Morgunblaðið - 06.05.2021, Side 22

BAKSVIÐ
Sigtryggur Sigtryggsson
sisi@mbl.is
Kynnt hefur verið í borgarkerfinu
greinargerð starfshópsins „Brúum
bilið á meðan við brúum bilið“ þar
sem lagðar eru til mögulegar stað-
setningar fyrir nýtt leikskóla-
húsnæði á fimm stöðum í Reykjavík:
Vogabyggð 5, Nauthólsvegi 81, Bar-
ónsstíg 34, Eggertsgötu 35 og Haga-
torgi.
Síðasta staðsetningin er athyglis-
verð, en á torginu, gegnt Hótel Sögu,
er nú aðeins að finna listaverkið Ís-
landsmerki eftir Sigurjón Ólafsson,
annað ekki.
Um verður að ræða færanlegar
einingar sem verða víkjandi fyrir
annarri starfsemi/framtíðarupp-
byggingu á lóðunum sem um ræðir.
Mögulegur fjöldi leikskólaplássa
verður um það bil 60-100 á hverjum
stað. Vandað skal til útlits húsnæðis-
ins og verður yfirborð lóðar útfært
sem aðlaðandi útisvæði fyrir börn.
Á Barónsstíg 34 (Vörðuskóli) er
lagt til að koma fyrir u.þ.b. 600 m²
einingahúsnæði á lóðinni sem nýta á
sem leikskóla fyrir u.þ.b. 60 börn.
Ekki er ætlunin að leikskólinn verði
á lóðinni til frambúðar heldur myndi
hann víkja þegar kemur að því að
byggja við Vörðuskóla (eða fyrr). Í
dag er bílastæði á byggingarreitnum
sem um ræðir.
Útivistarsvæði Öskjuhlíðar nýtt
Á Nauthólsvegi 81 (skólalóð) er
lagt til að koma fyrir u.þ.b. 900 m²
einingahúsnæði sem nýta á sem leik-
skóla fyrir u.þ.b. 100 börn. Fyrirhug-
aður grunnskóli á lóðinni verður ekki
byggður næstu misserin. Við frágang
lóðar skal leitast við að halda í nátt-
úrulegan gróður og tengt verði eins
og kostur er sjónrænt við ásýnd og
umhverfi útivistarsvæðis Öskjuhlíð-
ar. Gert er ráð fyrir að útivistarsvæði
Öskjuhlíðar nýtist skólabörnum
ásamt skólalóð.
Í Vogabyggð 5 (skólalóð) er lagt til
að koma fyrir u.þ.b. 900 m² eininga-
húsnæði sem nýta á sem leikskóla
fyrir u.þ.b. 100 börn. Vogabyggð 5 á í
framtíðinni að þjóna sem skóla-, frí-
stunda og útivistarsvæði. Í deili-
skipulagi er heimild fyrir allt að 5.000
m² grunn- og leikskólabyggingu á
tveimur til þremur hæðum á lóðinni.
Ekki stendur til að hefja fram-
kvæmdir við skólann næstu misserin.
Á Eggertsgötu 35 er lagt til að
koma fyrir u.þ.b. 900 m² eininga-
húsnæði á lóðinni sem nýta á sem
leikskóla fyrir u.þ.b. 100 börn. Á lóð-
inni verður í framtíðinni reist allt að
8.575 m² bygging, sem nýtast á há-
skólasamfélaginu.
Loks er lagt til að stofna nýja lóð á
Hagatorgi og reisa á henni u.þ.b. 600
m² einingahúsnæði sem nýta á sem
leikskóla fyrir u.þ.b. 60 börn. Ekkert
deiliskipulag er í gildi fyrir Haga-
torg. Til að byggja húsnæði á svæð-
inu þyrfti því að sækja um stofnun
nýrrar lóðar og sækja síðan um
byggingarleyfi sem yrði grenndar-
kynnt.
Tekið er fram að skoða þurfi um-
ferð og aðkomu foreldra og leikskóla-
barna að torginu og leysa með við-
unandi hætti. Bera skal úrlausnina
undir samgöngustjóra. Enn fremur
þurfi að sýna útfærslu á bílastæðum
og frágangi á yfirborði torgsins.
Talsvert er um lagnir undir Haga-
torgi og hafa þarf samráð við Veitur
vegna kvaða þegar/ef stofnuð er ný
lóð og farið í framkvæmdir.
„Eftir yfirferð á skipulagslegum
forsendum á framangreindum fimm
stöðum teljast tillögur að leikskóla-
húsnæði vera í samræmi við gildandi
skipulag,“ segir í niðurstöðu verkefn-
isstjóra skipulagsfulltrúa Reykjavík-
ur. Mikilvægt sé að alls staðar verði
nýtt leikskólahúsnæði útfært þannig
að það falli vel að því sem fyrir er og
verði til prýði fyrir umhverfið.
Leikskóli verði á Hagatorgi
- Kynnt hafa verið í borgarkerfinu áform um fimm nýja leikskóla sem reistir verða til bráðabirgða
Morgunblaðið/RAX
Hagatorgið í dag Þar er nú að finna listaverkið Íslandsmerki eftir Sigurjón Ólafsson myndhöggvara, annað ekki. Í baksýn má sjá Neskirkju og Melaskóla.
22 FRÉTTIRInnlent
MORGUNBLAÐIÐ FIMMTUDAGUR 6. MAÍ 2021
Í nóvember 2018 samþykkti borgarráð tillögur stýrihópsins „Brúum bilið“
sem fólu í sér áætlun um uppbyggingu 700-750 leikskólarýma á næstu
fimm árin svo bjóða mætti öllum börnum 12 mánaða og eldri leikskólavist í
Reykjavík fyrir lok árs 2023. Tillögur hópsins voru í sjö liðum.
Jafnframt var samþykkt tillaga um stofnun stýrihóps sem hefði eftirlit
með innleiðingu tillagnanna og þeim framkvæmdum sem þær kveða á um.
Kostnaðarmat stýrihópsins leiddi í ljós að fyrrnefnd uppbygging leik-
skólahúsnæðis kalli á 5,2 milljarða fjárfestingu á næstu fimm árum, 2018-
2023, og var gert ráð fyrir þeirri fjárhæð í fjárfestingaráætlun Reykjavíkur-
borgar fyrir tímabilið 2019-2023. Samkvæmt kostnaðarmati stýrihópsins
var gert ráð fyrir að árlegur viðbótarrekstrarkostnaður vegna fjölgunar
leikskólarýma um 700-750 yrði alls 1,3-1,4 milljarðar króna á næstu fimm
árum. Fyrrnefndar tölur þarf að uppreikna miðað við þróun vísitalna síð-
ustu þrjú árin auk þess sem taka þarf með í reikninginn kostnað við stytt-
ingu vinnuvikunnar, sem nýlega var samið um.
Ný rými verði 700-750 alls
TILLÖGUR STÝRIHÓPSINS „BRÚUM BILIГ
Umhverfis- og skipulagssvið
Reykjavíkurborgar hefur óskað eftir
tilboðum í gerð landfyllingar í
Bryggjuhverfi vestur. Þetta verður
fyrsti áfangi af þremur en alls eru
áformaðar landfyllingar þrettán
hektarar að stærð. Seinni tvær land-
fyllingarnar eiga eftir að fara í um-
hverfismat þar sem m.a. verða könn-
uð áhrif þeirra á laxagengd í
Elliðaárnar.
Verkið sem nú er boðið út felst í
gerð landfyllinga, farghauga og
varnargarðs fyrir vesturhluta
Bryggjuhverfis, ásamt tilfærslu á
farghaugum innan svæðisins. Einnig
skal fjarlægja núverandi hafnar-
bakka Ártúnshöfðahafnar, þar sem
dæluskip Björgunar hafa haft við-
legu undanfarna áratugi.
Helstu magntölur eru: Móttaka
efnis í varnargarð 20.000 fermetrar,
efni í landfyllingu: 150.000 m3 og
efni í farghauga: 170.000 m3. Tilboð
verða opnuð 25. maí næstkomandi.
sisi@mbl.is
Morgunblaðið/Árni Sæberg
Ártúnshöfðahöfn Reykjavík verður einni höfn færri þegar hún hverfur.
Bjóða út landfyllingu
Bryggjuhverfis
Your Shoes strigaskór
SMÁRALIND
www.skornir.is
Skórnir eru
framleiddir í
Portúgal úr hágæ
leðri sem og náttúrulegum
efnum. Skórnir falla vel að
fætinum, eru tímalausir og
einstaklega þægilegir.
Netverslun
skornir.is
Sumartilboð
Tilboðsverð
7.497
Verð áður 14.995
ða