Málfríður - 15.05.2001, Blaðsíða 8

Auðvitað á íslenskukennslan að hafa
forgang enda er gott vald á móðurmálinu
mikilvægur þáttur í að geta tileinkað sér
önnur tungumál. Og auðvitað þarf að
kenna börnurn margt fleira en íslensku og
erlend tungumál. En er æskan ekki ein-
mitt undirbúningstími fyrir framtíðina
bæði í leik og námi? Og fyrir börn er það
bara spennandi leikur að læra nýtt tungu-
mál.
Mikilvægi tungumálakunnáttu
verður seint ofmetið
Ég á tvo drengi sem eru 5 og 7 ára. Þeir
tala báðir gott og rétt íslenskt mál enda
höfum við hjónin alltaf lesið mikið fyrir
þá. Fyrir nokkrum mánuðum tók ég hins
vegar eftir því að þeir voru byqaðir að
nota ensk orð og setningar við ýmis tæki-
færi í hita leiksins — og þegar þeir vildu
leggja sérstaka áherslu á eitthvað. Þeim
finnst þetta flott. Ég hef ekki kennt þeim
þessa ensku. Þeir læra hana af sjónvarpinu,
myndböndum, tölvuleikjum og af netinu.
Og þegar ég hlusta á þá spyr ég sjálfa mig
hvort ég sé að bregðast þeim með því að
ýta ekki undir þennan áhuga hjá þeim. A
ég ekki að gefa þeim forskot með því að
byija að kenna þeim ensku? Það hjálpar
þeim líka að auka víðsýni sína, skilning og
hæfileika til að takast á við ólíka hluti.AHt
eiginleikar sem þeir þurfa að búa yfir í
samfélagi framtíðarinnar.
Ég held að mikilvægi góðrar tungu-
málakunnáttu verði seint ofmetið fýrir ís-
lenskt samfélag. Ég fagna því evrópsku
tungumálaári og því að í hönd fari dag-
skrá og aðgerðir sem miða að því að vekja
athygli á mikilvægi tungumálanáms. Ég
vona líka að við munum fylgja því eftir
með því að efla tungumálanám á Islandi
— í grunnskólum, á öðrum skólastigum
og fýrir þá sem lokið hafa skólagöngu
sinni.Við þurfum á því að halda.
Hulda Dóra Styrmisdóttir,
aðstoðarmaður forstjóra
Islandsbanka-FBA