Fréttablaðið - 12.06.2021, Blaðsíða 4

BJÓÐUM UPP Á 37” - 40” BREYTINGAPAKKA
BREYTINGAVERKSTÆÐI ÍSBAND,
SMIÐSHÖFÐA 5, SÉRHÆFIR SIG Í
BREYTINGUM Á RAM PALLBIFREIÐUM.
ÍSBAND UMBOÐSAÐILI RAM Á ÍSLANDI
RAM 3500
BÍLL Á MYND RAM 3500 LARAMIE SPORT MEGACAB MEÐ 35” BREYTINGU
VERÐ FRÁ 7.421.210 KR. ÁN VSK.
9.202.300 KR. M/VSK.
UMBOÐSAÐILI JEEP® OG RAM Á ÍSLANDI • ÍSLENSK-BANDARÍSKA • ÞVERHOLT 6 • 270 MOSFELLSBÆR
S. 590 2300 • WWW.ISBAND.IS • ISBAND@ISBAND.IS • OPIÐ VIRKA DAGA 10-18 • LAUGARDAGA 12-16
Katrín
Jakobsdóttir
forsætisráðherra
Lofts lags ­
áætlun stjórn­
valda byggist
á raun hæfum
að gerðum og
öflugu sam starfi
við ó líka geira sam fé lagsins. Nú
þarf að halda á fram á sömu braut,
tryggja að lofts lags málin verði
á fram í fyrsta sæti á komandi
kjör tíma bili og varða leiðina að
kol efnis hlut lausu Ís landi með
rétt látum um skiptum.■
Guðjón Sigur­
bjartsson
viðskiptafræðingur
Margra mánaða
og jafnvel meira
en árs bið er
eftir ýmsum
aðgerðum svo
sem liðskiptum,
augasteinaskiptum, krabbameins­
lækningum, hjartaþræðingum
og offituaðgerðum. Skimun fyrir
krabbamein er áfátt. Skortur er
á hjúkrunarúrræðum. Yfirgengi­
legt álag er á bráðamóttöku. Of fá
sjúkrarúm eru í landinu. Geðheil­
brigðisþjónusta er ónóg. ■
Kolbrún
Baldursdóttir,
borgarfulltrúi
Flokks fólksins
Eftirlaunafólk
á að fá að vinna
eins og það hefur
áhuga og tök á,
án skerðinga, og
njóta afraksturs
vinnu sinnar eins og aðrir. Fjöl­
mörg störf koma til greina fyrir
þennan hóp, enda er mikill
mannauður til staðar sem er með
dýrmæta reynslu. Vonandi mun
meirihlutinn í borgarstjórn taka
þessari tillögu fulltrúa Flokks
fólksins vel á fundi borgarstjórnar
nk. þriðjudag. ■
■ Tölur vikunnar
60
lyklum var stolið úr Grafarvogs-
laug á þremur vikum.
142
meðlimir eru nú skráðir í
Hjálpræðisherinn.
1.098
íbúakort Bílastæðasjóðs voru
skráð í Reykjavík árið 2020.
1.279
milljónir voru heildarvinningur
íslensks þátttakanda í
Víkinglottóinu í vikunni.
675
fyrirtæki fengu greitt í formi
ferðagjafar stjórnvalda.
■ Þetta sögðu þau
Okkur vantar fleiri
skóla til að taka við
nemum á sérnáms-
brautir. Það eru ein-
hverjir nemendur með
fötlun enn án skóla-
pláss.
Inga Guðrún
Kristjánsdóttir,
Unglingar með þroskafrávik
sóttu um skólavist í fram­
haldsskólum í febrúar en
þrátt fyrir að það sé kominn
júní eru sumir unglingarnir
að fá svör um skólavist fyrst
núna. Sumir standa eftir með
framtíðina að veði.
benediktboas@frettabladid.is
MENNTAMÁL Fatlaðir unglingar eru
flestir nýbúnir að fá svör um skóla­
vist í framhaldsskóla næsta haust
en sum eru ekki enn komin með
skólavist. Þeir skólameistarar skóla
sem taka við fötluðum nemendum
og Fréttablaðið náði tali af sögðu
það vera á milli 10–20 sem eru ekki
komin með skólavist.
Þorgerður Katrín Gunnarsdóttir,
formaður Viðreisnar, sagði að þau
væru 30 í ræðu sinni á Alþingi.
„Afsökunin er að árgangarnir séu
allt of fjölmennir. Það er búið að vita
þetta í 16 ár. Hvar hafa ráðherrarnir
verið?“ spurði Þorgerður og beindi
orðum sínum til Lilju Alfreðsdóttur
menntamálaráðherra og Ásmundar
Einars Daðasonar félagsmálaráð­
herra. Þorgerður var menntamála­
ráðherra á árunum 2003–2009.
Unglingar með þroskafrávik
sækja um skólavist í febrúar og eru
einhverjir nýbúnir að fá svör en
önnur bíða enn.
Þeir unglingar sem eru með
Downs­heilkenni geta til dæmis
ekki gengið að því vísu að fá skóla­
vist í þeim skólum sem hentar þeirra
getustigi né þar sem vinir þeirra eru.
„Okkur vantar fleiri skóla til að taka
við nemum á sérnámsbrautir. Það
eru einhverjir nemendur með fötlun
enn án skólapláss á sérnámsbrautir,“
segir Inga Guðrún Kristjánsdóttir,
formaður Félags áhugafólks um
Downs­heilkenni.
Benedikta Birgisdóttir, sem situr í
stjórn Félags áhugafólks um Downs­
heilkenni, skrifaði harðorðan pistil
á Facebook sem vakti mikla athygli.
Þar kom fram að sonur hennar, sem
er með Downs­heilkenni, hafi feng­
ið inngöngu í Fjölbrautaskólann við
Ármúla, sem hentar honum ekki, en
drengurinn vildi fara í annaðhvort
FB eða Borgarholtsskóla. Þar séu
vinir hans. Benedikta fékk svar um
skólavist sonar síns á miðvikudag.
Inga Guðrún segir að það sé
skiljanlegt áfall ef börnin fá ekki
að elta vini sína og hafi getuna til
þess að vera í annaðhvort FB eða
Borgarholtsskóla. „Það er áfall fyrir
foreldra en sorgin er mest hjá börn­
unum,“ segir hún.
Hún bendir á að það sé hennar
vilji að skólakerfið mæti þörfum
allra, hvort sem það eru fatlaðir eða
ófatlaðir unglingar. „Við viljum að
skólakerfið mæti okkar börnum
þar sem þau eru. Það á að vera hægt
að búa til skólakerfi fyrir þau eins og
öll önnur börn, fötluð sem ófötluð.
Reyndar er það svo að við sjáum
í þeim skýrslum og öðru þar sem
er verið að meta árangur og annað
að skólakerfið er í vandræðum að
mæta börnum almennt á margan
hátt – þótt það sé ekki algilt – en sem
betur fer er líka margt sem gengur
vel. Við verðum að læra það betur
og betur að koma vel til móts við
þarfir barna og unglinga með fatl­
anir,“ segir Inga.
Þorgerður Katrín benti á í ræðu­
stól Alþingis að fötluð börn hefðu
gleymst í áætlun ríkisstjórnar­
innar. Börnin hefðu verið fötluð frá
fæðingu og það ætti ekki að koma á
óvart þegar svo stór árgangur væri
að koma inn í kerfið. Það hafi verið
vitað í 16 ár. ■
Tugir fatlaðra unglinga eru ekki enn
komnir með svar um framhaldsskóla
Frá vígslu Sensory pool, eða skynörvunarsundlauginni, sem styrkt var af Kiwanisklúbbnum Kötlu á sérnámsbraut
Fjölbrautaskólans við Ármúla. FRÉTTABLAÐIÐ/STEFÁN
4 Fréttir 12. júní 2021 LAUGARDAGUR