Morgunblaðið - 06.05.2021, Qupperneq 72

ILVA Korputorgi, s: 522 4500 - www.ILVA.is
laugardaga og sunnudaga 12-18
mánudaga - föstudaga 11-18:30
Sumar
BORGIO LEGUBEKKUR + 2JA SÆTA SÓFI
Dökkgrátt polyrattan. L249 x D152 cm.
209.900 kr.Nú 167.920 kr.
VEGA HÆGINDASTÓLL
Tekk/ál Sessa og bakpúði fylgir.
74.900 kr.Nú 59.920 kr.
VEGA 2JA SÆTA SÓF
Tekk/ál Sessur og bakpúðar fylgja
128.900 kr.Nú 103.120 kr
Bor
eða Lavander stólar með málmgrind.
349.300 kr.Nú 279.440 kr.
TULIP SESSUR
40x40 cm. Ýmsir litir.
3.495 kr.Nú 2.796 kr.
20% AF SUMARVÖRUM
SÉRTILBOÐ
LÝKUR 17. MAÍ
ILVA.IS/TILBOÐ
ENIX BORÐSTOFUSTÓLL
Svört seta, svartir fætur.
9.900 kr.Nú 6.930 kr.
GLORY BEKKUR
L95 cm. Ýmsir litir.
15.900 kr.Nú 12.720 kr.
20%
30%
Síðasta höfundakvöld vorsins
verður í Norræna húsinu í kvöld
kl. 19:30 og fer fram á sænsku
að þessu sinni en umræðum
stýrir Sunna Dís Másdóttir,
skáld og meðlimur í dómnefnd
Bókmenntaverðlauna Norður-
landaráðs, og streymt verður
beint frá viðburðinum á Face-
book og á vef Norræna hússins.
Finnsk-sænski rithöfundurinn Monika Fagerholm er
höfundur kvöldsins og hefur henni verið lýst sem frum-
kvöðli í þróun sænskrar tungu og tímamótarithöfundi
sem gefi tóninn í straumum og stefnum bókmennta,
eins og segir í tilkynningu frá Norræna húsinu. Fager-
holm er einnig þekkt fyrir opinber ræðuhöld og að leið-
beina upprennandi rithöfundum. Árið 1994 sló hún í
gegn með skáldsögunni Underbara kvinnor vid vatten
og hefur síðan gefið út fjölda skáldsagna og hlotið mik-
ið lof fyrir. Hefur hún hlotið August-verðlaunin, hin nor-
rænu bókmenntaverðlaun sænsku akademíunnar og
Bókmenntaverðlaun Norðurlandaráðs.
Höfundakvöld með Fagerholm
FIMMTUDAGUR 6. MAÍ 126. DAGUR ÁRSINS 2021
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 739 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
Valskonur unnu nauman sigur á Stjörnunni, 2:1, þegar
fyrstu umferð Pepsi Max-deildar kvenna í fótbolta lauk
í gærkvöld. Litlu munaði að Garðbæingar næðu í stig í
lokin. Brenna Lovera skoraði tvö mörk fyrir Selfyssinga
sem sigruðu 3:0 í Keflavík en á Sauðárkróki munaði
minnstu að nýliðar Tindastóls fengju stig í sínum fyrsta
leik í efstu deild. Þróttarar náðu að jafna metin í 1:1 í
uppbótartíma. »62
Valskonur sluppu fyrir horn gegn
Stjörnunni á Hlíðarenda
ÍÞRÓTTIR MENNING
Steinþór Guðbjartsson
steinthor@mbl.is
Listakonan Angela Árnadóttir hefur
frá því í mars setið stíft við í bíl-
skúrnum hjá tengdaforeldrum sínum
á Saurbæ á Hvalfjarðarströnd og
málað málverk, en stefnan er að vera
með sýningu í haust. „Ég er alfarið í
olíumálverkinu og leik mér inn á milli
við að rista dúkristur,“ segir hún og
skottast með pensilinn á milli mál-
verkanna. „Ég vinn í mörgum verk-
um í einu og mér finnst gott að vera á
hreyfingu.“
Angela tók stúdentspróf af list-
námsbraut í Fjölbrautaskólanum í
Breiðholti og eftir að hafa lokið BA-
námi í kennslufræði við Háskóla Ís-
lands fór hún í nám í óperusöng í
Berlín. Fyrir nokkrum árum hóf hún
nám hjá prófessor Ute Wollmann í
myndlistarskólanum Akademie für
Malerei í Berlín og lýkur því í fjar-
námi innan skamms. „Ég hef alltaf
verið listakona og ætíð verið að leita
að mínum miðli, besta farveginum
fyrir tjáningu sem ekki verður sögð
með orðum,“ segir hún og bendir á að
hún hafi verið í dansi og ballett sem
barn. „Dansinn og tónlistin koma
mjög sterkt fram í því sem ég er að
mála, ég reyni að fanga hugarheim-
inn í gegnum myndlistina og hef
fundið rétta farveginn.“
Myndir af málverkum eftir Angelu
hafa verið til sýnis og sölu á netinu
(singulart.com) og skömmu eftir að
hún setti myndir á heimasíðu sína
(snaeland.org) var henni boðið að
halda sýningu í Wiesbaden í Þýska-
landi. „Ég sýndi þar í fyrra og auk
þess hef ég verið með sýningu í Tou-
louse í Frakklandi. Nokkrar sýningar
voru síðan fyrirhugaðar en þeim hef-
ur verið frestað eða aflýst vegna far-
aldursins.“
Náttúran eflandi
Hugurinn er frjór og Angela vinn-
ur listina út frá línunni. „Ég reyni að
formfesta líðan eða atburð, tilfinn-
ingu eða reynslu, með einfaldri línu
sem er tjáningarsterk og ég veit að
hún virkar þegar hún svarar mér.“
Um þessar mundir er hún meðal ann-
ars að mála stórt verk samkvæmt
beiðni. Hún segist hafa hitt kaupand-
ann og dóttur hennar, kynnst þeim.
„Ég reyni að fanga þá upplifun með
einföldum línum og formum.“
Íslenska náttúran hefur góð áhrif á
Angelu. „Litirnir blandast sjálfkrafa
hjá mér þegar ég er í náttúrunni. Þeir
eru allt í kringum mig; í vindinum,
loftinu, orkunni. Birtan er sérstök,
það er eins og loftið og vindurinn glói
og myndirnar eru bjartari fyrir vik-
ið.“ Hún leggur áherslu á að börnin
þeirra veiti sér líka mikla andagift.
Þau séu mjög skapandi og hún reyni
að fanga tilfinningar þeirra á strig-
anum.
Hjónin Angela og Benedikt Krist-
jánsson tenór hafa búið með þremur
börnum sínum í Berlín undanfarin ár,
en vegna kórónuveirufaraldursins
ákváðu þau að hafa samastað á Ís-
landi og hafa keypt hús á Akranesi,
sem þau fá afhent í júní. Þau hafa
enga tengingu við Akranes en stað-
urinn höfðar sterkt til þeirra og til
stendur að breyta bílskúrnum í
vinnustofu. „Hafið er allt í kring og
þarna er mikið frelsi fyrir hug-
myndir,“ segir Angela. „Það eru eng-
ir múrar heldur endalaus víðátta.“
Nafnið er komið á sýninguna,
„Næturgalinn“, og verkin verða til
eitt af öðru. „Næturgali er fugl og
maðurinn minn er söngfuglinn minn,“
útskýrir hún. „Þetta er persónuleg
tjáning, lífið, og það er svolítið galið.“
Frelsi fyrir hugmyndir
- Angela Árnadóttir undirbýr sýninguna Næturgalann
Morgunblaðið/Árni Sæberg
Fjölhæf Angela Árnadóttir vinnur í mörgum málverkum í einu.
Upplifun Angela endurspeglar hughrif í málverkum sínum.