Morgunblaðið - 19.09.2020, Qupperneq 9

Umhverfis- og samgöngunefnd Kópavogs samþykkti á 130. fundi nefndarinnar að veita ÁF-Hús/Leigugörðum og
Tvíhorf arkitektum viðurkenningu fyrir frágang húss og lóðar á nýbyggingarsvæði fyrir Álalind 14.
Frá upphafi hönnunarferlisins lögðu arkitektar áherslu á að byggingin framkallaði óvænta og síbreytilega upplifun þess sem
á hana horfir, hvort sem er úr fjarlægð eða nálægð. Samspil málm- og viðarklæðninga ljá byggingunni nútímalegt og vandað
yfirbragð. Þrítóna litur álklæðningarinnar breytist eftir sjónarhorni og kallast á við hlýleika og efniskennd viðarins.
Uppbrot í lögun svalanna myndar skemmtilega hreyfingu í formgerð og útliti.
Málmtækni óskar byggingaraðilum og hönnuðum til hamingju með viðurkenninguna.
Ljósmynd: Snorri Þór Tryggvason
TIL HAMINGJU MEÐ ÁLALIND 14