Morgunblaðið - 17.11.2020, Blaðsíða 2

2 FRÉTTIRInnlent
MORGUNBLAÐIÐ ÞRIÐJUDAGUR 17. NÓVEMBER 2020
Höskuldur Daði Magnússon
hdm@mbl.is
„Þetta verður svakaleg framkvæmd
en það er allt komið á tíma í laug-
inni,“ segir Steinþór Einarsson,
skrifstofustjóri hjá ÍTR.
Miklar endurbætur eru fyrirhug-
aðar á Laugardalslaug á næstu ár-
um. Að sögn Steinþórs er búið að
eyrnamerkja 2,5- 3 milljarða króna á
næstu þremur til fjórum árum til
verksins. Strax á næsta ári verður 50
milljónum varið í að hefja undirbún-
ing fyrir þessar framkvæmdir. Og
raunar hefur forskot þegar verið tek-
ið á sæluna því unnið hefur verið að
þakviðgerðum að undanförnu meðan
laugin hefur verið lokuð.
Steinþór segir að ekki sé búið að
ákveða nákvæma útfærslu á endur-
bótunum. Ljóst sé þó að bygga þarf
útilaugina sjálfa upp að nýju. „Laug-
arkerið þarfnast endurnýjunar og
það þarf að byggja það upp í nýrri
mynd. Þetta verður að líkindum 50
metra laug áfram en spurning hvort
hún verður jafn breið. Ég held svo að
allir vilji halda hringlaga pottunum,
hvort sem þeir verða steyptir upp að
nýju eða hvað,“ segir Steinþór.
Hann segist aðspurður gera sér
grein fyrir að mörgum sé annt um
laugina í núverandi mynd og stíga
þurfi varlega til jarðar með breyt-
ingar. Um 750 þúsund gestir koma í
Laugardalslaug á venjulegu ári og
margir eru fastagestir.
„Ég hugsa að leitað verði til rýni-
hópa um útfærsluna, meðal annars
fastagesta og sundfélaga,“ segir
Steinþór og bætir við að reynt verði
að haga útfærslunni þannig að hægt
verði að halda úti sem mestri starf-
semi meðan á framkvæmdum stend-
ur.
Þá á eftir að ákveða hvernig stúk-
an við laugina verði nýtt í framtíð-
inni. Nú má finna á vefnum Betri
Reykjavík tillögu um endurbætur á
henni og af viðbrögðum borgarbúa
að dæma virðast afar skiptar skoð-
anir vera um ágæti hennar og mik-
ilvægi. Sumir telja stúkuna, sem Ein-
ar Sveinsson teiknaði, eitt af
kennileitum svæðisins en aðrir telja
einfaldast að rífa hana, enda sé stúk-
an aldrei notuð sem slík. Málið er þó
ekki svo einfalt því eins og Steinþór
bendir á er allur stjórnbúnaður laug-
arinnar undir stúkunni og ráðast
þarf í endurnýjun á honum. Hann
segir að stúkan verði hluti af þessum
framkvæmdum en eftir eigi að koma
í ljós hvernig hún verði nýtt í fram-
tíðinni. „Það má heldur ekki gleyma
því að hún er ákveðin táknmynd fyrir
laugina og reyndar dýrmætur skjól-
veggur líka.“
Morgunblaðið/Eggert
Breytingar Endurgera þarf sundlaugina en útfærsla liggur ekki fyrir. Þá verður sömuleiðis hugað að stúkunni.
Fastagestir verði með í
ráðum við endurbæturnar
 Þrír milljarðar ætlaðir í endurgerð Laugardalslaugar
Morgunblaðið/Eggert
Pottar Ljóst er að gömlu hringlaga pottarnir þarfnast viðhalds á næstunni.
Andrés Magnússon
andres@mbl.is
Sjálfstæðismenn leggja fram tillögu
í borgarstjórn Reykjavíkur í dag um
aðgerðir Reykja-
víkurborgar til
viðspyrnu vegna
heimsfaraldurs
kórónuveirunnar,
sem leggist þungt
á bæði fólk og
fyrirtæki. Þær
eru ætlaðar til
þess að koma til
móts við rekstr-
araðila, sem orðið
hafa fyrir tekjufalli af völdum farald-
ursins, svo þeir geti hjarað þar til
hann er yfirstaðinn, en einnig miða
þær að því að koma fólki í vanda til
hálpar.
Tillögurnar eru fimmþættar, en að
sögn Eyþórs Arnalds, oddvita Sjálf-
stæðisflokksins í Reykjavík, er
markmiðið að aðgerðirnar komi að
gagni nú þegar, að þær rúmist innan
fjárhagsáætlunar og valdi ekki frek-
ari búsifjum.
„Það er mikilvægt fyrir Reykjavík
að byggja upp viðspyrnu fyrir vorið,
það er margt sem dettur út um ára-
mót. Borgin boðaði í vor að það
kæmu fleiri úrræði og það er kominn
tími á þau. Það getur ekki beðið.“
Lagt er til að fasteignasköttum á
ferðaþjónustu verði frestað og að
Reykjavíkurborg gefi landsmönnum
3.000 kr. ferðagjöf. Einnig eru að-
gerðir til stuðnings húsnæðisupp-
byggingu og byggingariðnaði lagðar
til, m.a. með tímabundninni frestun
og/eða dreifingu byggingarréttar-
gjalda og lækkun gatnagerðar-
gjalda, auk afsláttar af þessum
gjöldum vegna vistvænt vottaðra
bygginga.
Gagnvart fólki í vanda er lagt til að
velferðarsvið komi upp ráðgjafar-
torgi, bæði vegna félagslegs og fjár-
hagslegs vanda sem af faraldrinum
hlýst, sem og vegna andlegrar líð-
anar. Loks er lagt til að börn njóti
matarþjónustu í grunnskólum þrátt
fyrir skert skólahald. Þrengirnar
megi ekki bitna á þeim, segir Eyþór.
Eyþór kveðst ekki eiga von á öðru
en að meirihlutinn undir forystu
Dags B. Eggertssonar borgarstjóra
taki tillögunum vel. „Það getur verið
að þeim lítist misvel á einstaka þætti,
en eitthvað þarf að gera og ég fæ
ekki séð að í þessu séu einhver póli-
tísk ágreiningsefni.“ Hann segir
vandann blasa við öllum borgar-
fulltrúum. „Vandinn er einna mestur
í Reykjavíkurborg, atvinnuleysi er
einna mest í Reykjavík, ferðaþjón-
ustan og rektsraraðilar í miðborg-
inni hafa farið mjög illa út úr ástand-
inu, svo það skyti skökku við ef menn
færu að draga lappirnar í þessu. Það
er akkúrat rétti tíminn núna fyrir
borgina að stíga fram.“
Vilja viðspyrnuaðgerðir borgarinnar
 Sjálfstæðismenn í borgarstjórn með tillögur vegna faraldursins  Dreifing eða frestun bygginga-
réttar- og gatnagerðargjalda  Frestun fasteignagjalda fyrirtækja  Matarþjónusta við skólabörn
Morgunblaðið/Ómar
Reykjavíkurborg Í vor voru boðaðar viðnámsaðgerðir vegna faraldursins.
Eyþór Arnalds
Breytingar verða gerðar á hlutverki
og störfum þula á Rás 1 hjá Ríkis-
útvarpinu á næstunni og skerpt á
ýmsu í hlutverki þeirra. Skipta á
verkefnum í tvennt; annars vegar
munu Pétur Grétarsson, sem er ný-
kominn í starf þular, og Rakel Edda
Guðmundsdóttir sinna því að halda
utan um og kynna dagskrá Rásar 1.
Sigvaldi Júlíusson verður hins vegar
þulur auglýsinga og tilkynninga.
Arndís Björk Ásgeirsdóttir verður
áfram þulur í afleysingum.
„Það hefur lengi truflað okkur að
sami þulur kynni dagskrá Rásar 1,
sé í dagskrárgerð með tónlistarinn-
slögum, auk þess að lesa auglýsing-
ar. Í raun fer þetta ekki saman þegar
ströngustu hlutlægnissjónarmið eru
höfð í huga, sem sé að sami þulur
kynni dagskrána og lesi auglýsing-
ar,“ segir Þröstur Helgason dag-
skrárstjóri – og enn fremur:
„Hin ástæðan er sú að auglýsinga-
og tilkynningalestur hefur verið fyr-
irferðarmikill í starfi þula á Rás 1.
Jafnvel er það svo að þulur hefur
ekki haft nægjanlega mikið svigrúm
til þess að halda utan um dagskrána,
kynna hana, tala til hlustenda, velja
tónlist og fleira. Ef vel á að vera
krefst þessi vinna tíma og einbeit-
ingar sem við teljum að dagskrár-
þulir, eins og við köllum þá nú til að-
greiningar frá auglýsingaþul, hafi í
auknum mæli með þessu nýja fyrir-
komulagi.“
Fréttatengt í hádeginu
Fleiri breytingar á dagskrá Rásar
1 standa fyrir dyrum. Í undirbúningi
er fréttatengd dagskrá sem verður
send út fyrir og eftir hádegisfrétt-
irnar. „Við bindum miklar vonir við
að þetta eigi eftir að styrkja frétta-
tengda umfjöllun á Rás 1. Við kynn-
um þessa þætti betur þegar dregur
nær desember,“ segir Þröstur
Helgason. sbs@mbl.is
Sigvaldi aðeins í
auglýsingalestri
 Breytt á Rás 1  Verkum þula skipt
Sigvaldi
Júlíusson
Þröstur
Helgason
Nú finnur þú
það sem þú
leitar að á
FINNA.is
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.