Þróttur : félagsblað Knattspyrnufélagsins Þróttar - 05.08.1954, Blaðsíða 9

>7%
AFMÆLISBLAÐ ÞROTTAR
Reykjavík — Ágúst 1954
--------------------------------------<$>
Þróttu
Einhverjum kynni að finnast það yfir-
lætislegt að Knattspyrnufélagið Þróttur
skuli ekki geta stillt sig um að gefa út
blað á fimm ára afmælisdegi sínum, 5.
ágúst 1954. En nokkurt efni er samt til
útgáfunnar, þó félagið geti ekki stært
sig af háum aldri. Stofnun knattspyrnu-
félags, sem á fimm árum kemur sér upp
kappliði í öllum flokkum, iðkar hand-
bolta, skautahlaup og fleiri íþróttir með
sæmilegum árangri, hefur deild fyrir
skák og bridge með fjölmennum keppn-
um, og síðast en ekki sízt — gefur ungu
fólki heilla bæjarhluta kost á talsverðu
félagslífi og frístundaverkefnum, er ekki
hversdagslegur viðburður í íþróttalífi
Reykjavíkur. Síðar meir mun torskilin
sú staðreynd, að í nær 40 ár, frá 1911 til
1949 var ekkert knattspyrnufélag stofn-
að í Reykjavík, allan þann tíma áttust
við sömu f jögur félögin enda þótt íbúum
borgarinnar fjölgaði þessi ár úr 12239
í 54707. Tvímælalaust hefur þessi
stöðnun tafið þróun knattspyrnunnar
og þess félagslífs sem heilbrigðu íþrótta-
starfi er samfara. Því mun það ef til vill
síðar talið enn meira atriði en nú, að
Knattspyrnufélaginu Þrótti tekst þessi
ár að brjóta ísinn, tekst að lifa og kom-
ast yfir verstu byrjunarörðugleikana á
fáum árum, og tekst það svo vel, að einn
bezti forvígismaður íslenzkrar knatt-
r 5 ára
spyrnu og íþróttamála hefur að fyrir-
sögn afmæliskveðju sinnar: Þetta félag
getur ekki dáið. Með fimm ára starfi hef-
ur Þróttur rutt þarna nýja braut. Þess
mun ekki langt að bíða að fleiri knatt-
spyrnufélög verði stofnuð í Reykjavík,
og er það vel.
Styrk sinn, þessi fyrstu ár, á Þróttur
ekki sízt að þakka uppruna sínum á
Grímsstaðaholti og í Skerjafirði. Stofn
félagsins hefur verið og er æskufólk,
sem áður var þaulkunnugt og samhent
sem leikbræður og leiksystkini á þessum
stöðum. Margir góðir liðsmenn og for-
ystumenn hafa Þrótti bætzt úr öðrum
bæjarhlutum. Þó mun fólkið á Gríms-
staðaholti og í Skerjafirði, yngri og eldri,
lengi telja Þrótt sitt félag, og ófá-
ir foreldrar þar um slóðir eru Þrótti
þakklátir fyrir þær mörgu stundir sem
hann hefur laðað börn þeirra og ung-
menni að hollum leik og íþróttum.
Haldi Þróttur áfram sem horfir, kapp-
kosti að innræta félagsmönnum sínum
sannan íþróttaanda, forðist klíkuskap
og þröngsýni, bjóði hvern góðan dreng
velkominn til starfs og leiks, mun vöxt-
ur félagsins verða jafn og heilbrigður
og þáttur þess í íþróttalífi Reykjavíkur
farsæll og bætandi. Megi svo verða.
Sigurður Guðmuntlssoii
íAÚDSSÓKASATn}
■V? < 96290 |