegna þess að
þau sjá framtíð í grænmetisræktun.
„Maður væri ekki að standa í þessu
nema af því það er framtíð í garð-
yrkju og það er hægt að hafa við-
unandi afkomu af rekstrinum. Ann-
ars værum við ekki að stækka stöð-
ina og leggja út í milljóna tuga fjár-
festingu.“ Þórhallur segist hafa ver-
ið nærri búinn að ráðast í þessa fjár-
festingu 2008 en þær fyrirætlanir
hafi þá runnið út í sandinn vegna
gengisfalls krónunnar í framhaldi af
gjaldþroti bankanna. Nú sjái hann
lag að taka þráðinn upp. „Gróður-
húsin okkar eru í raun framleiðslu-
tækin okkar og þau er að sjálfsögðu
nauðsynlegt að endurnýja og bæta
eftir því sem aðstæður leyfa. Nú
byggjum við í fyrsta skipti gróður-
hús sem hannað er sérstaklega til að
lýsa í því plönturnar. Gömlu húsin
okkar eru með norrænu byggingar-
lagi en þetta hús verður með hærri
veggi og þakið með lágum burstum.
Þetta hús verður glerjað með hertu
gleri sem á að gera þau sterkbyggð-
ara til að takast á við veður og vinda.
Það verður nánast hægt að ganga á
glerinu án þess að það brotni. Nú á
næstu vikum mun Eiríkur J Ingólfs-
son taka að sér að steypa upp sökkla
og síðan kemur til okkar hollenskur
vinnuflokkur í ágúst og áætlar þrjár
vikur í að reisa húsið. Annar vinnu-
flokkur kemur svo í framhaldinu og
glerjar. Þannig reiknum við með að
geta hafið framleiðslu í nýja hús-
inu á næsta ári,“ segir Þórhallur.
Líkt og í núverandi gróðurhúsum
á Laugalandi verða agúrkur fram-
leiddar í nýja húsinu.
mm
Brauð laust í Borgarfirði og óvissa
um framtíðarskipan embætta
Stafholtkirkja í Borgarfirði.
Hefja byggingu nýs gróðurhúss á Laugalandi
Agúrkuplöntur í uppeldi.
Í síðustu viku var byrjað að moka fyrir grunni að nýju gróðurhúsi en jarðvinnuna
tók Davíð Ólafsson að sér. Á myndinni eru f.v. Arnþór Ólafsson, Hjalti Þórhallsson,
Þórhallur Bjarnason og Davíð Ólafsson.
Smágúrkurnar frá Laugalandi hafa
fengið afar góðar viðtökur á markað-
inum.
Erla og Þórhallur eru hér í húsi þar sem hundruðir smágúrkuplantna eru í blóma.
Tína þarf smágúrkurnar af plöntunum tvisvar á dag til að þær vaxi ekki uppfyrir
kjörstærð.
Hollenskt gróðurhús svipað því sem
flutt verður inn í sumar.