Fréttablaðið - 12.06.2021, Page 2

Leikið í lausu lofti
Svæðið við Elliðaárósa, þar sem Björgun hafði áður starfsemi sína, hefur nú gengið í endurnýjun lífdaga. Þar iðar allt af lífi með tónlistarflutningi, sirkusæf-
ingum, parkour, hjólakrafti, línu- og hjólaskautum og gler- og leirsmíðum. Hér leika ungir meðlimir sirkuslistafélagsins Hringleiks listir sínar. FRÉTTABLAÐIÐ/ERNIR
Seglskipið Eagle er skólaskip
á vegum bandarísku strand-
gæslunnar sem dvelur þessa
dagana í Reykjavík. Ásgrímur
L. Ásgrímsson hjá Land-
helgisgæslunni þekkir vel til
skipsins en hann stundaði
nám þar um borð á níunda
áratugnum.
arnartomas@frettabladid.is
REYKJAVÍK Einhverjir hafa eflaust
rekið augun í tígulegt seglskip sem
sigldi inn í Reykjavíkurhöfn í vik-
unni. Umrætt skip ber nafnið Eagle
(ísl. Örn) og er skólaskip á vegum
bandarísku strandgæslunnar.
Liðsforingjaskóli bandarísku
strandgæslunnar, sem er í raun eldri
en sjóherinn, hafði í upphafi Banda-
ríkjanna árið 1776 aðsetur um borð
í seglskipi. Hafa slík skip í gegnum
aldirnar alltaf heitið Eagle. Skólinn
hefur nú í meira en öld verið á þurru
landi í Connecticut-ríki en skólinn
gerir þó enn út þetta skólaskip fyrir
nemendur skólans sem sigla því á
sumrin.
USCGC Eagle var smíðað árið
1936 í Hamborg sem skólaskip fyrir
þýska sjóherinn. Nokkur systurskip
voru smíðuð eða hafin smíði á. Þrjú
þeirra voru siglingarhæf eftir stríðið
og tekin herfangi. Einungis tvö
þeirra eru enn þá í notkun, annars
vegar Eagle, sem hefur verið í þjón-
ustu bandarísku strandgæslunnar
frá 1945, og portúgalska skólaskipið
Sagres.
Ásgrímur L. Ásgrímsson, fram-
kvæmdastjóri aðgerðasviðs hjá
Landhelgisgæslu Íslands, var nem-
andi við liðsforingjaskólann á árun-
um 1983–1987. „Ég sigldi sem nem-
andi á þessu skipi öll fjögur árin,“
segir Ásgrímur. Hann útskrifaðist
með háskólagráðu sem liðsforingi
úr skólanum og starfaði sem slíkur
í bandarísku strandgæslunni um
tíma eftir útskrift.
„Skipið fer í siglingar á vorin og
yfir sumarið og í ár ákváðu þeir að
fara til Asóreyja þaðan sem þeir
eru að koma núna,“ segir Ásgrím-
ur. Asór eyjar voru þó einungis síð-
asta koma Eagle til hafnar  því að
núverandi skipherra hélt með skip
sitt norður Grænlandssund og
norður fyrir bauginn áður en skip-
ið tók aftur suðlæga stefnu og hélt
áleiðis í Faxaflóann undir vökulum
augum starfsbræðra hjá Landhelgis-
gæslunni.
Eagle kom í fyrsta skipti til
Íslands fyrir tíu árum og þá undir
stjórn skipherrans Eric Jones, sem
var bekkjarfélagi Ásgríms úr liðsfor-
ingjaskólanum. „Við slík tækifæri er
hefð hjá bandarísku strandgæslunni
sem og ýmsum sjófarendum öðrum
að haldin sé hátíðleg en gamansöm
athöfn þar sem þeir sem sigla yfir
bauginn í fyrsta skipti eru vígðir af
þeim sem hafa gert það áður og öðl-
ast inngöngu í regluna „Blue Nose“
eða „Domain of the Polar Bear“,“
segir hann.
Ásgrímur segir ekki standa til að
íslenskir landhelgisgæsluliðar æfi
um borð í Eagle. „Þetta er nú bara
kurteisisheimsókn,“ segir hann.
„Það var svo sem ekkert sérstakt
sem þeir báðu okkur um að undir-
búa en þeir eru nú að undirbúa að
skipta út nemendum á skipinu þar
sem áhöfninni er reglulega skipt út.“
Í dag er einn Íslendingur, Eyþór
Óskarsson, á lokaári í námi við
skólann. Hann var þó ekki um borð
nú þegar skipið sigldi til Íslands en
nemur um borð í varðskipi í Banda-
ríkjunum. n
Rifjaði upp kynni sín við
85 ára gamalt skólaskip
Ásgrímur fyrir framan Eagle við hátíðlega athöfn á fimmtudag.
FRÉTTABLAÐIÐ/ERNIR
Sími: 561 1433
mánudaga-föstudaga 7.30 -17.30
laugardaga 8.00 -16.00
sunnudaga 9.00 -16.00
• Austurströnd 14
• Hringbraut 35
PREN
TU
N
.IS
NÝBAKAÐ
BRAUÐ
ALLA DAGA
.......................................
www.bjornsbakari.is
birnadrofn@frettabladid.is
COVID-19 Samtals mega 300 manns
koma saman frá og með 15. júní
næstkomandi og opnunartími
veitinga- og skemmtistaða lengist
um klukkustund, frá kl. 23 til mið-
nættis. Gestir þurfa að hafa yfir-
gefið staðinn fyrir kl. 01.00. Þetta
er meðal þeirra breytinga sem
Svandís Svavarsdóttir heilbrigðis-
ráðherra kynnti að loknum ríkis-
stjórnarfundi í gær.
Með breytingunum verður engin
krafa gerð um nándarmörk á sitj-
andi viðburðum en á slíkum við-
burðum verður enn grímuskylda.
Þá verður almenn nándarregla einn
metri í stað tveggja. Nýjar reglur
gilda til og með 29. júní.
Í líðandi viku hafa einungis
greinst fimm innanlandssmit og
sjö daga í röð greindist enginn
utan sóttkvíar. Í gær höfðu yfir 128
þúsund einstaklingar verið full-
bólusettir og tæplega 215 þúsund
höfðu fengið að minnsta kosti einn
skammt. Stefnt er að því að allir
fullorðnir hafi fengið boð í bólu-
setningu 25. júní.
Í næstu viku verður bólusett með
bóluefnum frá Moderna, Pfizer og
Janssen. n
Nýjar breytingar á sóttvarnareglum
Með breyting-
unum verður almenn
nándar regla einn
metri.
jon@frettabladid.is
SAMFÉLAG Persónuvernd hefur
úrskurðað að myndavélavöktun í
fjöleignarhúsi væri ólögmæt. Byggði
kvartandi á að rafræn vöktun færi
fram á sameign og séreign hans auk
almannarýmis, sem brjóti gegn frið-
helgi einkalífs hans og fjölskyldu.
Hann hafi hvorki veitt samþykki
sitt fyrir uppsetningu myndavél-
anna né rafrænni vöktun. Þá hafi
engar merkingar verið settar upp
um vöktunina.
Eigendur myndavélanna báru því
við að sá sem eftirlitið beindist gegn
hefði ekki farið að samkomulagi um
afnot sameignar og að hundur hans
geri þarfir sínar á lóð og útidyra-
tröppur hússins.
Að mati Persónuverndar tókst
eigendum myndavélanna ekki að
sýna fram á nauðsyn vöktunarinnar
og sönnunargagna um umgengni
hefði mátt afla með öðrum og væg-
ari aðferðum sem færu ekki gegn
friðhelgi einkalífs annarra.
Niðurstaðan varð því sú að stöðva
skyldi vöktunina og uppteknu efni
yrði eytt. n
Myndað í óleyfi
Myndavélar tóku upp umgengni í
sameign og háttalag hunds.
2 Fréttir 12. júní 2021 LAUGARDAGUR