Morgunblaðið - 08.10.2020, Blaðsíða 14

Móðurást Þessa hryssu með folald sér við hlið rakst Julie á í Búðardal.
Julie er hestakona, hún hefur átt hryssuna Violetu undanfarin 15 ár.
Kristín Heiða Kristinsdóttir
khk@mbl.is
Ég breytist í landkönnuðþegar ég gríp myndavél-ina og legg af stað út ínáttúruna til að fanga
töfra birtunnar og stemninguna í
augnablikinu. Ég sæki í kraftinn
sem landslag býr yfir,“ segir Julie
Stamenic, belgísk ung kona sem
hefur mikla ástríðu fyrir ljós-
myndun og heldur úti vefsíðunni
juliestamenic.com. Þar birtir hún
ljósmyndir sínar, meðal annars
myndir frá Íslandi.
„Þegar ég bjó í Noregi um
tíma langaði mig alltaf til að
skreppa til Íslands, enda hafði ég
lengi verið heilluð af litlu eyjunni
ykkar. Ég skellti mér loksins árið
2015 og varð ekki fyrir vonbrigðum.
Í framhaldinu flutti ég aftur til
heimalands míns, Belgíu, en svo
kynntist ég íslenskri konu, Auði
Sigvaldadóttur, sem er núna kær-
asta mín og fyrir vikið hef ég komið
oft til Íslands, enda býr tengda-
fjölskylda mín öll þar,“ segir Julie
og bætir við að þær Auður búi núna
saman í Barcelona.
Íslendingar náttúrutengdir
Julie er heilluð af íslenskri
náttúru og hún kemur því vel til
skila í ljósmyndum sínum.
„Mér finnst frábært hversu
fjölbreytt landslag ber fyrir augu
þegar ég ferðast um Ísland, jafnvel
á ekki lengri leið en frá Keflavík til
Akureyrar, þar sem fjölskylda Auð-
ar býr. Sama er að segja um veð-
urfarið, það er síbreytilegt, sem er
draumastaða fyrir ljósmyndara. Að
fá snjó, sól, vind, logn, regn og
regnboga, allt í einum bíltúr, er æð-
islegt. Ég kann líka einstaklega vel
að meta nándina á milli fólks á Ís-
landi, sem er ólíkt því sem ég
kynntist í Noregi. Á Íslandi er eins
og allir þekkist, allir eru tengdir í
gegnum einhvern, jafnvel blóð-
skyldir. Þetta gerir samfélag ykkar
alveg einstakt. Mér finnst heillandi
að fólk búi á þessari litlu eyju, þar
sem þið eruð umvafin stórbrotinni
náttúru. Íslendingar eru svo tengd-
ir náttúrunni að þegar þeir byggja
hús eða vegi þá taka þeir jafnvel til-
lit til þess hvort einhver klettur
gæti kannski verið heimili álfa eða
huldufólks, og megi því ekki raska
eða fjarlægja. Mér finnst stórkost-
legt hvernig náttúran er með þess-
um hætti samofin menningu ykkar.“
Á portúgalskan hest
Margar af myndum Julie frá
Íslandi eru af íslenskum hestum,
sem henni finnst sérlega fallegir og
gæfir.
„Þeir eru líka mjög mynd-
rænir. Því miður hef ég ekki enn
prófað að sitja íslenskan hest, en
það kemur að því, mér skilst að þeir
séu mjög mjúkir á töltinu,“ segir
Julie sem er hestakona, hún á
portúgalskan hest, hryssuna Vio-
letu, sem hún heldur rétt utan við
Barcelona. Hún segist hlakka til að
komast aftur til Íslands að covid
loknu, til að ferðast og taka fleiri
myndir. Hún segist eiga eftir að
ferðast um Austfirði og að hana
langi að koma á Vestfirðina að vetri
til.
„Við Auður ætluðum saman til
Íslands í sumar, en við frestuðum
því vegna heimsfaraldurs. Auður
fer bráðum í heimsókn til Íslands,
en ég verð um kyrrt hér í Barce-
lona,“ segir Julie og bætir við að
ástandið sé ekki mjög slæmt þar
núna, fólk lifi nokkuð eðlilegu lífi
með veiruvörnum.
„Ástandið var miklu verra hér í
vor,“ segir Julie sem leggur sig
fram um að læra íslensku og hún
býr vel að því að kunna svolítið í
norsku.
„Íslenskan er erfið, sérstaklega
framburðurinn, stafirnir ð, þ og æ
standa í mér, svo ekki sé nú talað
um dl-framburðinn þegar tvö ell
koma saman, eins og í orðinu fal-
legt,“ segir Julie sem menntaði sig í
viðskiptafræði á sínum tíma og
starfaði við fagið í fimm ár í Lux-
emborg og Barcelona.
„Í sumar ákvað ég að segja því
starfi lausu, því mér líkar ekki að
vera bundin í vinnu hjá öðrum frá
klukkan níu til sex. Ég vil geta ráð-
stafað tíma mínum sjálf og ég vil
geta skroppið til Íslands þegar ég
vil og jafnvel unnið þar um tíma. Ég
vil sinna ljósmynduninni meira sem
og myndbandagerð. Ég er því sjálf-
stætt starfandi núna og tek meðal
annars að mér vefsíðugerð.“
Ísland Ró er yfir þessari mynd Julie, sem er tekin á Vestfjörðum. Hross Bakhlutar margra hesta í vetrarhárum eru myndrænir. Snæfellsnes Hér fangar Julie brot af jökli og svartri fjöru.
Kann vel við nándina á Íslandi
„Að fá snjó, sól, vind,
logn, regn og regnboga,
allt í einum bíltúr, er æð-
islegt,“ segir hin belgíska
Julie Stamenic, sem er
heilluð af Íslandi og fang-
ar birtu og stemningu
með myndavélinni. Hún
fann líka ástina á Íslandi
og sagði starfi sínu lausu
því hún vill ráðstafa tíma
sínum sjálf. Saman Julie (t.h.) og Auður við fossinn Dynjanda, sem heillar marga.
14 DAGLEGT LÍF
MORGUNBLAÐIÐ FIMMTUDAGUR 8. OKTÓBER 2020
Þegar frost
er á fróni
Þinn dagur, þín áskorun
Sölustaðir:
Hagkaup • Fjarðarkaup • Útilíf • N1 • Vesturröst • Verslun Guðsteins Eyjólfssonar • Verslunin Bjarg, Akranesi
JMJ, Akureyri • Lífland, Hvolsvelli og Blönduósi • Verslunin Blossi, Grundafirði • Efnalaug Vopnafjarðar
Kaupfélag Skagfirðinga, Sauðárkróki • Verslun Grétars Þórarinssonar, Vestmannaeyjum • Borgarsport, Borgarnesi
Kaupfélag V-Húnvetninga, Hvammstanga • Verslun Bjarna Eiríkssonar, Bolungarvík • Þernan, Dalvík • Siglósport, Siglufirði
Bókaverslun Breiðarfjarðar, Stykkishólmi • Vaskur, Egilsstöðum • Skóbúð Húsavíkur • Efnalaug Suðurlands, Selfossi
100% Merino
ullarnærföt
fyrir dömur og herra
Stærðir: S–XXL
Höfðabakka 9, 110 Reykjavík | run@run.is | www.runehf.is
OLYMPIA