Morgunblaðið - 17.11.2020, Blaðsíða 4

4 FRÉTTIRInnlent
MORGUNBLAÐIÐ ÞRIÐJUDAGUR 17. NÓVEMBER 2020
Smiðjuvegi 4C | 200 Kópavogur | Sími 587 2202 | hagblikk@hagblikk.is | hagblikk.is
HAGBLIKK
Álþakrennur
& niðurföll
Þakrennurnar eru frá GRÖVIK VERK í Noregi
Þær eru einfaldar í uppsetningu
HAGBLIKK
Ryðga ekki
Brotna ekki
Litir á lager:
Svart, hvítt, ólitað, rautt
silfurgrátt og dökkgrátt
Aron Þórður Albertsson
aronthordur@mbl.is
Svo virðist sem kórónuveiran hafi
áhrif á heyrn fólks. Af þeim sökum
er mælt með því við smitaða ein-
staklinga að fara
í heyrnarmæl-
ingu þegar bata
hefur verið náð.
Þetta segir Ellisif
Katrín Björns-
dóttir, löggiltur
heyrnarfræðing-
ur hjá Heyrn.
Að hennar
sögn er gríðar-
lega mikilvægt að
viðkomandi séu
mældir. „Þar sem veiran virðist hafa
áhrif á heyrnina ættu allir sem
veikst hafa að láta heyrnargreina
sig. Þá ættu þeir sem eru með
heyrnartæki og hafa veikst að láta
greina sig og endurstilla tækin,“
segir Ellisif og bætir við að veiran
geti haft áhrif á alla skynjun. Það
eigi ekki einungis við um bragð- og
lyktarskyn.
„Miðað við það sem hefur komið
fram til þessa virðist veiran einnig
hafa áhrif á heyrnina,“ segir Ellisif.
Fleiri leita sér aðstoðar
Þegar heimsfaraldur kórónuveiru
blossaði fyrst upp hér á landi var
ekki mælst til þess að fólk notaði
grímu. Á síðari stigum faraldursins
hafa sóttvarnayfirvöld þó hvatt til
grímunotkunar auk þess sem grímu-
skylda er víða. Þá hefur fólki í þjón-
ustustörfum verið gert að bera
grímu í vinnunni.
Segir Ellisif að aukin grímunotk-
un torveldi samskipti fólks með
heyrnarskerðingu. Þannig hafi þeim
sem leita sér aðstoðar heyrnarfræð-
inga fjölgað svo um munar síðustu
vikur. „Faraldurinn hefur breytt lífi
fólks með heyrnarskerðingu og nú
leitar til okkar mun stærri hópur
fólks sem vinnu sinnar vegna þarf að
eiga í samskiptum við aðra. Er það
sökum þess að áður gátu þau látið
samskiptin ganga upp með því að
lesa af vörum, en nú verða þau að fá
sér heyrnartæki til að geta sinnt
sinni vinnu,“ segir Ellisif og nefnir í
því samhengi starfsfólk í verslunum,
hársnyrta og kennara.
Aðspurð segir hún að fjarlægð-
armörk torveldi sömuleiðis sam-
skipti fólks. Þótt engin gríma sé til
staðar þurfi fólk að tala hærra þegar
um tveggja metra fjarlægð er að
ræða. Það auki á sama tíma líkur á
dropasmiti. Ellisif segir að huga
þurfi að mörgu.
Fagnar tilmælum þríeykisins
„Ef fólk ætlar að láta heyra skýrt
í sér þarf það að tala hærra. Þannig
aukast jafnframt líkur á dropasmiti.
Fólk hefur því verið beðið að lækka
róminn til að minnka líkur á dropa-
myndun, en við það heyrist lægra,“
segir Ellisif sem fagnar tilmælum
þríeykisins um minni bakgrunnshá-
vaða á veitingastöðum.
„Það eru mjög jákvæð tilmæli frá
teyminu um að óska eftir því við
veitingastaði og verslanir að draga
úr bakgrunnshávaða til að minnka
dropamyndun. Oft getur hljóðstyrk-
urinn þar nefnilega verið í styrk sem
veldur varanlegu heyrnartapi þeirra
sem þar dvelja og starfa.“
Veiran virðist hafa áhrif á heyrnina
 Heyrnarfræðingur segir kórónuveiruna hafa áhrif á heyrn  Smitist fólk af veirunni er mikilvægt að
fara í heyrnarmælingu  Grímunotkun torveldar samskipti einstaklinga með heyrnarskerðingu
Morgunblaðið/Kristinn Magnússon
Grímunotkun Grímuskylda hefur verið í verslunum í seinni bylgjunni. Ellisif KatrínBjörnsdóttir
Höskuldur Daði Magnússon
hdm@mbl.is
„Það verður allt komið í gang að
nýju á morgun,“ segir Stefán Yngva-
son, framkvæmdastjóri lækninga á
Reykjalundi.
Meðferðarhlé
hefur verið á
Reykjalundi að
undanförnu, frá
því í lok október
hjá sumum skjól-
stæðingum stofn-
unarinnar, til að
mynda þeim sem
kljást við eftir-
köst kórónu-
veirunnar. Al-
menn göngu- og dagdeildarþjónusta
hefur verið lokuð síðustu vikuna.
Húsnæði stofnunarinnar hefur verið
sótthreinsað og skerpt hefur verið á
sóttvarnahólfum, að sögn Stefáns.
Níu ný kórónuveirusmit greindust
innanlands í gær. Sex voru í sóttkví
við greiningu, en þrír utan sóttkvíar.
Þá greindust níu við landamæra-
skimun, en beðið er eftir niðurstöðu
úr mótefnamælingu í fjórum tilfell-
um. Þórólfur Guðnason sóttvarna-
læknir sagði á upplýsingafundi al-
mannavarna í gær að aðgerðir
síðustu vikna hefðu skilað góðum
árangri og álag á heilbrigðiskerfið
væri að minnka.
Stefán segir aðspurður að vonast
sé til þess að bráðlega verði hægt að
klára meðferð fyrsta hópsins sem
kom inn á Reykjalund til að vinna
bug á eftirköstum kórónuveirunnar.
„Við höfum í heildina tekið á móti
nálægt 70 beiðnum frá fólki um með-
ferð við eftirköstum Covid. Það eru
12-15 manns í hverjum meðferðar-
hópi og hóparnir verða tveir fram að
jólum. Þetta verða því nærri þrjátíu
manns. Nú erum við að kalla fólk inn
í endurhæfingarmat. Þá er farið
vandlega yfir alla þætti hjá því og
gerðar mælingar til að finna réttu
úrræðin.“
Sér ekki fyrir endann á end-
urhæfingu vegna Covid
Bæði er um að ræða fólk sem
þurfti að leggjast inn á spítala vegna
kórónuveirunnar og fólk sem vísað
hefur verið áfram, til að mynda frá
heilsugæslunni.
Ekki er að heyra á Stefáni að
hann telji að fyrir endann sjái á end-
urhæfingu Covid-sjúklinga, enda er
nú aðeins verið að fást við fólk úr
fyrstu bylgju faraldursins. „Svo má
reikna með því að öll veikindin nú í
haust geti skilað sér með vorinu þeg-
ar fólk áttar sig á því að það nær
ekki bata.“
Ekki er hægt að sinna öllum á
sama tíma og Stefán segir erfitt að
þurfa að forgangsraða og segja nei
við fólk. „Í þessari stöðu getum við
þó tekið inn fólk sem er búið að fá
Covid enda er það ekki smitandi og
getur nýtt sér aðstöðu okkar. Fólk
getur vissulega áfram borið snerti-
smit en það er einfaldara að eiga við
þau en úðasmit, ef gætt er að sótt-
vörnum.“
Nýgengi innanlands:
66,8 nýtt smit sl. 14 daga á 100.000 íbúa
9 ný inn an lands smit greindust sl. sólarhring
100
80
60
40
20
0
340 eru með virkt smit og í einangrun
júlí ágúst september október nóv.
Fjöldi staðfestra smita
innanlands frá 30. júní
H
ei
m
ild
: c
ov
id
.is
75
916
99
86
Endurhæfing
hefst að nýju
 Um 70 hafa leitað til Reykjalundar
Stefán
Yngvason
„Eins og staðan er hjá mér núna er
orðið fullt fyrir jól. Þetta er í raun
spurning um hvað maður ætlar að
vinna lengi á daginn og um helgar,“
segir Hrafnhildur Harðardóttir, hár-
snyrtir hjá Portinu, í samtali við
Morgunblaðið.
Bókanir hafa hrannast inn hjá
Hrafnhildi eftir að í ljós kom að hár-
greiðslustofur mætti opna að nýju á
morgun. Takmarkanir verða þó áfram
í gildi og þurfa hársnyrtar að hlíta stíf-
um sóttvarnareglum. Einungis tíu
mega vera inni á stofunni hverju sinni.
„Fyrstu tvær vikurnar mega bara tíu
kúnnar vera inni í einu. Það gerir
þetta svolítið flókið þar sem við erum
sjö að vinna á Portinu. Yfirleitt erum
við með tvo kúnna inni í einu þannig að
við þurfum að reyna að dreifa þessu
meira og vinna um helgar,“ segir
Hrafnhildur og bætir við að ekki sé
víst að allir komist að fyrir jól. „Við
reynum að gera okkar besta til að
redda öllum en þetta er sérstök staða
sem hefur ekki komið upp áður.“
Aðspurð segist Hrafnhildur vonast
til að komið verði til móts við hár-
snyrta með lokunarstyrkjum. Tekju-
tapið sé mjög misjafnt, en í flestum til-
fellum er það gríðarlegt.
aronthordur@mbl.is
Fullbókað í klippingu til jóla
 Hársnyrtar
vinna fram eftir og
um helgar  Reyna
að koma öllum að
Morgunblaðið/Kristinn Magnússon
Hársnyrtir Hrafnhildur segir að fullbókað sé í klippingu til jóla.