Morgunblaðið - 14.09.2020, Blaðsíða 4
4 FRÉTTIRInnlent
MORGUNBLAÐIÐ MÁNUDAGUR 14. SEPTEMBER 2020
Gunnar Svavarsson, framkvæmda-
stjóri Nýs Landspítala, segir að
uppbygging nýs húsnæðis við
Hringbraut sé á fullri ferð. Stefnt er
að því að uppsteypa á meðferð-
arkjarnanum, stærsta húsinu, hefjst
innan tíðar að sögn Gunnars.
„Það gætu verið allt að átta vikur
í það þar sem yfirferð er í gangi.“
Á annað hundrað hönnuða og
verkefnisstjóra eru við störf á
hverjum degi í hönnunar- og und-
irbúningsverkefnum, að sögn Gunn-
ars, en ÍAV er einnig á lokastigi við
frágang lóðaverkefnis og hellulagn-
ingu. Fljótlega komi nýr jarð-
vinnuverktaki inn á svæðið, til þess
að fullvinna frágang vinnubúðareits-
ins.
„Nú er staðan þannig að það hafa
verið í gangi fjölmörg útboð tengd
uppbyggingu á svæðinu,“ segir
Gunnar. Flest útboðanna hafi verið
opnuð í lok ágústmánaðar og í byrj-
un septembermánaðar en yfirferð-
artími stendur nú yfir og tekur síð-
an við kærufrestur.
„Á vormánuðum er síðan stefnt
að upphafi á jarðvinnu vegna rann-
sóknarhússins sem er sunnan megin
við þennan grunn meðferðarkjarn-
ans, en einnig er núna í loftinu for-
val vegna alverks bílastæða- og
tæknihúss, og er skilafrestur til 6.
október,“ segir hann.
Í lok ágúst voru tilboð opnuð fyr-
ir uppsteypuverkefni vegna bygg-
ingar á meðferðarkjarna Landspít-
alans en fimm hæf fyrirtæki höfðu
þátttökurétt. Áætlaður kostnaður
uppsteypunnar eru 10,5 milljarðar
króna en lægsta tilboðið sem barst
hljóðaði upp á um 83% af kostn-
aðaráætlun.
veronika@mbl.is
Ljósmynd/Ari Þorleifsson
Framkvæmdir Í lok ágústmánaðar voru opnuð tilboð vegna byggingar meðferðarkjarna nýs Landspítala.
Vinna að nýjum spítala
Byrja að steypa upp nýjan meðferðarkjarna á næstunni
Líklegt er að mistur frá gróðureld-
um á vesturströnd Bandaríkjanna
færist yfir Ísland á miðvikudag eða
fimmtudag, að sögn Elínar Bjarkar
Jónsdóttur, veðurfræðings á Veður-
stofu Íslands.
Mistur í þurru lofti getur haft
nokkur áhrif á loftgæði. Á laugardag
fór að bera á mistri yfir miðríkjum
Bandaríkjanna, sem mun berast í átt
að Íslandi og gæti borist til suður-
strandar landsins með lægð, en lík-
legt er að rigning fylgi með mistrinu
sem dregur úr áhrifum þess á and-
rúmsloftið, segir Elín.
„Það myndast lægð við Nýfundna-
land úr loftmassanum sem hefur far-
ið yfir miðríki Bandaríkjanna, þar
sem er mistur núna. Sú lægð kemur
hingað á miðvikudag og það er ekki
útilkokað að það sé þá mistur í henni.
Það fylgir henni svolítil úrkoma svo
það er ekki víst að við verðum vör við
mistrið sem ryk, en agnirnar gætu
þá frekar verið í úrkomunni.“
Mikið af uppsafnaðri ösku
Elín gerir ekki ráð fyrir að mistrið
muni hafa mikil áhrif á loftgæðin á
Íslandi, þar sem mikil rigning fylgir
sökum lægðarinnar, en hefði loftið
verið þurrt hefði verið unnt að sjá
mistur í lofti eða rautt sólsetur.
„Mig grunar að það muni rigna úr
þessu öllu saman. Í þetta skiptið,“
segir hún. Gróðureldarnir hafa skilið
eftir sig mikið af uppsöfnuðu ryki og
ösku svo ekki er útilokað að mengun
sem þessi muni á ný berast yfir
hnöttinn á næstu vikum.
„Það er ekki útilokað að mistur
berist hingað aftur á næstu vikum,
þar sem gróðureldar á þessu svæði
eru viðvarandi.“
Líklegt að mistur
færist yfir landið
Áhrif frá gróðureldunum í Kaliforníu
Oddur Þórðarson
oddurth@mbl.is
Áslaug Arna Sigurbjörnsdóttir
dómsmálaráðherra hyggst leggja
fram frumvarp um breytingar á
hegningarlögum
þegar þing kemur
næst saman.
Breytingin felur í
sér að bætt verði
við refsiákvæði í
hegningarlög
sem geri umsát-
urseinelti refsi-
vert. Umsáturs-
einelti (e.
stalking) felur í
sér háttsemi á
borð við að „elta, fylgjast með, setja
sig í samband við eða með öðrum
sambærilegum hætti sitja um annan
mann ef háttsemin er endurtekin og
til þess fallin að valda hræðslu og
kvíða“, eins og segir í drögum að
frumvarpi ráðherra. Þannig geti
hegðun, sem í sjálfu sér er ekki refsi-
verð, orðið refsiverð ef hún er síend-
urtekin og er til þess fallin að valda
öðrum hræðslu eða kvíða. Ráðherra
telur að núverandi refsiákvæði um
nálgunarbann verndi þolendur
umsáturseineltis ekki nægjanlega.
Ráðherra segir að bæði hafi lögregla
og Kvennaathvarfið kallað eftir
skýrari lögum sem séu til þess fallin
að vernda þolendur frá áreiti sem
geti ekki talist til beinna hótana eða
ofbeldis. Sambærileg lög eru til stað-
ar í Finnlandi, Noregi og Svíþjóð og
var horft til laga sem gilda um um-
sáturseinelti þar við gerð frum-
varpsins. Ráðherra segist hafa mikla
trú á því að þingið muni taka vel í til-
lögurnar.
Áslaug segir í samtali við Morg-
unblaðið að háttsemi ofbeldismanna
geti gengið mjög langt í garð þol-
enda án þess að geta talist til beins
ofbeldis eða hótana.
„Um leið og ég settist á þing skoð-
aði ég löggjöf um nálgunarbann og
þótt ég telji það úrræði mikilvægt til
þess að vernda þolendur ofbeldis,
komst ég að þeirri niðurstöðu að
skýrari ákvæði þyrfti um háttsemi
sem flokkast gæti sem umsáturs-
einelti. Háttsemi eins og að sitja um
einhvern, skilja eftir sig ummerki
eða setja sig ítrekað í samband við
einstakling í gegnum síma eða sam-
félagsmiðla getur valdið mikilli van-
líðan og kvíða og það er þörf á skýr-
ari lagaákvæðum um þessi mál.
Bæði lögregla og Kvennaathvarfið
hafa kallað efir því að lögum verði
breytt til þess að vernda þolendur
fyrir svona háttsemi.“
Nýtt ákvæði muni
styrkja núgildandi lög
Áslaug segir að þingið hafi áður
fjallað um umsáturseinelti við breyt-
ingu á lagaákvæði um heimilisof-
beldi. Telur hún að þessi lagabreyt-
ing, sem frumvarp um umsáturs-
einelti kveður á um, muni styrkja þá
löggjöf enn frekar. Lagt er til að
refsingar fyrir háttsemi sem flokk-
ast gæti sem umsáturseinelti geti
varðað sektum og allt að fjögurra
ára fangelsi.
Geti varðað
4 ára fangelsi
Segir þurfa skýrari lög um háttsemi
sem geti flokkast sem umsáturseinelti
Morgunblaðið/Ómar
Alþingishúsið Ráðherra mun leggja fram frumvarpið á komandi þingi.
Áslaug Arna
Sigurbjörnsdóttir