Morgunblaðið - 06.05.2021, Blaðsíða 26

26 FRÉTTIRInnlent
MORGUNBLAÐIÐ FIMMTUDAGUR 6. MAÍ 2021
Kringlunni
KRINGLU
KAST
5.-10. maí
15% afsláttur
af völdum vörumerkjum
í Casa Kringlunni
Mannekla lögreglu og mjúk lög-
gæsla í dreifbýli er heiti rannsóknar,
sem þeir Guðmundur Oddsson, dós-
ent við Háskólann á Akureyri, og
Andrew Paul Hill, lektor við Háskól-
ann á Akureyri, hafa unnið. Mark-
mið rannsóknarinnar var að kort-
leggja þróun mannafla íslensku
lögreglunnar frá árinu 2007, skoða
lögregluna í evrópskum samanburði
og greina upplifun dreifbýlislög-
reglumanna af helstu áskorunum
þeirra og bjargráðum. Meðal annars
var rætt við 23 lögreglumenn með
starfsreynslu í dreifbýli.
Í útdrætti kemur meðal annars
fram að fólksfjölgun, fjölgun ferða-
manna og fækkun lögreglumanna
hafi aukið álag og komið niður á lög-
gæslu, ekki síst í dreifbýli. Árið 2018
hafi Ísland verið meðal þeirra Evr-
ópulanda sem hafi haft hvað fæsta
lögreglumenn (185) á hverja 100.000
íbúa.
Í samantekt og lokaorðum segir
að niðurstöður viðtala hafi leitt í ljós
að dreifbýlislögreglumenn upplifi
manneklu, ofurálag, margþætt verk-
efni, litla aðstoð og óskýr mörk
vinnu og einkalífs sem sínar helstu
áskoranir. Helstu bjargráð dreif-
býlislögreglumanna séu að þróa með
sér fjölþætta kunnáttu og hugvits-
semi við að virkja félagsauð nær-
samfélagsins. Mikilvægust sé góð
samskiptahæfni sem grundvallist á
samræðum, hæfileikanum að geta
stillt til friðar og mjúkri löggæslu til
að viðhalda trausti almennings og
samstöðu.
Með marga hatta
Eftirfarandi er haft eftir einum
viðmælanda í rannsókninni: „Nánd-
in er svo mikil í dreifbýli. Ég upplifði
mig ekki bara sem löggu heldur sem
félagsráðgjafa, prest og sálfræðing.
Ég var með svo marga hatta og ég
fékk bara borgað fyrir að vera með
einn hatt. Fólk var að koma heim til
manns og hringja í einkasíma manns
og það skipti ekki máli hvað klukkan
var. Þetta var gert allan sólarhring-
inn. Það var bara ekkert einkalíf.
Lögreglumenn í Reykjavík eru ekki
að lenda í þessu [...] Aðrir hafa lent í
þessu líka, eins og til dæmis læknar
og prestar. Ef þú fórst á lífið þá
varstu kominn í sálfræðiviðtal og að
svara spurningum.“
Mjúk löggæsla
í dreifbýlinu
- Óskýr mörk vinnu og einkalífs
Sigtryggur Sigtryggsson
sisi@mbl.is
Undanfarið hafa birst fréttir af
endurbótum og breytingum sem
gerðar hafa verið á eldri atvinnu- og
geymsluhúsum í Reykjavík.
Nýlega var samþykkt að breyta
Ægisgötu 7 í íbúðarhús og birtist
frétt um það í Morgunblaðinu 25.
mars síðastliðinn.
Á síðasta fundi borgarráðs var svo
samþykkt að auglýsa breytingu á
Nýlendureit sem felur í sér að
breyta öðru húsi sem stendur í
grennd við Slippinn og Gömlu höfn-
ina. Þetta er húsið Nýlendugata 14,
en framhlið þess snýr að Mýrargötu.
Margvísleg starfsemi hefur verið í
þessu húsi í gegnum árin en þekkt-
ast er það í dag fyrir veitingahúsið
Forréttabarinn, sem rekið hefur
verið þar sl. 10 ár. Myndlistarmenn
eru með vinnustofur á efri hæðum.
Tillagan að nýju deiliskipulagi
Nýlendureits er unnin af THG arki-
tektum. Helstu breytingarnar eru
þær að þaki Nýlendugötu 14 verður
snúið svo hæsti punktur þess verður
við Mýrargötu en í dag rís það hæst
Nýlendugötumegin. Þakbygging
með svölum verður heimil á lágþaki
núverandi húss. Franskar svalir
verða leyfðar á norðurhlið hússins
og venjulegar svalir sunnanmegin.
Þá verður lyftu komið fyrir í húsinu.
Húsið var byggt árið 1939
Húsið Nýlendugata 14 var reist
árið 1939 sem geymsluhús. Guð-
mundur H. Þorláksson bygginga-
meistari teiknaði húsið og fyrsti eig-
andi þess var Ingimar Þorsteinsson,
að því er fram kemur í húskönnun
Borgarsögusafns frá 2003. Húsið er í
fúnkísstíl og hefur breyst mikið frá
upphaflegri gerð. Það telst í dag
vera 826 fermetrar.
Fram kemur í húsakönnuninni að
fyrsta hús á lóðinni var timbur-
skúr, sem virtur var 1911, og Jón
Laxdal kaupmaður reisti. Í virðing-
unni árið 1915 er sagt að húsið hafi
áður verið notað fyrir fiskgeymslu
en nú sé verið að breyta því í gos-
drykkjaverksmiðju. Árið 1923 var
virt nýtt geymsluhús á lóðinni. Það
var byggt úr bindingsverki. Árið
1939 er virt ný járnsmiðja úr stein-
steypu á lóðinni. Árið 1944 fær Ingi-
mar leyfi til að byggja þrílyfta járn-
smíðavinnustofu úr steinsteypu á
lóðinni en viðbyggingin er tvær hæð-
ir með skáþaki og úr steinsteypu. Í
virðingu er viðbyggingin sögð vera
byrjun á framtíðarhúsnæði. Sama ár
voru timburskúrarnir rifnir og er því
elsta húsið á lóðinni járnsmiðjan frá
1939. Húseignin var virt á ný árið
1962 og hafði þá verið byggt ofan á
hana úr steinsteypu og er húsið allt
slétthúðað og málað utan. Í húsinu
var þá járnsmiðja og prentsmiðja.
Tveir nýir vinnusalir fyrir sælgæt-
isgerð voru þá á þakhæðinni.
Morgunblaðið/sisi
Fyrir breytingu Nýlendugata 14. Forréttabarinn er á jarðhæð og ýmis starfsemi á efri hæðum.
Forréttabarinn fær nýtt útlit
- Breytingar verða gerðar á húsi við Nýlendugötu/Mýrargötu - Franskar svalir á norðurhliðinni
Tölvumynd/THG arkitektar
Eftir breytingu Húsið verður hið glæsilegasta með frönskum gluggum á framhlið og þaksvölum.