Morgunblaðið - 24.10.2020, Blaðsíða 18

18 FRÉTTIRViðskipti | Atvinnulíf
MORGUNBLAÐIÐ LAUGARDAGUR 24. OKTÓBER 2020
Suðurlandsbraut 20, Reykjavík, sími 588 0200, eirvik.is
samlegt ka
nýmalað,
engin h lki.
á
y
–
Sighvatur Bjarnason
sighvaturb@mbl.is
Aukin vitund almennings um eigið
kolefnisfótspor hefur leitt Meniga á
nýjar slóðir í vöruþróun. Jón Heiðar
Þorsteinsson vörustjóri segir að
fyrirtækið hafi nú lokið þróun á nýrri
hugbúnaðarlausn sem kallast „Car-
bon Insight“ sem vinnur samhliða
þeim hugbúnaði sem setti Meniga á
kortið og gerir notendum kleift að
fylgjast með per-
sónulegum fjár-
málum sínum í
gegnum snjallfor-
rit.
Jón Heiðar lýs-
ir virkni Carbon
Insight á þá leið
að forritið nýti
upplýsingar um
einkaneyslu, sem
sé skipað í ýmsa
neysluflokka út
frá einstaka útgjaldaliðum. Hverjum
flokki er gefið ákveðið kolefnisgildi
og út frá því megi áætla kolefnisfót-
spor notandans sem birtist honum í
smáforriti Meniga.
Jón Heiðar segir kerfið algerlega
sjálfvirkt fyrir notandann, en þó sé
hægt að gera við það ýmsar viðbæt-
ur til að auka næmni þess. Til dæmis
nefnir hann að grænkerar gætu auð-
merkt sig sem slíka og „fá þá af-
slátt“ af kolefnisfótspori sínu sem
slíkir.
Flóknar forsendur
Það er ekkert einfalt mál að
ákvarða kolefnisspor einstaklings út
frá almennum forsendum og Jón
Heiðar segir það vissulega byggt á
áætlun en ekki raunverulegri mæl-
ingu. Hann segir að Meniga hafi lagt
mikla vinnu í forsendur útreikninga
og telur að niðurstaðan gefi mjög
glögga og raunsæja mynd. Komið
hefur verið á fót sérstöku umhverf-
isráði sem hefur verið Meniga til ráð-
gjafar í hönnunarferlinu. Fyrir því
fer Finninn Jukka Heinonen, pró-
fessor við Háskóla Íslands sem einn-
ig er vísindaráðgjafi verkefnisins. Til
að auka enn á gæði og trúverðugleika
kerfisins segir Jón Heiðar að endur-
skoðunarskrifstofan EY muni votta
aðferðafræðina. Forstjóri EY, Mar-
grét Pétursdóttir, segir að um mjög
spennandi verkefni sé að ræða á
þessu unga sviði endurskoðunar, en
sem hluti af alþjóðlegri samsteypu sé
þar ákveðin sérþekking sem nýtist
vel til verksins.
Viðbótarlausn fyrir banka
Innan alþjóðlega bankakerfisins er
mikil gróska segir Jón Heiðar og
margir sem vilja inn á þann markað.
Hann segir svokallaða nýbanka (e.
Neobanks) ryðja sér til rúms með
nýjum fjármálalausnum og nefnir
þar t.d. stórfyrirtækin Amazon og
Google. Hefðbundnir bankar leiti því
stöðugt að nýjum leiðum til að ná til
viðskiptavinna og græn vöruþróun og
markaðssetning komi þar sterkt við
sögu.
Jón Heiðar segir að hugbúnaðar-
lausnir Meniga hafi þegar sannað
ágæti sitt við að vinna færslugögn
banka, sem sé virðisauki fyrir við-
skiptavini og Carbon Insight sé hrein
viðbót við það kerfi.
Með því að veita fólki upplýsingar
um kolefnisfótspor sitt, megi virkja
það til þátttöku á umhverfisvænum
verkefnum t.d. með því að kaupa í
sjóðum sem eru grænvottaðir, eða til
að leggja fé á svokallaða græna
reikninga.
Umhverfismál komin á kortið
Það er mat Jóns Heiðars að um-
hverfismál séu komin svo rækilega á
kortið að almenningur muni í aukn-
um mæli leitast við að vera beinn
þátttakandi í því að minnka sitt fót-
spor. Vandamálið sé að erfitt sé að
átta sig í þesum heimi og gildin óljós í
huga flestra. Því eigi fólk í vanda með
að taka sín fyrstu skref í þá átt að
draga úr persónulegri mengun. Hann
segir að með smáforritinu geti not-
andinn betur áttað sig á því hvernig
kolefnisfótsporið er samsett og þann-
ig reynt að lágmarka ákveðna þætti,
en einnig sé hægt að bera sig saman
við aðra notendur til að átta sig betur
á eigin stöðu.
Vilji notandinn gera umhverfislega
yfirbót, geti forritið virkað sem ein-
föld lausn, t.d. með því að benda á
grænar fjárfestingar eða með beinni
kolefnisjöfnun í gegnum fyrirtæki
sem sérhæfa sig í slíkri þjónustu og
nefnir Jón Heiðar t.d. Kilvið og Vot-
lendissjóð hér heima eða Sameinuðu
þjóðirnar sem einnig eru í þeim geira.
Eitt af því besta sem Jón Heiðar
segist upplifa í starfi sínu hjá Meniga
er þegar fólk sendir kveðjur og segist
hafa náð tökum á fjármálum sínum
með aðstoð forritsins. Hann segist
vona að fólk finni sömu gleði með
þessari nýju viðbót og bætir við að
persónuleg kolefnisjöfnun sé ódýrari
en margur haldi.
Tilbúið í almenna notkun
Eftir strangt þróunarferli segir
Jóh Heiðar að forritið sé tilbúið til
notkunar og viðræður um sölu standi
ný yfir við ýmsa aðila. Meniga hefur
þegar náð góðum árangri á alþjóða-
vísu og bankar víða um heim nýta
lausnir þess. Tekjur af Carbon In-
sight segir Jóh Heiðar að verði í
formi áskriftar- og leyfisgjalda og
segist hann vongóður um að sjá það í
notkun fljótlega hér heima, á Norð-
urlöndum og jafvel á Asíumarkaði.
Rekja fótspor kolefnis
Morgunblaðið/RAX
Skógrækt Með vitneskju um eigið kolefnisfótspor geta einstaklingar jafnað sporið t.d. með fjárfestingu í trjárækt.
Sótspor til sölu
» Með greiningu á persónu-
legum neysluvenjum er hægt
að áætla kolefnisfótspor.
» Notendur geta nýtt upplýs-
ingarnar til að kolefnisjafna á
eigin spýtur.
» Mikill áhugi er meðal banka
að harsla sér völl í grænum
lausnum.
» Flóknir útreikningar og vott-
anir að baki hugbúnaðinum.
 Ný hugbúnaðarlausn Meniga gerir notendum auðvelt fyrir að fylgjast með eigin kolefnisspori
 Bankar feta sig í áttina að grænum lausnum  Flóknir útreikningar að baki  Stefna á alþjóðamarkað
Jón Heiðar
Þorsteinsson
Hagnaður Múlakaffis nam 341 millj-
ón króna í fyrra og jókst verulega frá
árinu 2018 þegar hagnaðurinn nam
75 milljónum. Umsvifin jukust að
sama skapi verulega. Seldar vörur og
þjónusta jókst um 17% og nam 1.853
milljónum króna. Eini hluthafi Múla-
kaffis er Jóhannes G. Stefánsson.
Í skýrslu stjórnar sem fylgir árs-
reikningi félagsins, sem undirritaður
var 19. ágúst, segir að búist sé við því
að afkoma félagsins á árinu 2019
verði áfram jákvæð en að afleiðingar
kórónuveirunnar eigi þó enn eftir að
koma fram.
Hins vegar fylgir ársreikningnum
yfirlýsing þar sem virðist sem áhrifin
séu komin fram. Þar segir að gera
megi ráð fyrir verulegum áhrifum á
rekstur félagsins. Í upphafi árs hafi
verið búist við áframhaldandi vexti
félagsins en að nú sé gert ráð fyrir
samdrætti í veltu upp á 40%. Gangi
það eftir mun heildarvelta félagsins
nema um 1,1 milljarði króna.
Enn fremur er tekið fram að
launahlutfall fyrirtækisins hafi
hækkað verulega og stefni í 45% en
hafi verið 38% árið 2019. Þá sé hrá-
efnishlutfall að stefna í 45% en hafi
verið um 36% á fyrra ári.
„Áhrifin eru því gríðarleg og mun
félagið standa frammi fyrir tapi í lok
árs,“ segir í yfirlýsingunni sem und-
irrituð er af Guðríði M. Jóhannes-
dóttur, framkvæmdastjóra félagsins.
Í henni er enn fremur tekið fram að
stór hluti tekna Múlakaffis komi frá
veitingarekstri og mötuneytissölu og
að hún hafi dregist saman „en mest-
ur er tekjumissirinn vegna veislu-
þjónustu sem félagið hefur verið leið-
andi í á markaði gegnum árin og er
þá átt við stóra viðburði eins og
árshátíðir stórra fyrirtækja sem öllu
hefur verið frestað eða aflýst síðustu
mánuði“.
Morgunblaðið/Kristinn Magnússon
Veisla Múlakaffi hefur lengi verið
eitt vinsælasta veitingahús landsins.
40% samdráttur
hjá Múlakaffi
 Hagnaðist um
341 milljón í fyrra