Morgunblaðið - 17.11.2020, Blaðsíða 6

6 FRÉTTIRInnlent
MORGUNBLAÐIÐ ÞRIÐJUDAGUR 17. NÓVEMBER 2020
Kuldaskór
Verð 21.995
Stærðir 41-46
Vatnsheldir • Innbyggðir broddar í sóla
SMÁRALIND
www.skornir.is
Netversl
un
www.sko
rnir.is
Gróðrarstöðin Lambhagi flytur á
hverju ári nokkur tonn af salati til
Grænlands. Útflutningurinn hófst
fyrir mörgum árum og hefur aukist
síðustu ár.
Hafberg Þórisson, aðaleigandi
gróðrarstöðvarinnar, segir að útflutn-
ingurinn sé í samstarfi við utanað-
komandi aðila. „Fyrir mörgum árum
hafði fólk samband við mig. Maðurinn
var grænlenskur en konan íslensk.
Þau langaði að þróa þetta og hafa síð-
ustu ár verið að flytja ýmislegt út. Það
er gert í gegnum fyrirtækið Banana,
en auk salatsins er ýmislegt annað
flutt út,“ segir Hafberg og bætir við
að Lambhagi noti sérstakar pakkn-
ingar fyrir salat sem flutt er til Græn-
lands. „Nú erum við að sérpakka fyrir
Grænaland. Þetta hefur verið að
vinda upp á sig og verður alltaf ögn
meira eftir því sem tíminn líður. Það
er minna á veturna en samt er alltaf
eitthvað flutt út.“
Sumrin hafa verið góð
Gróðrarstöðin framleiðir í dag um
500 tonn af salati árlega og því er út-
flutningurinn til Grænlands einungis
brot af starfseminni. Aðspurður seg-
ist Hafberg þó vilja taka þátt í verk-
efninu. „Við erum að breyta um
pakkningar fyrir þá en við ætlum
okkur virkilega að taka þátt í þessu.
Þó að þetta sé ekki mikið þá hefur allt
sitt að segja hjá okkur, sama hversu
lítið það er,“ segir Hafberg, en salan
hefur verið sérlega góð á sumrin.
„Sumrin hafa verið góð, fyrir utan síð-
asta sumar reyndar. Í fyrra t.d. var
verulega mikið að gera og við þurftum
að skammta til að geta annað því.“
Hafberg segir að gera megi ráð fyr-
ir aukningu í sölu á salati á Grænlandi
næstu ár. „Þetta eru grannar okkar
og við erum ánægð með að vera að
flytja vörur þangað. Það er áhugi fyrir
ræktun þarna,“ segir Hafberg sem
sjálfur kveðst spenntur fyrir þróun-
inni þar í landi. „Þetta er svipað og
þegar ég byrjaði hér þar sem ég stóð í
verslunum og þurfti að segja fólki að
þetta væri matur en ekki skraut á
disk. Þau eru ekkert vön því að vera
með salat á milli tannanna. Ég sé fyrir
mér vöxt þarna, þótt það verði ekkert
endilega í gegnum okkur.“
aronthordur@mbl.is
Lambhagi selur salat til Grænlands
 Árlega fara nokkur tonn af vörum
fyrirtækisins með skipum til Grænlands
Morgunblaðið/Árni Sæberg
Gróðrarstöð Hafberg er aðaleigandi stöðvarinnar sem hefur verið í vexti.
Ágúst Ingi Jónsson
aij@mbl.is
Sveitarstjórn Rangárþings eystra
hefur gert athugasemdir við áform-
aðar breytingar á endurskoðuðum
mörkum friðlýsingar við Skógafoss
og nágrenni. Að mati sveitarstjórn-
ar er allt of mikið land undir sem
sveitarstjórn telur ekki þörf fyrir
að friðlýsa og friðlýsing þjóni þar
engum tilgangi. Sveitarstjórn legg-
ur ríka áherslu á að fylgt verði
þeim friðlýsingarmörkum sem eru í
gildandi deiliskipulagi á svæðinu,
segir í samhljóða samykkt sveitar-
stjórnar fyrr í þessum mánuði.
Að sögn Lilju Einarsdóttur,
sveitarstjóra í Rangárþingi eystra,
var það að beiðni sveitarfélagsins,
sem friðlýsingin var tekin til endur-
skoðunar. Ástæða þess var að
Skógá hafði breytt um farveg á
kafla neðan við Skógafoss og fór
þar útfyrir mörk hins friðlýsta
svæðis. Við endurskoðun Umhverf-
isstofnunar hafi auglýst svæði frið-
lýsingar verið stækkað óþarflega
mikið.
Vongóð um breytingar
Lilja segir að fulltrúar sveitar-
félagsins hafi tekið þátt í undir-
búningi að breytingunum, en ekki
hafi verið tekið tillit til þeirra sjón-
armiða. Hún segist gera sér góðar
vonir um að friðlýsta svæðið verði
ekki stækkað meira en þörf sé á.
Í kynningu á áformum Umhverf-
isstofnunar um endurskoðun á frið-
lýsingunni segir að svæðið hafi um
árabil verið vinsæll og fjölsóttur
áningarstaður ferðamanna og innan
marka náttúruvættisins liggi ein
vinsælasta gönguleið landsins,
Fimmvörðuháls.
Lagfæringar á Skógaheiði
og neðan við Skógafoss
„Rangárþing eystra hefur óskað
eftir því við Umhverfisstofnun að
breyta mörkum náttúruvættisins á
þann hátt að mörkin verði fær
lengra til austurs frá Skógá þar
sem hún liggur á Skógaheiði. Skógá
hefur […] út fyrir núverandi mörk
neðan við Skógafoss og lagt er til
að þau verði lagfærð þannig að áin
sé öll innan markanna,“ segir í
kynningunni.
Í kjölfar kynningartímans munu
fulltrúar Umhverfisstofnunar,
Rangárþings eystra, landeigenda
og umhverfis- og auðlindaráðuneyt-
isins vinna drög að friðlýsingarskil-
málum og leggja fyrir þá sem hags-
muna eiga að gæta. Fyrirhuguð
friðlýsing mun að lokum verða aug-
lýst opinberlega í þrjá mánuði og
öllum gefinn kostur á að gera
athugasemdir við framlagða tillögu.
Hægt er að gera athugasemdir
við áformin til Umhverfisstofnunar
til 4. desember.
Of mikið land
undir friðlýsingu
 Áform um breytingar við Skógafoss
Morgunblaðið/RAX
Skógafoss Vinsæll áningarstaður og ekki amalegt að taka þar sjálfu.
Hafrannsóknastofnun vinnur nú
með Ríkiskaupum að gerð útboðs
vegna smíði nýs hafrannsóknaskips.
Sigurður Guðjónsson, forstjóri
stofnunarinnar, sagði á ársfundi á
föstudag að vel hefði verið unnið að
undirbúningi smíðinnar með þarfa-
greiningu, frumhönnun og verð-
könnunum. Vonandi yrði hægt að
hefja smíðina á næsta ári en gert
væri ráð fyrir tveggja ára smíðatíma.
Kristján Þór Júlíusson sjávar-
útvegsráðherra vék að nýja hafrann-
sóknaskipinu í ávarpi á ársfundinum.
Sagði hann að skammt væri þar til
smíði þess hæfist og myndi nýtt skip
nýtast stofnuninni vel til eflingar á
rannsóknum sínum.
Alþingi samþykkti einróma á sér-
stökum hátíðarfundi á Þingvöllum
sumarið 2018 í tilefni 100 ára full-
veldisafmælis að smíða nýtt hafrann-
sóknaskip í stað Bjarna Sæmunds-
sonar sem er 50 ára. Samþykkt var
að ríkið léti 3,5 milljarða króna renna
til hönnunar og smíði nýja skipsins.
Hitt skip Hafró, Árni Friðriksson,
sem var smíðað árið 2000, verður
áfram í rekstri.
Reksturinn í jafnvægi
Sigurður vék að rekstri stofnunar-
innar og sagði að fjármögnun á
grunnstarfsemi hefði ekki byggst á
nægilega traustum grunni. Treyst
hefði verið á sjóði eins og verkefna-
sjóð sjávarútvegsins með breytilegu
tekjustreymi. Stofnunin hefði þurft
að hagræða í rekstri á síðasta ári,
sem hefðu verið erfiðar aðgerðir þar
sem fækkað var störfum í stoðþjón-
ustu og yfirstjórn.
Auk hagræðinga hefði verið unnið
að traustari fjármögnun með ráðu-
neyti, ráðherra og fjárveitingavald-
inu. Þá hefði verið unnið að marg-
víslegum umbótaverkefnum í rekstri
sem gerðu reksturinn markvissari.
Góðu fréttirnar væru einnig að
rekstur þessa árs væri í jafnvægi.
Velta stofnunarinnar í ár væri um 4,2
milljarðar og sértekjur 1,2 milljarð-
ar. Laun væru um 65% af gjöldum.
Nú eru rúmlega 170 starfsmenn á
stofnuninni, nokkrir þeirra í hluta-
starfi. Af heildarfjöldanum eru tæp-
lega 40 á skipunum. Um 25 stöður
eru á landsbyggðinni.
Starfsmenn Hafrannsóknastofn-
unar eru þátttakendur í ellefu Evr-
ópuverkefnum úr Horizon 2020-
áætluninni. Heildarstyrkupphæð
þeirra er 433 milljónir króna og sagði
Sigurður að þessi árangur hefði auk-
ið rannsóknarstyrk stofnunarinnar
mikið. aij@mbl.is
Styttist í útboð á rann-
sóknaskipi fyrir Hafró
 Vonandi hægt
að hefja smíði 2021
Ljósmynd/Þorgeir Baldursson
Rannsóknir Hálf öld er síðan Bjarni
Sæmundsson var tekinn í notkun.