Morgunblaðið - 17.08.2020, Blaðsíða 7

FRÉTTIR 7Innlent
MORGUNBLAÐIÐ MÁNUDAGUR 17. ÁGÚST 2020
Björgvin Harðarson, bóndi á
Hunkubökkum nærri Kirkjubæjar-
klaustri, segist ekki hafa miklar
áhyggjur af jökulhlaupi undan
Grímsvötnum eða mögulegu gosi
enn sem komið er. Hann segist þó
fylgjast grannt með gangi mála.
„Á meðan það kemur ekki hlaup-
vatn hefur maður ekki miklar
áhyggjur, en þegar hlaupvatnið er
komið er ekki komin upp góð staða.
Ef það kemur eitthvert fé inn um
alla afrétt sem við munum ekki ná í
fyrr en um mánaðamótin. Við erum
að hamast við að klára seinni slátt,
sem er bara búið ef það fer að
gjósa. Við vonum að þetta sleppi
þangað til,“ segir Björgvin.
Hann vonist til að ekkert öskufall
verði fyrr en í vetur, svo landið
verði tilbúið næsta vor ef gjósa fer.
„Það er vont að fá þetta í gróand-
ann. Það sem ræður þó úrslitum hjá
okkur er vindáttin, ef hún er hag-
stæð kemur þetta ekki yfir okkur.
Það hefur nú áður komið Gríms-
vatnagos og við alveg sloppið við
það, ef það er sunnanátt.“
Hefur ekki miklar
áhyggjur enn þá
Morgunblaðið/Ernir
2011 Björgvin Harðarson, bóndi á Hunkubökkum, gengur um bæjarhlaðið í öskufallinu eftir gosið vorið 2011.
Eldflaug var skotið upp á Langanesi
í gærmorgun. Að skotinu stóð
skoska fyrirtækið Skyrora, en skotið
var í samstarfi við Geimvísinda- og
tækniskrifstofu Íslands.
Um þrjátíu manns komu saman til
að fylgjast með skotinu. Flauginni
var skotið upp í tveimur hlutum með
nokkurra sekúnda millibili, og fór
fyrri hlutinn í um sex kílómetra hæð
en sá síðari í 30 kílómetra hæð.
Lentu þær síðar í sjó skammt frá
landi. Um borð í flaugunum var raf-
eindabúnaður, tvær tölvur með stað-
setningartæki og þrýstingsmælir.
Atli Þór Fanndal, forstöðumaður
skrifstofunnar, segir að um tilrauna-
skot sé að ræða en markmiðið sé að
geta skotið gervitunglum út í geim á
sporbaug um jörðu þegar fram líða
stundir.
Geimvísinda- og tækniskrifstofan
var formlega stofnuð á síðasta ári en
óformlegar viðræður höfðu hafist ár-
ið áður. Atli segir að markmið stofn-
unarinnar sé að hlúa að geimvís-
indum hér á landi og gera það að
verkum að hægt sé að taka á móti
fólki hingað til land í þeim tilgangi.
Góð áminning á gróskuna
Árið 2016 samþykkti Alþingi
þingsályktunartillögu þess efnis að
Ísland skyldi sækja um aðild að Evr-
ópsku geimferðastofnuninni, en 22
ríki eiga aðild að henni. Síðan þá
hafa forviðræður staðið yfir. „Besta
leiðin til að sannfæra fólk, hvort sem
það eru pólitíkusar eða aðrir, er að
gera eitthvað,“ segir Atli.
Eldflaugarskotið í dag hafi verið góð
áminning um gróskuna.
„Það er gríðarleg eftirspurn eftir
að koma til Íslands hvort sem það
snýst um jarðfræði eða gervi-
greind,“ segir Atli. „Það er til-
tölulega mikil virkni þegar kemur að
geimvísindum hér á landi. Við erum
með háskóla í fremstu röð þegar
kemur að fjarkönnun,“ segir Atli og
bendir á að rektorar tveggja stærstu
háskóla landsins, Jón Atli Benediks-
son og Ari Kristinn Jónsson, sem
vann um tíma hjá NASA, hafi lagt
málaflokknum lið.
Eldflaug-
arskot frá
Langanesi
Ljósmynd/Skyrora
Eldflaug Skotið var frá Langanesi.
 Vilja skjóta
upp gervitunglum