Fréttablaðið - 27.11.2021, Blaðsíða 120

frettabladid.is
550 5000
RITSTJÓRN ritstjorn@frettabladid.is
AUGLÝSINGADEILD auglysingar@frettabladid.is
PRENTUN Torg ehf.
DREIFING Póstdreifing ehf.
dreifing@postdreifing.is
Margrétar
Kristmannsdóttur
n Bakþankar
Það er talað um ófrjósemi þegar par
hefur reynt að eignast barn í rúmt
ár án þess að þungun hafi átt sér
stað. Ófrjósemi er mun algengari en
marga grunar og eru hátt í 20% para
að takast á við þetta verkefni. Sjálf
tengist ég náið ungu pari sem er að
glíma við þetta erfiða hlutskipti, en
þau opnuðu sig á fésbókinni fyrir
stuttu um málið. Er þessi bakþanki
skrifaður með þeirra samþykki –
enda umræðan þörf.
Það sjá flestir fyrir sér lífið á
ákveðinn hátt – við menntum
okkur, hefjum sambúð og þegar
við teljum rétta tímann kominn
þá hefjast barneignir. En stundum
bara koma börnin ekki þegar við
viljum. Ungt fólk fyllist von og
eftirvæntingu í hverjum mánuði
en upplifir síðan sorg mánuð eftir
mánuð – jafnvel ár eftir ár, þegar
ljóst er að þungun hefur ekki átt sér
stað eða fósturlát orðið. Fylgikvillar
eins og þunglyndi, kvíði og skert
sjálfsmynd geta ágerst og allt þetta
álag getur reynt verulega á ungt
samband.
Sem betur fer hefur vísindum
fleygt fram og hægt er að hjálpa
mörgum til að eignast kraftaverka-
barn, en það ferli er bæði kostn-
aðarsamt og reynir ekki síður á. En
fólk sem glímir við ófrjósemi á ekki
að burðast með þetta verkefni eitt –
við eigum að vera óhrædd að ræða
ófrjósemi. Með auknum skilningi
og þekkingu á ófrjósemi aukast
líkur á utanaðkomandi stuðningi
í garð þeirra sem glíma við þetta
vandamál – stuðningi sem þetta
unga fólk þarf svo mikið á að halda.
En sterkustu skilaboðin frá þessu
unga pari eru: Aldrei spyrja fólk á
barneignaaldri hvort það ætli ekki
að drífa sig í að koma með barn! Þau
eru annaðhvort að reyna það – geta
það ekki eða langar ekki til þess. n
Ófrjósemi
©
Inter IKEA System
s B.V. 2021

As
tri
dL
in
dg
re
n
Frumsýning
4.des
borgarleikhus.is
Tryggðu þér miða