Skessuhorn - 27.05.2020, Blaðsíða 16

MIÐVIKUDAGUR 27. MAÍ 202016
Fornbifreið er þannig skilgreind í lögum að það er ökutæki
sem ekki er ætlað til almennrar notkunar, telst vera safngripur
og er eða verður að minnsta kosti 25 ára á almanaksárinu. Bíll
verður þó ekki sjálfkrafa fornbíll við 25 ára aldurinn, en hægt
er að sækja um slíka skráningu. Óháð því þá lækka bifreiða-
gjöld til hins opinbera þegar þeim aldri er náð. Ef um fornbíla
er að ræða er mögulegt að semja um hagstæðari tryggingaið-
gjöld enda eru það ekki brúksbílar. En þrátt fyrir að fornbíl-
um sé lítið sem ekkert ekið nema á tyllidögum þarf að færa þá
til skoðunar annað hvert ár til að þeir séu löglegir í umferð-
inni. Frumherji hefur um árabil í samstarfi við Fornbílafjelag
Borgarfjarðar boðið eigendum fornbíla upp á sérstakan skoð-
unardag í Borgarnesi gegn einkar hagstæðu gjaldi. Á Sam-
gönguminjasafninu í Brákarey voru rúmlega 80 bílar og önn-
ur farartæki síðastliðinn vetur en fækkar lítilega yfir sumar-
tímann. Flestir bílanna eru í eigu félagsmanna en félagið sjálft
á þó tæpa tvo tugi bíla og annarra ökutækja sem því hafa ver-
ið gefnir.
Það var líf og fjör í skoðunarstöð Frumherja síðdegis á
þriðjudag í liðinni viku. Þá streymdu bílar á svæðið, hver á
fætur öðrum. Skúli Guðmundsson skráði bílana í röðina og
tók við gjaldi en Kristinn Óskar Sigmundsson tók bílana svo
til skoðunar. Flestir höfðu bílarnir verið ræstir í stæðum sí-
num í Brákarey og brunað á þeim á Sólbakkann. Líkt og með
nýlegri bíla þarf að fara yfir að helstu öryggisatriði í fornbílum
séu í lagi. Misjafnt er þó hvaða kröfur eru gerðar og fer það
eftir framleiðsluári bílsins. Þannig var til dæmis ekki skylt að
hafa öryggisbelti í elstu bílum og jafnvel ekki stefnuljós, svo
dæmi séu tekin.
mm
Fornbílar færðir til skoðunar
Fagur gulrauður Wagoneer árgerð 1970 var með fyrstu bílum til skoðunar.
Árni Guðmundsson á Beigalda á tvo Volvo fólksbíla, hvor öðrum glæsilegri. Sá
yngri er hér til skoðunar, M-558 árgerð 1988.
Kristinn Óskar er hér að yfirfara búnaðinn í Oldsmobile Super-88, árgerð 1959.
Snorri Jóhannesson á Augastöðum, eigandi bílsins, gengur léttfættur við hlið
hans. Snorri sagði þetta hátíðisdag sem hann vildi ekki missa af, þótt annir stæðu
nú yfir í sauðburði. Með skoðunarmiða til 2022 brunaði Snorri svo í sveitina, vel
keyrandi.
Jónas Guðmundsson á Bjarteyjarsandi mætti með Chevrolet Biscayne, 58 módel.
„Varaðu þig, þú ert að keyra út úr braut,“ kallar Gunnar Jónsson hér til Kristins,
sem áttaði sig ekki á hversu mjór Morris Ninor Super-1000 er. Bíll þessi er af árgerð
1964 og skráð framleiðsluland hans er Stóra-Bretland. M-20 var skömmu síðar
kominn með fulla skoðun til 2022.
Þessi Mustang Mark-1 er af árgerð 1971 og vissulega einn
glæsilegasti bíllinn sem fór á gryfjuna þennan daginn.
Oddur Ágúst Fjeldsted er stoltur eigandi.
Volvo, Benz og Chevrolet pickup í röðinni.
Komið með Volkswagen rúgbrauð árgerð 1980 til skoðunar.
Þetta er einn af mörgum bílum í eigu Fornbílafjelagsins.
Sæmundur Sigmundsson mætti fyrstur manna í skoðun með
sinn M-5 Chevrolet Bel Air árg. 1957. Einn sá glæsilegasti í
Brákarey enda kenndur við hverfi ríka og fræga fólksins í LA.
Gömlu skoðunarmiðarnir eru sérframleiddir af Forn-
bílaklúbbi Íslands til að halda í gamla hefð allt frá tímum
Bifreiðaeftirlits ríkisins. Margir safna þessum miðum og
raða þeim í framgluggana eftir því sem pláss leyfir. Hvort
það er heppilegt til lengdar er önnu saga.