Morgunblaðið - 27.10.2020, Page 6

6 FRÉTTIRInnlent
MORGUNBLAÐIÐ ÞRIÐJUDAGUR 27. OKTÓBER 2020
Óseyrarbraut 12, 220 Hafnarfirði | Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla z Árstíðabundinn lager z Lager z Sumar-/vetrarvörur
Frystigeymsla z Kæligeymsla z Leiga til skemmri eða lengri tíma
Vinna við að reisa stálgrind nýja fjölnota íþrótta-
hússins í Vetrarmýri í Garðabæ er komin af stað
og núna sést vel hve stórt nýja húsið verður.
Húsið verður skammt frá golfvellinum.
Í húsinu verður rými fyrir knattspyrnuvöll í
fullri stærð, auk upphitunaraðstöðu og tilheyr-
andi stoðrýma. Stærð íþróttasalarins verður um
80 x 120 metrar og flatarmál hússins alls verður
um 18.200 fermetrar. Það mun bjóða upp á frá-
bæra aðstöðu fyrir íþróttafólk á öllum aldri.
Garðabær byggir húsið og áætlar að stálgrind
íþróttasalarins verði risin fyrir áramót og að bú-
ið verði að ljúka klæðningu veggja salarins og að
steypa upp veggi stoðbygginga í mars nk. ÍAV á
að skila verkinu af sér fyrir lok næsta árs, 2021.
Framkvæmdir við langþráð fjölnota íþróttahús Garðbæinga komnar á fullt
Morgunblaðið/sisi
Risahús að rísa í Vetrarmýrinni
Snorri Másson
snorrim@mbl.is
Tinna Þorsteinsdóttir Tölgyes,
þriggja ára, gefur í augnablikinu
ekki mikið fyrir skrýtnar sögur
móður sinnar um að langafi vinar
hennar, Ylfings Kristjáns Árna-
sonar, hafi bjargað langafa henn-
ar, Ungverjanum Mikael Frans-
syni, úr flóttamannabúðum og
hjálpað honum til Íslands árið
1956. Móðir Tinnu, Hulda Jóns-
dóttir Tölgyes, segist þess þó full-
viss í samtali við Morgunblaðið að
Tinna eigi eftir að skilja þetta
þegar fram líður, enda er þetta
auðvitað örlagaþrungin frásögn.
Dr. Gunnlaugur Þórðarson
hæstaréttarlögmaður, langafi Ylf-
ings, var um miðja öld í stjórn
Rauða krossins á Íslandi og hafði
frumkvæði að flugferð til Vínar-
borgar þar sem sóttir skyldu Ung-
verjar sem orðið höfðu landflótta
vegna ástandsins í heimalandinu
eftir byltinguna gegn sovéskum
yfirráðum. Meðal þeirra sem
Gunnlaugi tókst
fyrst að telja á
að koma til
þessa kalda og
fjarlæga lands í
norðri og hefja
þar nýtt líf var
hinn tvítugi
Mikael, sem
hafði verið í
hernum þegar
byltingin braust
út. Mikael mælti enga ensku en þó
örlitla latínu, sem gerði honum og
Gunnlaugi kleift að skilja hvor
annan, alltént svo langt sem lat-
ínan náði.
Öll manneskjur
með sama rétt
Þegar Mikael sjálfur var orðinn
sannfærður um Íslandsför fór
hann með móðurmál sitt að vopni
og sannfæringarkraft og fékk fleiri
Ungverja um borð í vélina, sem
átti ekki að fara af stað fyrr en
hún væri full. Að lokum voru Ung-
verjarnir 52 sem flugu til Íslands
og gistu fyrstu nóttina í Hlégarði
á jólanótt árið 1956. Mikael aðlag-
aðist hér tilbrigðum loftsins, varð
listamaður, auglýsingateiknari,
vann við útstillingar og eignaðist
fjölda afkomenda ásamt eiginkonu
sinni Kristjönu Ragnheiði Birgis,
meðal annars þær Huldu og
Tinnu.
„Mig langaði að segja þessa
sögu vegna þess að ég held að við
þurfum öll áminningu um að við
erum öll bara manneskjur sem
eiga rétt á sömu mannréttindum.
Án Gunnlaugs hefðum við sem
berum nafn afa ekki orðið hluti af
þessari tilveru. Sagan hans afa
hefði orðið önnur og hann hefði
ekki eignast þessa fallegu fjöl-
skyldu hérna á Íslandi,“ segir
Hulda. Hún segir þessa sögu
áminningu um að Íslendingar hafi
fulla ástæðu til þess að bjóða fólk
velkomið sem hingað kemur vegna
neyðar í heimalandi sínu, því það
er alveg eins víst að það verði
mikilvægur hluti af íslensku sam-
félagi.
Óvæntur örlagaþráður milli perluvina
 Langafi Ylfings hjálpaði ungverskum langafa Tinnu úr flóttamannabúðum veturinn 1956  Móðir
Tinnu segir þetta minna á að Íslendingar eigi að hjálpa þeim sem hingað koma í leit að betra lífi
Morgunblaðið/Íris
Tengsl Tinna Þorsteinsdóttir Tölgyes og Ylfingur Kristján Árnason leika sér
saman á Waldorf-leikskólanum. Forfeður þeirra eiga sögulega tengingu.
Mikael
Fransson
„Auðvitað hvílir
það á stjórnvöld-
um að bregðast
við svona vá og
hættu, en það
hvílir líka á þeim
skylda að hafa
þessar lagaheim-
ildir í lagi,“ segir
Tryggvi Gunn-
arsson, umboðs-
maður Alþingis.
Í bréfi sem umboðsmaður skrif-
aði til forsætisráðherra og heil-
brigðisráðherra í vikunni og greint
er frá á vef embættisins kemur
fram að það sé hlutverk heilbrigð-
isráðherra að sjá til þess að vald-
heimildir í sóttvarnalögum verði
skýrðar nánar.
„Það leiðir [...] af eðli þeirra inn-
gripa og áhrifa sem sóttvarnaað-
gerðir vegna COVID-19 hafa haft
bæði fyrir einstaklinga og atvinnu-
fyrirtæki þar sem m.a. hefur reynt
á stjórnarskrárvarin réttindi og
fjárhagslegar afleiðingar að ég tel
að stjórnvöld eigi að því er varðar
lagalega umgjörð þessara mála að
gæta þess fyrir sitt leyti að hún sé
eins skýr og kostur er,“ segir í bréfi
umboðsmanns sem kveðst hafa
fengið svör frá stjórnvöldum um að
hafinn sé undirbúningur á endur-
skoðun sóttvarnalaga, og að áætlað
sé að leggja frumvarp þess efnis
fyrir Alþingi í janúar. jonn@mbl.is
Umboðsmaður Al-
þingis segir sótt-
varnalög vera óskýr
Tryggvi
Gunnarsson