Morgunblaðið - 06.05.2021, Síða 24

24 FRÉTTIRInnlent
MORGUNBLAÐIÐ FIMMTUDAGUR 6. MAÍ 2021
STOÐ Bíldshöfða | STOÐ Hafnarfirði | stod.is
CEP þrýstingssokkar
blóðflæði í fótleggjum
þannig haft góð áhrif
nir auka
og geta
á líkamann.
• Falla vel að fætinum
• Auka stöðugleika
• Auka blóðflæði
• Örva liðskyn
• Hraða endurheimt
• Góð raka- og hitastjórnun
• Margar gerðir og litir
• Þýsk gæðavara
EKKI BARA SOKKAR
ÞRÝSTINGSSOKKAR
Ágúst Ingi Jónsson
aij@mbl.is
Áætlað er að á vegum ofanflóða-
sjóðs verði framkvæmt fyrir ríflega
tvo milljarða króna í ár við varnir
vegna snjó- og aurflóða. Varnirnar
eru af ýmsum toga, en meðal annars
verður unnið við mannvirkjagerð á
Patreksfirði, í Neskaupstað, Siglu-
firði, Flateyri, Seyðisfirði og Eski-
firði.
Á Fífladalasvæði í Hafnarfjalli
fyrir ofan Siglufjörð verður haldið
áfram og lokið uppsetningu upp-
takastoðvirkja. Nýlega voru opnuð
tilboð í framkvæmdahluta verksins
og átti Köfunarþjónustan lægsta til-
boð upp á tæplega 853 milljónir
króna. Kostnaðaráætlun vegna
verktakavinnunnar var upp á rúm-
lega milljarð, en alls bárust fjögur
tilboð í verkið. Miðað er við að fram-
kvæmdirnar á Siglufirði standi í
fjögur ár.
Samkvæmt upplýsingum Haf-
steins Pálssonar, verkfræðings í
umhverfis- og auðlindaráðuneytinu,
verða stærstu einstöku verkefni
sjóðsins í ár á Patreksfirði og í Nes-
kaupstað, þar sem á hvorum stað
verður unnið fyrir yfir 400 milljónir
króna.
Á Patreksfirði verður unnið við
varnargarða vestast í bænum og er
um að ræða framhald á verkefnum
síðustu ára.
Í Neskaupstað er vinna í gangi
við keilur og fleira undir Urðarbotni
og Sniðgili, en varnargaður þar er
að mestu kominn.
Á Flateyri hefur uppsetning snjó-
girðinga á litlum kafla á Eyrarfjalli
verið boðin út og er um tilrauna-
verkefni að ræða. Þá er verið að
undirbúa frekari aðgerðir á Flat-
eyri.
Framkvæmdir og frumathugun
Á næstunni verður gerð varnar-
garðs við Ölduna og Bakkahverfi í
norðanverðum Seyðisfirði boðin út
og ættu framkvæmdir að geta hafist
síðla sumars. Frumathugun á því
hvað gert verður í framhaldi af aur-
flóðunum í Seyðisfjarðarbæ í vetur
ætti að liggja fyrir í sumarbyrjun.
Þegar hún liggur fyrir verður tekin
ákvörðun um hvað gert verður til að
verjast aur- og snjóflóðum og síðan
tekur við mat á umhverfisáhrifum,
hönnun og fleiri þættir. Ofanflóða-
sjóður hefur undanfarið komið að
bráðavörnum í Seyðisfirði í kjölfar
atburða vetrarins.
Við Lambeyrará á Eskifirði verð-
ur í ár unnið að krapaflóðavörnum
og er það fjórði árfarvegurinn sem
unnið er að í bænum.
Hafsteinn segir að fjárveiting til
ofanflóðasjóðs hafi verið hækkuð um
1.600 milljónir króna frá síðasta ári í
tæpa 2,7 milljarða. Vegna seinkunar
á nokkrum verkefnum í fyrra hafi
fjármagn verið flutt á milli ára
þannig að sjóðurinn hafi rúmlega
þrjá milljarða til ráðstöfunar í ár.
Hann reiknar með að kostnaður
við framkvæmdir ársins verði 2,2-
2,4 milljarðar, en auk sjálfra fram-
kvæmdanna fari fjármagn í ýmsan
undirbúning svo sem hættumat,
frumathuganir, mat á umhverfis-
áhrifum, hönnun og rannsóknir.
Í vikunni svaraði Guðmundur Ingi
Guðbrandsson umhverfis- og auð-
lindaráðherra fyrirspurn frá Lilju
Rafneyju Magnúsdóttur um aðgerð-
ir í kjölfar snjóflóða. Í svarinu kem-
ur meðal annars fram að ratsjá sem
var á Skollahvilftargarðinum á Flat-
eyri eyðilagðist í snjóflóðinu í janúar
í fyrra og hefur hún verið endurnýj-
uð.
Í skriflegu svari ráðherra segir:
„Í byrjun mars 2021 var á Flateyri
sett upp í rannsóknarskyni nýjasta
kynslóð snjóflóðaratsjár til þess að
kanna hversu vel slíkt tæki getur
nýst við snjóflóðavöktun á Flateyri
og Hvilftarströnd. Þessi tegund
ratsjáa getur séð mun stærra svæði
en áður og greint flóð úr nokkrum
snjóflóðafarvegum. Einnig getur
ratsjáin greint staðsetningu og
stærð snjóflóðanna.
Ratsjáin gagnast hugsanlega í
öryggisviðbúnaði vegna snjóflóða-
hættu á Flateyrarvegi neðan
Skollahvilftar og giljanna næst inn-
an hennar og verður það kannað á
næstunni í samvinnu við Vegagerð-
ina. Ratsjár þessarar gerðar eru
víða notaðar erlendis til þess að
stjórna umferð um vegi sem liggja
um snjóflóðahættusvæði.“
Í svarinu kemur einnig fram að
prófun stendur yfir á tölvulíkani
sem er ætlað að herma snjóflóð
sem lenda á varnargörðum. Áform-
að er að nýta líkanið við endurmat
á hættu undir sex leiðigörðum á
landinu síðar á þessu ári, þ.m.t. á
Flateyri. Líkanið kann einnig að
gagnast við mat á virkni keilna sem
koma til greina til þess að hægja á
snjóflóðum áður en þau lenda á
leiðigörðunum á Flateyri.
Aðvörunarljós sett upp
Á síðasta ári var unnið að endur-
uppbyggingu og styrkingu mæla-
kerfis á Flateyri. Settir voru upp
sjálfvirkir snjódýptarmælar á
tveimur stöðum ofan Flateyrar síð-
astliðið haust. Á Flateyri hefur ver-
ið ráðinn snjóathugunarmaður í
fast 25% starfshlutfall, en áður var
þar snjóathugunarmaður á tíma-
kaupi, og á Suðureyri hefur nú í
fyrsta sinn verið ráðinn snjóathug-
unarmaður.
Ísafjarðarbær hefur sett upp að-
vörunarljós í höfnunum á Flateyri
og Suðureyri sem lögregla kveikir
á þegar talin er hætta á flóðum eða
flóðbylgjum. Snjóflóðavakt Veður-
stofunnar metur aðstæður í sam-
ráði við lögreglu og aðra aðila.
Snjóflóðavaktfólki á Veðurstofunni
hefur verið fjölgað úr sex í níu, að
því er fram kemur í svarinu.
Varnarvirki fyrir yfir tvo milljarða
- Köfunarþjónustan bauð lægst í upptakastoðvirki ofan Siglufjarðar - Stærstu framkvæmdir ársins
á Patreksfirði og í Neskaupstað - Tilraun með snjógirðingar ofan Flateyrar - Ný snjóflóðaratsjá
Ljósmynd/Sigurður Hlöðversson
Siglufjörður Vinnu við gerð snjóflóðavarna verður haldið áfram í sumar og bauð Köfunarþjónustan lægst í verkið.
„Þessi hæð er ekki til í kerfinu og hef-
ur aldrei verið,“ segir Ólafur Ingi
Tómasson, bæjarfulltrúi í Hafnarfirði
og formaður skipulags- og bygging-
arráðs bæjarins. Á síðasta fundi ráðs-
ins var því hafnað að veita eigendum
húsnæðis á Suðurhellu 10 frekari
frest til að rýma húsnæðið. Um
næstu mánaðamót rennur út 60 daga
frestur sem eigendum var gefinn. Í
húsnæðinu eru ósamþykktar leigu-
íbúðir á millilofti sem er ekki að finna
á teikningum. Gerðar hafa verið at-
hugasemdir við búsetu í húsinu sem
og atvinnustarfsemi. Segir Ólafur
Ingi að hægt sé að breyta deiliskipu-
lagi ef teikningum og öðrum gögnum
verði skilað inn en sú breyting myndi
aðeins fela í sér að atvinnustarfsemi
yrði þar heimil, ekki búseta. Sam-
kvæmt bréfi frá einum íbúa sem lagt
var fyrir ráðið er nú búið í átta vinnu-
stofum af 20, alls fjórtán manns.
„Eigendur hafa fengið ítrekaðan
frest frá áramótum en það þurfa allir
eigendur að samþykkja. Við verðum
að hlusta á athugasemdir frá slökkvi-
liðinu og byggingarfulltrúa. Það er
hins vegar fullur vilji hjá okkur til að
leysa málin en til þess þurfa öll gögn,
þar á meðal teikningar, að berast.“
hdm@mbl.is
Morgunblaðið/Kristinn Magnússon
Suðurhella 10 Fjórtán búa í ólöglegum íbúðum þar. Um 20 eru fluttir.
Þurfa að rýma húsið
fyrir lok mánaðar
- Eigendur Suðurhellu 10 fá ekki frest