Morgunblaðið - 17.08.2020, Blaðsíða 4

4 FRÉTTIRInnlent
MORGUNBLAÐIÐ MÁNUDAGUR 17. ÁGÚST 2020
Tilkynning um innlausn
hlutabréfa í Heimavöllum hf.
Fredensborg ICE ehf. hefur eignast meira en 9/10 hluta af hlutafé í Heimavöllum hf.
Í 110. gr. laga nr. 108/2007 um verðbréfaviðskipti er heimild fyrir hluthafa sem á meira
en 9/10 hluta hlutafjár í félagi og ræður yfir samsvarandi atkvæðamagni, að fara fram á
að aðrir hluthafar í félaginu skuli sæta innlausn á hlutum sínum. Fredensborg ICE ehf. og
stjórn Heimavalla hf. hafa komist að samkomulagi um að innlausnarréttur réttur verði
nýttur. Samkvæmt lögum um verðbréfaviðskipti skal tilkynning um innlausn birt með
sama hætti og aðalfundarboð. Kveða samþykktir félagsins á um að það skuli gert með
auglýsingu í dagblaði eða á annan sannanlegan hátt.
Stjórn Fredensborg ICE ehf. hefur ákveðið að innlausnarverð verði 1,5 kr. en skv. 1. mgr.
110. gr. laga um verðbréfaviðskipti er verð sem boðið var í yfirtökutilboði í hlutabréf
Heimavalla hf. frá Fredensborg ICE ehf., sem rann út 15. júní sl. teljast sanngjarnt inn-
lausnarverð. Hlutafjáreign hluthafa tekur mið af stöðu þeirra skv. hlutaskrá Heimavalla
hf. þann 17. ágúst 2020.
Hluthafar eru hér með hvattir til að samþykkja innlausnina og framselja hlutabréf sín
í Heimavöllum hf. til Fredensborg ICE ehf. hið fyrsta og eigi síðar en innan fjögurra
vikna, þ.e. fyrir lok dags 14. september 2020. Innlausnarverðið verður greitt til hluthafa
að loknum framangreindum fresti, eigi síðar en fyrir lok dags 18. september 2020. Þeir
hluthafar sem ekki samþykkja innlausnina fá söluandvirði hluta sinna greitt inn á reikn-
ing á nafni rétthafa. Frá þeim tíma telst Fredensborg ICE ehf. réttur eigandi hlutabréfanna
og hlutabréf fyrri eiganda ógild, sbr. 110. gr. laga nr. 108/2007 um verðbréfaviðskipti.
Hluthafar geta framselt hluti sína í Heimavöllum hf. á vefsíðu Heimavalla hf., https://
www.heimavellir.is/is/fredensborg-ice-ehf-1. Hluthöfum er bent á að hafa samband við
Erlend Kristjánsson í síma 669-6940 ef óskað er frekari upplýsinga.
Reykjavík, 17. ágúst 2020,
Fredensborg ICE ehf.
heimavellir.is
Snorri Másson
snorrim@mbl.is
Það fer bara vel um Þórunni Kol-
beinsdóttur, myndlistarmann og
bóksala, í sérherbergi hennar í sótt-
varnahúsinu við Rauðarárstíg, þar
sem hún sér fram á að vera í ein-
angrun næstu vikur, alltént ef sam-
býliskonur hennar tvær reynast,
ólíkt henni, ekki vera smitaðar af
kórónuveirunni. Þórunn greindist
með veiruna á föstudaginn og þar
sem hún hafði ekki kost á að vera í
einangrun heima við fékk hún inni á
Rauðarárstíg á laugardaginn, en ef
sambýliskonur hennar eru með veir-
una geta þær svo sem verið saman í
einangrun á heimili þeirra í Vestur-
bænum.
Þórunn er ein af 121 sem eru í ein-
angrun á Íslandi vegna kórónuveir-
unnar. Langflest þessara smita eru
innanlandssmit og það gildir um
smit Þórunnar, sem hefur ekki
ferðast til útlanda nýlega. Hún hefur
ekki hugmynd um hvaðan hún fékk
veiruna.
„Það hefur enginn verið veikur í
kringum mig eða neitt þannig. Ég
hef líklegast fengið þetta í vinnunni á
einhverjum tímapunkti,“ segir Þór-
unn, sem vinnur við afgreiðslu í Ey-
mundsson á Skólavörðustíg.
Fólkið í kringum Þórunni hefur
verið í skimun í gær og í dag og
niðurstaðna er að vænta á næstu
dögum. Fyrst fann Þórunn fyrir ör-
litlum kvefeinkennum á sunnu-
deginum fyrir viku, hringdi á heilsu-
gæslu, spurði hvort hún ætti að
bregðast við en henni var sagt að það
þyrfti ekki í bili. Einkennin fóru síð-
an og á miðvikudegi mætti hún til
vinnu frísk en á fimmtudegi fann hún
allt í einu ekki bragð af morgun-
kaffinu. Hún pantaði tíma, fór í
sóttkví og daginn eftir greindist hún
með veiruna.
Hún segir skrýtna tilfinningu að
greinast án þess að hafa minnstu
hugmynd um hvaðan smitið er kom-
ið. „Ég er sjálf búin að passa mig
rosalega vel en mér finnst þetta sýna
að allt sem við erum að gera, spritta
sig oft á dag og gæta að öllu og lifa
þessu skrýtna lífi, að það er ekki til-
gangslaust.“
Ekki hugmynd um
hvaðan veiran kom
 Smitaðist hugsanlega í vinnunni
Ljósmynd/Gréta Þorkelsdóttir
Einangrun Þórunn sótt á laugardagsmorgni til að fara í sóttvarnahúsið.
„Ég var á leið yfir Laxárdalsheiði upp frá Hrúta-
firði þegar ég sá þennan smyril sem stillti sér
svona fallega upp,“ sagði Höskuldur Erlingsson
við Morgunblaðið.
Höskuldur sagðist hafa tekið margar myndir
af fuglinum sem var hinn rólegasti „þar til hon-
um brást skyndilega þolinmæðin og flaug á brott
og sendi mér frekar illilegt augnaráð“. Á því
augnabliki var þessi mynd tekin.
Smyrlar eru algengustu ránfuglarnir hér á
landi en um 1.000-1.200 pör verpa hér á sumrin.
Smyrlar eru farfuglar, koma yfirleitt um miðjan
apríl og halda í lok september á vetrarstöðvar,
einkum í Bretlandi. Fyrir kemur þó, að smyrlar
hafi vetrarsetu á Íslandi.
Ljósmynd/Höskuldur Erlingsson
Smyrill í fyrirsætustörfum
Flugvél Icelandair á leið til Ham-
borgar var snúið við skömmu eftir
flugtak á sunnudagsmorgun vegna
vélartruflana. Vélin tók á loft klukk-
an 7.59 í gærmorgun, en sneri við á
flugi yfir Kirkjubæjarklaustri í um
35.000 feta hæð þegar bilunar í
hreyfli varð vart. Vélin lenti klukkan
8.53 á Keflavíkurflugvelli. Alls voru
um 150 farþegar um borð í vélinni.
Ásdís Ýr Pétursdóttir, upplýsinga-
fulltrúi Icelandair, segir að slökkt
hafi verið á öðrum hreyfli Boeing
757-vélarinnar eftir að vélarbilun
kom upp í mótor hreyfilsins, en slíkt
er gert samkvæmt verklagi. Að sögn
Ásdísar var aldrei nein hætta á ferð-
um, enda vélar hannaðar til að geta
flogið á einum hreyfli. Óskað var eft-
ir forgangi til lendingar á
Keflavíkurflugvelli. Annað flug var í
kjölfarið sett upp og flogið var með
þeirri vél til Hamborgar skömmu
eftir klukkan 11 í gær.
Að sögn Ásgeirs Þórarinssonar,
varðstjóra hjá Brunavörnum Suður-
nesja, voru gangtruflanir í mótor
vélarinnar og hættustigi, sem er
miðstigið í neyðarviðbúnaðarkefi
vallarins, lýst yfir. Allir tiltækir
sjúkrabílar og einn slökkvibíll voru
sendir á biðsvæði við Straumsvík.
Hættustigi var aflýst þegar vélin
lenti heilu og höldnu í Keflavík.
Bilun kom
upp í vél
Icelandair
 Snúið við á leið
til Hamborgar