Morgunblaðið - 03.09.2020, Qupperneq 4

4 FRÉTTIRInnlent
MORGUNBLAÐIÐ FIMMTUDAGUR 3. SEPTEMBER 2020
- síðan 1986 -
Skútuvogi 6
104 Reykjavík
Sími: 568 67 55
alfaborg.is
Framkvæmdir standa núna yfir við
nýjan göngustíg meðfram Hörgár-
braut á Akureyri, frá Hlíðarbraut
og suður að núverandi stíg við
Hraunholt. Stígurinn verður 320
metra langur og þrír metrar á
breidd.
Verkið hófst í síðustu viku og
reiknað með að því ljúki fyrir 15.
október næstkomandi. Í ár fara
fram jarðvegsskipti, settir ljósa-
staurar og undirstöður fyrir girð-
ingu. Lokafrágangur fer síðan
fram á næsta ári.
Með þessum stíg við Hörgárbraut
verður hægt að fara alla leið frá
Akureyrarflugvelli og norður að
Krossanesborgum á stígum, svo til
beina leið í gegnum allan bæinn.
Strax í kjölfarið verður gerður stíg-
ur í Sjafnargötu og að sveitar-
félagamörkum Akureyrarbæjar og
Hörgársveitar.
Þar með hafa sveitarfélögin
Hörgársveit og Eyjafjarðarsveit
verið tengd saman með stígum,
nærri níu kílómetra leið. Því er um
tímamótaframkvæmdir að ræða.
Framkvæmdir við göngustíg meðfram Hörgárbrautinni á Akureyri
Stígar alla
leið á flug-
völlinn
Morgunblaðið/Þorgeir Baldursson
Helgi Bjarnason
helgi@mbl.is
Sjómannadagsráð hefur óskað eftir
endurskoðun á samningi þess við
Garðabæ um rekstur hjúkrunar-
heimilisins Ísafoldar. Hrafnista hef-
ur rekið heimilið frá 2017 og fengið
framlög frá Garðabæ vegna tap-
reksturs. Hrafnista hefur ekki náð
að stöðva tapreksturinn og óskar
því eftir áframhaldandi framlögum
og endurskoðun.
Ísafold tók til starfa á árinu 2013
með samningum Garðabæjar við
ríkið. Bærinn byggði húsið og leigir
ríkinu, samkvæmt svokallaðri leigu-
leið. Fljótt kom í ljós að daggjöld
sem ríkið ákvarðar og greiðir dugðu
ekki til að standa undir rekstri sam-
kvæmt þeim kröfum sem gerðar eru
af sömu yfirvöldum og sagði Garða-
bær upp samningum við ríkið. Ekki
náðust samningar um yfirfærsluna
en Garðabær samdi við sjómanna-
dagsráð um að Hrafnista tæki við
rekstrinum en stofnunin rekur
mörg hjúkrunarheimili. Voru
bundnar vonir við að hægt yrði að
snúa rekstrinum við innan þeirrar
einingar. Samið var um að Garða-
bær myndi greiða hluta tapreksturs
fyrstu árin. Annars vegar með því
að láta fullt húsnæðisgjald, 46 millj-
ónir á ári, renna til rekstursins
fyrstu þrjú árin og hins vegar með
sérstöku 24 milljóna króna framlagi
til að jafna tap, meðal annars vegna
mismunandi launakjara starfsfólks
Garðarbæjar og Hrafnistu, einnig
fyrstu þrjú árin. Endurskoða átti
samninginn í heild á þessu ári. Um-
rædd ákvæði eru nú runnin út en
Hrafnista vill halda fullu húsnæðis-
gjaldi sem á að nota til viðhalds,
bæði innanhúss og utan og hefja við-
ræður um endurskoðun.
Erindi Hrafnistu hefur verið
kynnt í bæjarráði Garðabæjar.
Gengur ekki upp
Gunnar Einarsson, bæjarstjóri í
Garðabæ, segir að málið sé í gerjun.
Hrafnista sé að skoða enn betur
hvort hægt sé að hagræða frekar í
rekstri. Þá séu bundnar vonir við
vinnu samráðshóps um rekstur
hjúkrunarheimila. „Mörg sveitar-
félög eru að sligast undan rekstri
hjúkrunarheimila. Þetta gengur
ekki upp. Við vildum ekki greiða
eins mikið með þessum rekstri og
raunin varð og vonuðumst til að ná
kostnaði niður með samstarfi við
Hrafnistu. Það hefur því miður ekki
tekist fullkomlega.“
Samningur Garðabæjar og
Hrafnistu er til tíu ára með níu
mánaða uppsagnarfresti. Gunnar
segir að ef ekki kemur viðbótarfjár-
magn frá ríkinu til reksturs Ísafold-
ar og Hrafnista segir sig frá honum
muni Garðabær segja upp samning-
um við ríkið og fara í þá vegferð að
afhenda ríkinu starfsemina. Það var
eins og áður segir reynt á árinu
2016.
Óska eftir endurskoðun samninga
Ísafold Listamenn syngja fyrir íbúa á hjúkrunarheimilinu í Garðabæ.
 Hrafnista óskar eftir áframhaldandi aukagreiðslum frá Garðabæ vegna hallareksturs á hjúkrunar-
heimilinu Ísafold  Bæjarstjóri segir að ef Hrafnista hættir rekstrinum verði honum skilað til ríkisins
Vandi hjúkrunarheimila
» Mörg sveitarfélög eru að
kikna undan hallarekstri hjúkr-
unarheimila.
» Þrjú sveitarfélög hafa sagt
upp samningum við ríkið um
þjónustuna og fleiri eru að
íhuga þá leið.
» Unnið er að úttekt á rekstr-
arfyrirkomulagi hjúkrunar-
heimila og veitir heilbrigðis-
ráðuneytið engin svör við
kröfum um hækkuð daggjöld
fyrr en niðurstaða hennar ligg-
ur fyrir.
Helgi Bjarnason
helgi@mbl.is
Minna framboð var á mjólkurkvóta
á fyrsta tilboðsmarkaði nýs fram-
leiðsluárs en reiknað hafði verið
með. Flestir sem vildu kaupa buðu
hámarksverð og koma innan við
4.000 lítrar í hlut hvers og eins,
nema hvað nýliðar fá heldur meira.
Lítil viðskipti hafa orðið með
mjólkurkvóta á fyrri tilboðsmörk-
uðum. Talið var að verðið væri of
lágt til þess að bændur, sem eru að
hugsa um að minnka við sig eða
hætta, vildu stíga skrefið. Á síðasta
markaði ákvað landbúnaðarráð-
herra að hámarksverð yrði tvöfalt
afurðastöðvaverð
en nú var ákveðið
að það yrði þre-
falt, 294 krónur á
lítra, og myndi
verða við það
mark áfram.
Tilboðsmark-
aðurinn í fyrra-
dag var sá fyrsti
með þessu há-
marksverði. 209 tilboð bárust og var
óskað eftir kaupum á 9,8 milljón
lítrum. Aðeins 13 tilboð bárust um
sölu á greiðslumarki. Niðurstaðan
varð að 845 þúsund lítrar skiptu um
hendur sem er innan við 9% af þörf-
inni. Jafnvægisverðið reyndist 294
krónur enda voru 206 kauptilboð á
hámarksverði.
Spennan ofmetin?
Arnar Árnason, formaður Lands-
sambands kúabænda, segir að held-
ur fleiri aðilar hafi selt en síðast.
Eigi að síður hafi framboðið verið
heldur minna en reiknað var með.
„Það er spurning hvort við höfum
verið að ofmeta spennuna á mark-
aðnum. Að vilji þeirra bænda sem
nú eru starfandi til að hætta sé ekki
sá sem við höfum talið okkur
skynja. Það er greinilega mikill vilji
til að framleiða mjólk. Þeir sem eru
að framleiða vilja halda því áfram,“
segir Arnar.
Minna framboð á mjólkur-
kvóta en reiknað var með
 Aðeins 4.000 lítrar í hlut hvers  Allt selt á hámarksverði
Arnar Árnason