Börn og menning - 01.05.1999, Side 15

BÖRN OG mENN|N6
á eftir þótti mér leitt að geta ekki haldið þessari
þróunarvinnu áfram. En sem betur fer hefur þessu
starfi verið haldið áfram og eru nemendur í 1.-4.
bekk nú í föstum leiklistartímum og stefnan er sú
að þeir fái fasta tíma upp í 10. bekk.
Áður en ég byrjaði að kenna við Andakílsskóla
(grunnskólann á Hvanneyri) skýrði ég þáverandi
skólastjóra frá áhuga mínum á leiklist og skóla-
starfi. Tók hann vel í að setja fasta leiklistartíma á
stundatöflu hjá nemendum. Nemendur í 1.-5. bekk
fengu einn tíma á viku en 6.-7. bekkur tvo tíma og
þannig er það enn. í þessum skóla hefur verið
mikill áhugi á leiklist og leikrænni tjáningu í mörg
ár þó svo að ekki hafi áður verið fastir tímar á
stundatöflu. Lögð hefur verið áhersla á að allir taki
þátt í því sem sett er upp á skemmtunum skólans
en ekki bara fáir útvaldir.
í litlum skóla eins og Andakílsskóla kynnast
kennarar öllum nemendum nokkuð vel og hef ég
haft gott tækifæri til að fylgjast með hvaða gagn
þeir hafa af leiklist og leikrænni tjáningu. Þarna
finnst öllum sjálfsagt að taka þátt í því sem verið er
að vinna að í leiklistinni og heyrir til undantekn-
ingar ef einhver miklar fyrir sér að tjá sig frammi
fyrir hópnum eða að koma fram fyrir áhorfendur. í
öllum skólum er að finna börn með ýmis konar
félagsleg vandamál. Þeim reynist oft erfitt að taka
tillit til hópsins og hafa ekki nægan þroska til þess
að setja sig í spor annarra. Leiklistarstarfið er
stöðug þjálfun í því að geta unnið í hópi og reynir
mjög á félagsleg samskipti. Til þess að starfið
gangi vel verða allir að leggja sig fram og sýna
tillitssemi. í leiklistinni eru nemendur stöðugt að
glíma við ímyndaðan heim og læra fljótt að ef það
á að vera gaman verða allir að vinna saman.
Vitanlega koma upp átök af og til en það eru
einmitt þau sem við lærum af.
Hvaða tækifærihafaíslenskbörn tilaðkynnast
leiklistarstarfi?
í Reykjavík eru eftirfarandi möguleikar í boði í
leikrænni tjáningu og leiklist:
- Áðurnefnd námskeið á vegum ÍTR. Láir skólar
bjóða öllum árgöngum upp á leiklistarnámskeið
og sumir bara unglingastiginu. Einnig er fjöldi
þátttakenda á námskeiðin oft takmarkaður þannig
að ekki komast allir að sem vilja.
- í Kramhúsinu eru leiklistarnámskeið fyrir börn
og unglinga.
- Nokkur leikfélög eru með unglingastarf og
námskeið fyrir börn.
- Láeinir skólar bjóða upp á leiklist sem valgrein í
10. bekk.
- Eitthvað hefur verið um sumamámskeið, td. í
Menningarmiðstöðinni Gerðubergi.
- Háteigsskóli er með markvissa kennslu í leiklist
og leikrænni tjáningu. Leiklistarkennari fær fasta
tíma á viku til þess að aðstoða kennara við þessa
vinnu.
Þar með er það upptalið. Ljóst er að lands-
byggðin er mun verr sett en Reykjavíkursvæðið
hvað þetta varðar. Að mínu mati er síður en svo
nægilegt að áhugasamir komist eingöngu á utanað-
komandi leiklistarnámskeið.
Leiklistætti að vera á stundatöflu hjá öllum
grunnskólanemendum
Böm sem sækja leiklistamámskeiðin em yfirleitt
þau sem þora að tjá sig og em óþvinguð og fijálsleg.
Hvað með feimnu bömin sem aldrei koma á nám-
skeiðin og eru alveg örugglega ekki valin í
árshátíðaruppsetninguna eða í jólaleikritið? Eiga
þau eitthvert erindi í leikræna tjáningu eða leiklist?
Já, það eru einmitt þessi börn sem mest gagn
myndu hafa af leiklistarstarfinu. Það á að vera stór
þáttur í skólastarfinu að læra að tjá sig óþvingað í
hópnum. Það væri gjöfult veganesti ef unnið væri
markvisst að því að böm fengju þjálfun í að koma
13