Morgunblaðið - 17.08.2020, Blaðsíða 11

FRÉTTIR 11Innlent
MORGUNBLAÐIÐ MÁNUDAGUR 17. ÁGÚST 2020
TWIN LIGHT RÚLLUGARDÍNA
Álnabær
Allt fyrir gluggann… úrval, gæði og þjónusta.
Síðumúla 32, Reykjavík. S. 588 5900 ■ Tjarnargötu 17, Keflavík. S. 421 2061 ■ Glerárgötu 32, Akureyri. S. 462 5900 ■ alnabaer.is
Við erum sérhæfð í gluggatjöldum
alnabaer.is
Sigtryggur Sigtryggsson
sisi@mbl.is
Framkvæmdir eru hafnar við gerð
hringtorgs á hættulegum gatnamót-
um á hringveginum á Suðurlandi.
Um er að ræða gatnamót Hringveg-
ar (1), Landvegar (26) og Ásvegar
(275). Unnt var að fara í þetta verk
eftir að viðbótarfjárveitingar fengust
til vegaframkvæmda sl. vor vegna
kórónuveirunnar.
Á þessum gatnamótum hafa orðið
slys og óhöpp í gegnum árin. Árið
2002 varð þarna mjög alvarlegt slys
þegar þrjár konur létust þegar bif-
reið þeirra lenti í árekstri við rútu.
Í skýrslu Línuhönnunar frá des-
ember 1999 um lagfæringu á slysa-
stað sem Rögnvaldur Jónsson, for-
stöðumaður hjá Vegagerðinni, lét
vinna stendur:
„Verslun er staðsett á horni
Suðurlandsvegar og Landvegar og
er mjög nálægt vegamótunum. Á
Suðurlandsvegi að vestan er komið
upp brekku, en flatt er að austan.
Verslunin er alveg við veginn, sem
skyggir mikið á útsýni til austurs fyr-
ir umferð, sem kemur eftir Land-
vegi.“
Umrætt verslunarhús stóð rétt við
veginn. Það var reist árið 1947. Húsið
skemmdist mikið í Suðurlands-
skjálftanum árið 2000.
Fyrri söluskáli var rifinn
Í skýrslu fyrrverandi samgöngu-
ráðherra um framkvæmd samgöngu-
áætlunar 2004 stendur:
„Gamall söluskáli sem var þétt við
veginn var keyptur til niðurrifs.
Sjónlínur við gatnamótin voru lagað-
ar og settar miðeyjar á hliðarvegi við
gatnamótin, auk þess sem sett voru
niður undirgögn fyrir hestaumferð
eða aðra stórgripi. Lagfæring vegar-
ins var unnin í ágúst 2004 en húsið
rifið í ársbyrjun 2005.“
Hjónin Pálína Kristinsdóttir og
Bergur Sveinbjörnsson hafa um ára-
bil rekið söluskálann á Landvega-
mótum. „Gamla húsið fór illa í jarð-
skjálftanum árið 2000 og fékk að
víkja þegar við fluttum í nýja húsið.
Það var enda barn síns tíma og stóð
aðeins fjóra metra frá veginum,“
sagði Pálína í viðtali við Fréttablaðið
árið 2018. Eftir Suðurlandsskjálft-
ann festu hjónin kaup á gömlum leik-
skóla sem stóð á móts við Landspít-
alann við Hringbraut og breyttu
honum í söluskálann sem nú stendur
við Landvegamót. Við skálann eru
bensíndælur frá Olís.
Auk þeirra lagfæringa sem sagt er
frá hér að ofan hefur fleira verið gert
til að reyna að auka öryggi á vega-
mótunum. Þar hefur fyrst og fremst
verið um að ræða bættar merkingar.
Ljóst var að meira þyrfti að gera til
að auka umferðaröryggi og voru
fleiri minni háttar umferðaröryggis-
aðgerðir í undirbúningi.
Þrátt fyrir umbætur urðu enn slys
á þessum gatnamótum. Skemmst er
að minnast að í nóvember í fyrra varð
tveggja bíla árekstur skammt vestan
gatnamótanna og þurfti að flytja far-
þega með þyrlu til Reykjavíkur.
„Gerð hringtorgs á þessum stað er
mikilvæg öryggisaðgerð sem unnt
var að fara í eftir að viðbótarfjárveit-
ingar fengust nú í vor,“ segir í svari
Vegagerðarinnar við fyrirspurn.
Í maí sl. auglýsti Vegagerðin eftir
tilboðum í gerð hringtorgs á mótum
Hringvegar (1), Landvegar (26) og
Ásvegar (275), auk minni háttar
breytinga allra aðliggjandi vega.
Fjögur tilboð bárust í verkið. Það
lægsta var frá Aðalleið ehf. í Hvera-
gerði, tæpar 144 milljónir. Vegagerð-
in gekk til samninga við fyrirtækið
og eru framkvæmdir hafnar. Verklok
eru áætluð seinni hluta þessa árs.
Hringtorg sett á
hættuleg gatnamót
 Vegagerðin hefur ráðist í vegabætur á Hringveginum við
Landveg  Á þessum gatnamótum hafa orðið alvarleg slys
Landvegamót Húsið sem áður stóð
þétt við veginn var rifið árið 2005.
Vegamót Hringvegar,
Landvegar og Ásvegar
Kortagrunnur: OpenStreetMap
Hringvegur (Suðurlandsvegur)

La
nd
ve
gu
r
Ás
ve
gu
r
Söluskálinn
Landvegamót
Strætisvagnabiðstöð á hringtorgi við
Hádegismóa hefur ekki verið í notk-
un frá því í nóvember, þegar á dag-
inn kom að samkvæmt umferðarlög-
um megi biðstöðvar ekki vera í
hringtorgum. Sú umræða hófst
vegna strætóbiðstöðvar á Hagatorgi
í Vesturbæ en átti jafn vel við í Há-
degismóum. Biðstöðin var því færð
inn á götu, Hólmsheiði, en ekki skýl-
ið með. Það stendur á sama stað, á
meðan biðstöðin er komin um hundr-
að metra frá, auðkennd með staur.
Guðbjörg Lilja Erlendsdóttir,
yfirverkfræðingur á umhverfis- og
skipulagssviði Reykjavíkur, segir að
það sé á listanum að færa skýlið frá
staðsetningu gömlu biðstöðvarinnar
til hinnar nýju, en að þetta sé ekki
framarlega í forgangsröðinni á að-
gerðalistanum. Biðstöðin sé ekki
mikið notuð og að hægt sé að vera í
skjóli frá verstu veðrum í skýlinu þar
til strætóinn nálgast og þá færa sig
að nýju stöðinni. Hún segir þó leið-
inlegt að hafa skýlið á þessum stað
og vonast til að það verði fært að
stöðinni.
Að auki segir Guðbjörg að í leið-
arbreytingum sem eru í undirbún-
ingi hjá Strætó séu hugmyndir uppi
um að fjarlægja biðstöð alfarið frá
þessari staðsetningu, þannig að þeir
sem væru í Hádegismóum þyrftu að
komast hinum megin við Suður-
landsveg til þess að ná þar strætó.
Það sé þó ekki meitlað í stein.
Hvað sem öllu líður verður bið-
stöðin ekki færð aftur inn í hring-
torg, enda má hún ekki vera þar
nema með sérstöku samþykki lög-
reglu og Vegagerðarinnar, sem hef-
ur aðeins fengist í tilfelli biðstöðv-
arinnar á Hagatorgi. Sú fær að
standa. snorrim@mbl.is
Áfram aðskilnaður
skýlis og stöðvar
 Um hundrað metr-
ar frá skýli til eigin-
legrar biðstöðvar
Morgunblaðið/Snorri
Skýli Svo langt er frá skýli til stöðv-
ar að staurinn sést vart á mynd.
Búrfellslundur, þar sem Lands-
virkjun áformar að reisa vindmyllur,
hefur verið endurhannaður í sam-
ræmi við ábendingar sem bárust í
umhverfismati.
Fram kemur á vef Landsvirkj-
unar að lundinum hafi verið valinn
nýr staður, hann verði mun minni en
ráðgert var í fyrstu, eða um 18 km² í
stað 33 km² og vindmyllur verða um
30, í stað 67 áður. Þá verði lundurinn
ekki sýnilegur frá Stöng eða Gjánni
og með því að reisa vindmyllurnar
norðan við Sprengisandsleið og
Landveg skerðist ekki útsýni að
Heklu.
Þá segir á vef fyrirtækisins, að
nýr Búrfellslundur sjáist ekki frá
bílastæðinu við Háafoss eins og áður
var og sé lítt sjáanlegur frá gatna-
mótum Landvegar og Landmanna-
leiðar.
Í biðflokki
Í tillögum verkefnisstjórnar 3.
áfanga rammaáætlunar var Búr-
fellslundur settur í biðflokk. Meg-
inrökin voru það mat faghóps 2 að
vindmyllurnar myndu hafa mikil
áhrif á ferðasvæði. Taldi faghóp-
urinn þennan kost hafa meiri áhrif á
ferðamennsku og útivist en nokkur
annar virkjanakostur sem skoðaður
var.
Landsvirkjun reisti tvær vind-
myllur skammt frá Búrfelli í byrjun
ársins 2013 sem hluta af rann-
sóknar- og þróunarverkefni og eru
þær enn í rekstri. Var markmiðið að
rannsaka rekstur slíkra vindmylla
við séríslenskar aðstæður, þ.á m.
áhrif af ísingu, skafrenningi, ösku og
sandfoki.
Orkustofnun kynnti fyrr á þessu
ári 34 vindorkukosti til fjórðu verk-
efnisstjórnar rammaáætlunar, sem
nú er að störfum. Ástæðan fyrir
áhuga innlendra og erlendra orku-
fyrirtækja er væntanlega sú að
kostnaður við að koma upp vind-
orkugörðum hefur farið lækkandi og
þessi orkukostur er að verða sam-
keppnisfær.
Nýlega féllst Skipulagsstofnun á
matsáætlanir fyrir mat á umhverfis-
áhrifum vegna tveggja fyrirhugaðra
vindorkuvera með skilyrðum. Það er
annars vegar tillaga EM Orku að
matsáætlun vegna allt að 130 MW
vindorkuvers í landi Garpsdals í
Reykhólahreppi. Hins vegar tillaga
Storm-Orku að 80-130 MW vind-
orkuveri í landi Hróðnýjarstaða í
Dalabyggð.
Morgunblaðið/Árni Sæberg
Vindmyllur Vindmyllurnar tvær sem Landsvirkjun reisti við Búrfell.
Búrfellslundur
endurhannaður
 Nú gert ráð fyrir 30 vindmyllum