Morgunblaðið - 24.10.2020, Blaðsíða 38

38 DÆGRADVÖL
MORGUNBLAÐIÐ LAUGARDAGUR 24. OKTÓBER 2020
Stjörnuspá
21. mars - 19. apríl 
Hrútur Hafðu það hugfast að áður en þú
gengur að samningaborði og tekur
ákvörðun um framhaldið skaltu lesa smáa
letrið tvisvar. Varaðu þig á fagurgala.
20. apríl - 20. maí 
Naut Til þess að lífið verði einfaldara
verður þú að koma þér upp hópi fólks sem
er tilbúið að hjálpa til. Einhver daðrar við
þig eins og enginn sé morgundagurinn.
21. maí - 20. júní 
Tvíburar Dagurinn er fullur af óvæntum
smáatriðum, sem hafa enga þýðingu fyrir
þig – fyrr en eftir á. Gerðu það sem til þarf
til að hressa þig við andlega.
21. júní - 22. júlí 
Krabbi Það er mikil spenna í loftinu í dag.
Látið seinagang ekki fara í taugarnar á
ykkur heldur sýnið skilning og verið tilbúin
þegar aðstæður breytast.
23. júlí - 22. ágúst 
Ljón Viðkvæmt mál ber á góma og þótt
þér sé mikil raun að ræða álit þitt á því
verðurðu að gera það. Sýndu þolinmæði,
hlutirnir lagast fljótt aftur og þá stendur
þú með pálmann í höndunum.
23. ágúst - 22. sept. 
Meyja Þótt aðstæður á vinnustað séu ekki
alveg eftir ykkar höfði skuluð þið ekki láta
þær ergja ykkur. Farðu varlega í eyðslunni.
23. sept. - 22. okt. 
Vog Stundum hentar að fara út í öfgar,
stundum að taka því rólega. Gefðu fólki
tíma til að sanna sig.
23. okt. - 21. nóv.
Sporðdreki Taktu það ekki of nærri þér
þótt til einhverra orðaskipta komi milli þín
og vinar þíns. Njóttu þess að slaka á eftir
erfiði dagsins.
22. nóv. - 21. des.

Bogmaður Ef þú ert ekki ánægður með
stöðu mála er kominn tími til að gera eitt-
hvað í því. Sýndu sparibrosið þegar þú tal-
ar um leiðinlega hluti.
22. des. - 19. janúar 
Steingeit Einhver hefur látið á þig reyna
seinustu þrjár vikur, og nú er kominn tími
til að snúa dæminu við.
20. jan. - 18. febr. 
Vatnsberi Þú hittir nokkra sem þú hefur
ekki hitt lengi og það ýfir upp gamlar
minningar. Berðu höfuðið hátt, þú áttir
ekki sök á því hvernig fór.
19. feb. - 20. mars

Fiskar Það er notalegt að eiga samskipti
við fólk sem hugsar á sömu nótum og þú.
Láttu eins og þú takir ekki eftir því þó ein-
hver svari þér út í hött.
90 ára
Þorbjörg Jónatansdóttir, Obba,
fæddist 24. október árið 1930 á Blika-
lóni á Melrakkasléttu, ólst upp á Ytra-
Krossanesi í Eyjafirði og flutti til
Reykjavíkur á táningsaldri. Hún er
dóttir Sigurborgar Daníelsdóttur og
Jónatans Hallgrímssonar og systir
Karls Jónatanssonar harmonikkuleik-
ara heitins.
Þrátt fyrir að hafa búið stærstan
hluta ævinnar á höfuðborgarsvæðinu
á Norður-Þingeyjarsýsla alltaf stóran
stað í hjartanu en barnabörnin hafa
heyrt ófáar sögurnar af snjóþungum
vetrum fyrir norðan á árabilinu 1930-
1945. Óhætt er að segja að Obba hafi
lifað tímana tvenna; seinni heimsstyrj-
öldina, heimsfaraldurinn sem nú geis-
ar og allt þar á milli.
Obba er gift Sigmari Þorsteinssyni
og eiga þau þrjú börn; Sigurborgu
Ernu, Margréti og Þorstein. Sigurborg
Erna er gift Otto Mostrup og sonur
þeirra, Niels Sigmar, á dæturnar Fabi-
olu Aleksöndru og Amöndu Victoriu.
Margrét er gift Jóhannesi Þórðarsyni
og eiga þau Heru, Huga og Emblu en
sonur Heru er Baldur Sær. Þorsteinn
er giftur Lilju Rós Óskarsdóttur og
synir þeirra eru Sindri, Vignir og Daní-
el.
Obba hefur alla tíð verið sérlega
staðföst kona, dugleg og umhyggju-
söm gagnvart öllum í kringum sig. Hún
hefur alltaf stutt vel við sitt fólk og í
seinni tíð sérstaklega hvatt barna-
börnin í námi og íþróttum. Hún hefur
kennt sínu fólki ýmislegt sem nýtist
vel, svo sem að veiða, spila, prjóna,
baka og elda, enda snillingur á mörg-
um sviðum. Þrátt fyrir að heilsunni
hafi hrakað undanfarin ár er skop-
skynið aldrei langt undan og hún hefur
haldið í þann eiginleika að geta gert
grín að eigin óförum.
Nú eru 45 ár frá því að Obba hélt
fyrst upp á afmælið sitt á kvennafrí-
deginum, sem á vel við þar sem hún
var alla tíð útivinnandi og að mörgu
leyti á undan sinni samtíð hvað varðar
jafnrétti. Obba ætlar að fagna 90 ára
afmælinu í kvöld með sínum nánustu.
Lifað tímana tvenna
Ættmóðirin Obba hefur alltaf verið
dugleg og stutt vel við sitt fólk.
bleikjunnar í Þingvallavatni og frá
1996 hefur hún einbeitt sér að rann-
sóknum á atferli hesta, einkum fé-
lagshegðun þar sem hún hefur unnið
með bæði íslenskum og erlendum
vísindamönnum.
Á yngri árum Hrefnu áttu íþróttir
hennar hug hennar allan og hún æfði
handbolta, frjálsar íþróttir og körfu-
bolta og keppti í þessum greinum,
Flugur, bleikjur og hestar
Hrefna hefur skrifað fjölda fræði-
greina og einnig bókakafla auk
námsefnis fyrir grunnskóla. Um-
fjöllunarefnið hefur mest verið á
sviði atferlisvistfræði. Fyrst eftir
námslok hélt hún áfram að rannsaka
vist- og æxlunarhegðun gulu mykju-
flugunnar, síðan æxlunarhegðun
H
refna Sigurjónsdóttir
fæddist í Reykjavík
24. október 1950 og
ólst upp í höfuðborg-
inni. Hrefna var í níu
ár í sveit á sumrin með móður sinni
hjá móðurforeldrum á Brimils-
völlum í fyrrum Fróðaárhreppi á
Snæfellsnesi og síðar eitt ár í Máva-
hlíð í sömu sveit. Hún lauk barna-
skólaprófi frá Breiðagerðisskóla,
landsprófi frá Kvennaskólanum í
Reykjavík og stúdentsprófi frá
stærðfræðideild MR 1970. „Ég hef
alltaf verið afskaplega mikið fyrir
dýr. Ég hef átt hesta í 25 ár og
marga ketti og á núna einn sem er á
átjánda ári. “
Hrefna fór í líffræði í HÍ og lauk
BS-prófi þaðan 1973 og viðbótar-
námi í líffræði 1974. Hún nam vist-
fræði í háskólanum í Bangor í Wales
frá hausti 1975 og lauk þaðan meist-
araprófi 1977. Hún var í doktors-
námi í atferlisvistfræði í háskólanum
í Liverpool, Englandi og lauk þaðan
doktorsprófi 1980. „Viðfangsefni
doktorsritgerðar minnar var þróun
stærðarmunar milli kynjanna meðal
dýra og var gula mykjuflugan m.a.
notuð sem viðmiðunartegund.“ Eftir
að hafa lokið kennsluréttindum 1982
í HÍ var Hrefna ráðin sem lektor í
líffræði 1982 til Kennaraháskóla Ís-
lands (KHÍ), sem síðar varð mennta-
vísindasvið HÍ. Hún varð dósent
1987 og prófessor árið 1999. Meiri
upplýsingar um störf og ritverk
Hrefnu eru á Wikipediu og á vef Há-
skóla Íslands.
Auka umhverfisvitund
Hrefna hefur kennt valnámskeið
um atferli dýra fyrir líffræðinema í
HÍ frá 1981 og við Hólaskóla nám-
skeið um atferli hesta. Í sínu að-
alstarfi hefur hún kennt kenn-
aranemum líffræði og
umhverfisfræði en einnig stýrt og
kennt á mörgum endurmennt-
unarnámskeiðum fyrir kennara og
leiðbeint fjölda nemenda við gerð
lokaverkefna, auk stjórnunarstarfa.
„Ég hef alltaf hvatt tilvonandi líf-
fræðikennara að nýta náttúruna,
hafa útinám og láta nemendur upp-
lifa náttúruna og auka umhverfisvit-
undina.“
síðast í körfubolta á námsárunum í
Englandi. Með eiginmanninum hef-
ur hún farið í ferðir á skíði í Ölp-
unum og spilað bridds og hafa þau
lengi verið í klúbbi Veðurstofunnar.
Hún hefur gengið töluvert með FÍ
og farið um landið á hestum. „Núna
fer ég mikið í kraftgöngu í Öskju-
hlíðinni.“
Rannsóknarstofa Darwins
Síðan segir hún ómetanlegt að
hafa fengið tækifæri til að skoða
fjarlæg lönd eins og Ekvador þar
sem hún fór bæði inn í Amazon-
skóginn og til Galapagos-eyja, til
Nýja- Sjálands, Kosta Rica, Kenýa,
Suður-Afríku og Víetnam. „Topp-
urinn fyrir dýra- og þróunarlíffræð-
inginn er án efa Galapagos-eyjarnar,
en ég fór þangað þegar ég varð 60
ára og við fórum fjögur saman. Þetta
var alveg mögnuð ferð þar sem við
sigldum á milli eyjanna á nóttunni
og á daginn fórum við í land og
snorkluðum í sjónum og upplifðum
lífríki sjávarins. Þetta var eiginlega
eins og rannsóknarstofa Darwins að
koma þarna, því eyjarnar eru af-
skekktar og dýrategundir þar sem
Hrefna Sigurjónsdóttir prófessor – 70 ára
Á hestbaki Hrefna á hryssunni Grímu vorið 2019.
Upplifa náttúru landsins af hestbaki
Mæðgur Móðir Hrefnu, Björg Ólafsdóttir, og Hrefna í október 2019.
Hjónin Hrefna og Sigurður Sveinn á Sveinstindi.
Til hamingju með daginn
Þú getur
verslað linsur
og margt
fleira á
eyesland.is
Linsurnar heim!
Eyesland gleraugnaverslun
www.eyesland.is