Morgunblaðið - Sunnudagur - 29.11.2020, Blaðsíða 18

18 MORGUNBLAÐIÐ SUNNUDAGUR 29.11. 2020
LÍFSSTÍLL
Reykjavík
Bíldshöfði 20
Akureyri
Dalsbraut 1
www.husgagnahollin.is
558 1100
10 – 18 virka daga
11 – 17 laugardaga
13 – 17 sunnudaga
10 – 18 virka daga
11 – 16 laugardaga
Ísafjörður
Skeiði 1 BLACK
FRIDAY
VEISLA ALLA HELGINA
F
élag kvenna í atvinnulífinu styður
kvenleiðtoga í að sækja fram og
sameina til aukins sýnileika, en ný-
lega var stofnuð þar nefndin New
Icelanders, sem sett var á laggirnar
til að auka fjölbreytileika og styðja við erlendar
konur. Þær eru ólíkar og með fjölbreyttan bak-
grunn en eiga það sameiginlegt að vera nýir Ís-
lendingar í atvinnulífinu, margar í stjórnunar-
stöðum. Sumar komu þær til Íslands vegna
íslensks maka en aðrar vildu flytja hingað til
frambúðar. Forsetafrúin, Eliza Reid, er félags-
kona FKA og hefur hún látið umræðuna um
mikilvægi fjölbreytileikans sig varða.
Með nefndinni geta þær hjálpað hver ann-
arri, miðlað af reynslu sinni og opnað á sam-
talið. Blaðamaður hitti fimm flottar konur sem
allar hafa náð að fóta sig á Íslandi þrátt fyrir
ýmsar hindranir sem orðið hafa á vegi þeirra.
Byggjum brú á milli fólks
„Í stjórn erum við átta en okkar hlutverk er að
vera til taks fyrir erlendar konur á atvinnu-
markaði. Áður voru mjög fáar erlendar konur í
FKA en við vissum að þær væru til. Við heyrð-
um að þeim konum fyndist þær út undan og
fyndist erfitt að tengjast öðrum konum hér. En
hlutverk okkar núna er að hjálpa öllum konum í
FKA að bjóða fleiri velkomnar í hópinn. Það er
hægt að læra svo margt af þessum nýju kon-
um,“ segir Kathryn Gunnarsson frá Englandi.
„Íslendingar tilheyra allir lokuðum hópum
og það er erfitt fyrir erlenda konu að fá að vera
með. Hluti af því að vera í þessari stjórn er að
breyta þessu og reyna að skapa tengslanet fyr-
ir erlendar konur í atvinnulífinu. Byggja brú á
milli fólks,“ segir Berenice Barrios Quiñones
frá Mexíkó.
„Það var ekki alltaf einfalt en ég hef fengið
svo frábær tækifæri hér á landi, og oftast ein-
mitt vegna þess að ég kem inn með nýja þekk-
ingu og reynslu sem þörf var talin á. Ég er nú
ekki í atvinnulífi eins og er heldur í stjórnmál-
unum en ástæða þess að ég er í þessari nefnd
er einmitt þetta – að gera þann mannauð sem
konur af erlendum uppruna eru sýnilegan og
styðja við þær sem kunna að rekast á hindr-
anir,“ segir Sabine Leskopf frá Þýskalandi.
Að brjóta múra
Hvernig finnst ykkur ganga að skapa tengsl?
„Því eldri sem þú ert, því erfiðara er það.
Yngri kynslóðin er opnari en eldra fólk er oft
erfitt að nálgast. Þau eru kannski vingjarnleg,
en samt frekar vör um sig,“ segir Berenice.
„Við erum vinnufélagar Íslendinga, en um
leið og vinnu lýkur erum við ekki vinir þeirra,“
segir Patience Karlsson frá Gana.
„Í bandarískum kúltúr eru vinnufélagar oft
líka vinir manns, en það er öðruvísi hér, að
minnsta kosti fyrir útlendinga sem hér vinna.
Ég fór stundum í kaffi með vinnufélaga og hélt
að við værum þar með orðnir vinir, en áttaði
mig á því að við værum í raun bara vinnu-
félagar í hans huga,“ segir Jessica Poteet frá
Bandaríkjunum.
„Íslendingar eru aldir upp við að hugsa um
sig og sína og þið eruð öll í sama liði, eruð sam-
an í rótgrónum saumaklúbbum og hópum. Við
sem ekki höfum alist hér upp og gengið hér í
skóla fáum ekki aðgang að sömu félagslegum
tengslum og hópum. Að brjóta þessa múra
getur verið erfitt. Ég er heppin og á nokkra ís-
lenska vini sem ég hef eignast síðustu ár hér á
Íslandi en það hefur krafist þess að ég leggði á
mig að búa til ný sambönd og fara út úr þæg-
indahringnum,“ segir Kathryn.
„Ég hef eignast nokkra íslenska vini en á
fleiri erlenda vini. Það var ákveðið kúltúrsjokk
fyrir mig að koma hingað og mikill munur á sið-
um hér og í Mexíkó. Ég var vön að kyssa alla í
bak og fyrir í heimalandinu en hér verður fólk
sjokkerað ef maður gerir það. Ég reyndi að
breyta minni hegðun; hvernig ég talaði, hreyfði
mig og hagaði mér, allt til þess að passa inn í
umhverfið. Kannski ef ég passaði inn myndi allt
verða betra. En eftir smá tíma ákvað ég að
hætta því. Ég ákvað að vera bara ég sjálf, tala
þegar ég vildi, rétta upp hönd þegar mig lysti.
Þannig náði ég að tengjast sumu fólki betur, en
aðrir urðu hræddari. Ég er hávær og ástríðu-
full,“ segir Berenice og brosir.
„Margir Íslendingar eru hámenntað fólk sem
unnið hefur erlendis. Ég minni þetta fólk á
hvernig það var fyrir þau að vera útlendingar í
skóla eða vinnu erlendis. Maður þarf bara að
finna tengingu við fólk. Fólk þarf að leggja sig
fram við að skapa ný tengsl,“ segir Kathryn.
„Margt fólk hér hefur ferðast víða um heim
og það fólk er opnara en aðrir og vinalegra. En
kúltúrinn og bakgrunnurinn flækist fyrir og
það er erfitt að eignast alvöruvini sem endast,“
segir Berenice.
Hljóma klár á spænsku
Konurnar eru sammála um að íslenskan geti
verið erfið og mikil hindrun í starfi og leik.
„Ein ástæða fyrir því að það er svo erfitt að
læra íslensku er einmitt vegna þess að við eig-
um ekki nógu marga íslenska vini til að tala við
og æfa okkur í íslensku,“ segir Patience.
„Svo er það auðvitað þannig að sem yfirmað-
ur mun ég ekki reyna að eiga í faglegum sam-
skiptum við fólk á íslensku. Ég hljóma þá eins
og tveggja ára og það eyðileggur fyrir mér,“
segir Jessica.
„Og eins og hjá mér, og mörgum öðrum hér,
er ég að tala ensku við fólk, en enska er mitt
annað mál, ekki fyrsta. Ég hef sagt við fólk:
„Ég get svarið það, ég hljóma mjög klár á
spænsku,““ segir hún og þær hlæja dátt.
„Ég veit ekki hvað ég þyrfti að leggja mikið
á mig í íslenskunámi til að ná nokkru sinni því
stigi; að geta talað íslensku þannig að ég fengi
þá virðingu sem ég á skilið,“ segir Berenice.
„Ég tel íslenskuna reyndar ekki erfiðari en
önnur tungumál en það sem flækir allt hér er að
bæði er námsframboðið á íslensku ófullnægjandi
og svo tala flestir Íslendingar góða ensku, þannig
að flestum, jafnt innflytjendum og Íslendingum,
finnst það oft einfaldast að halda sig þar, í stað-
inn fyrir að leggja sig aðeins fram og gefa inn-
flytjendum tækifæri á að tala íslensku án þess að
dæma þá fyrir hverja villu,“ bætir Sabine við.
Hafið þið upplifað eða orðið vitni að mis-
munun eða hreinlega rasisma?
Viljum ekki
vera ósýnilegar
Innan FKA, Félags kvenna í atvinnulífinu, hefur verið stofnuð
nefnd til að auka fjölbreytileika. Á opnunarviðburði FKA í ár
var mynduð táknræn keðja í Búrfellsgjá, hlekkjunum fjölgað
með gjörningi og búið til pláss fyrir nýjar konur og nýja nefnd,
New Icelanders eða Nýja Íslendinga. Morgunblaðið náði tali af
fimm sterkum konum frá öllum heimshornum sem allar hafa
mikið að leggja til samfélagsins og vilja láta raddir sínar heyrast.
Ásdís Ásgeirsdóttir asdis@mbl.is
Kathryn Gunnarsson, Sabine Leskopf, Berenice Barrios
Quiñones, Patience Karlsson og Jessica Poteet eru dug-
miklar konur í íslensku atvinnulífi og tilheyra allar nýrri
nefnd innan Félags kvenna í atvinnulífinu, New Icelanders.
’ Fólk heyrir oft bara innflytj-endur nefnda í tengslum viðalls konar vandamál eða áskor-anir en við erum verðmæt í at-
vinnulífinu, ótrúlega verðmæt. Ís-
land er heppið að fólk vilji koma
hingað og gefa landinu séns