Fréttablaðið - 27.11.2021, Blaðsíða 112

ÁRMÚLI 28-30
DOMUSNOVA - SÍMI 527 1717 - WWW.DOMUSNOVA.IS
LÁTTU FAGFÓLK SELJA ÞÍNA EIGN
Leigist í heilu lagi eða hlutum. Jarðhæð hússins hentar vel sem verslun og/eða
skrifstofur. Allar skrifstofur í húsinu eru með léttum glerveggjum sem auðvelt
að breyta og aðlaga að starfsemi viðkomandi. Mjög góð hljóðvist í öllu húsinu.
Mötuneyti á jarðhæð með nýlegum tækjum. Bílastæði við húsið samtals 72.
Fasteignin er öll endurnýjuð að utan. Að innan er hún vel búin hvað varðar kerfis-
loft, loftræstikerfi, lýsingu, rafkerfi þar á meðal aðgangsstýringarkerfi og sérstök
ljósavél til að fyrirbyggja rafmagnsleysi. Ný lyfta er í húsinu og sameiginleg rými
þar á meðal stigagangar og salerni hin glæsilegustu.
Alls 2.802 m2 Leigist í heilu lagi eða hlutum
til leigu
Agnar Agnarsson
Löggiltur Fasteignasali
agnar@domusnova.is
Sími: 820 1002
Nýtt og sígilt
Maturinn á La Primavera ber
með sér þær kröfur sem Leifur
gerir til sjálfs sín. Hann hikar
ekki við að reyna eitthvað nýtt
en er um leið ófeiminn við að
tefla fram sígildum réttum, svo
sem parmaskinku á glóðuðu
brauði með geitaostasósu, car-
paccióinu sem mér finnst hvergi
betra en hjá honum, eða mila-
nese kálfinum með tagliolini og
hæfilega sterkri tómatsósu. Ég
þreytist aldrei á að borða þessa
rétti ...
Úr formála Ólafs Jóhanns
Ólafssonar
Primavera 25 er matreiðslu-
bók sem geymir uppskriftir
frá La Primavera, hinum
vinsæla veitingastað Leifs
Kolbeinssonar og fjölskyldu.
Veitingastaðurinn er í Mars-
hallhúsinu á Granda og
nýlega var opnaður La Prima-
vera-staður á fjórðu hæð í
Hörpu.
La Primavera hóf rekstur árið 1993
í Húsi verslunarinnar en árið 1996
f lutti staðurinn í Austurstræti og
var þar til ársins 2011. Árið 2017
opnaði La Primavera svo í Mar s-
hallhúsinu.
„Það eru 25 ár síðan La Primavera
opnaði í Austurstræti og kominn
tími fyrir matreiðslubók. Þess vegna
ber bókin nafnið Primavera,“ segir
Leifur. „Fyrir ansi mörgum árum
gáfum við út matreiðslubók sem
seldist upp, ég hef heyrt að setið sé
um hana hjá fornbókasölum.“
Nýja matreiðslubókin, sem fæst
á La Primavera, er fallega hönnuð af
Einari Geir Ingvarssyni og myndirn-
ar eru teknar af Ara Magg. Í bókinni
er að finna fjölmargar uppskriftir að
bragðgóðum réttum í anda þeirrar
ítölsku matreiðslu sem einkennir
La Primavera. „Við erum að gera
sömu hluti og þegar staðurinn var í
Austurstræti. Þegar við opnuðum La
Primavera hér í Marshallhúsinu þá
ákváðum við halda okkur við matar-
gerðina sem við vorum þekkt fyrir.“
Töfrar hráefnisins
Maturinn á La Primavera er einfald-
ur og bragðgóður, án allrar tilgerðar.
Hver er leyndardómurinn á bak við
þessa góðu matreiðslu? spyr blaða-
maður. „Hann er í hráefninu,“ segir
Leifur. „Fiskurinn sem við fáum er
ferskur og góður. Ekkert er valið
af handahófi heldur sérvalið. Sem
dæmi get ég tekið að við leitumst
eftir að fá vikulega burrata ost frá
Ítalíu og getum þá haft hann nýlag-
aðan. Við veljum góðar skinkur og
Ekkert valið
af handahófi
Ólafur Jóhann Ólafsson.
Leifur Kolbeins-
son stendur
vaktina á La
Primavera.
FRÉTTABLAÐIÐ/
ERNIR
Kolbrún
Bergþórsdóttir
kolbrunb
@frettabladid.is
ólífuolían er frá Toscana. Allt byggir
á gæðum og einfaldleika, eins og
ítölsk matargerð er.“ Ítölsk vín eru
svo vitanlega á boðstólum en Þorri
Hringsson skrifar kafla í bókinni
sem hefur yfirskriftina Ítalía, vín-
landið góða.
Meðal vinsælustu réttanna á La
Primavera eru kálfur milanese og
hin dásamlega parmaskinka með
geitaostasósu, tiramisu og ostakak-
an, en uppskriftin að henni kemur
frá Spáni. „Svo verður að nefna
fiskinn okkar og hina hefðbundnu
klassísku pastarétti,“ segir Leifur.
Leifur er yfirleitt alltaf sjálfur í
eldhúsinu að elda fyrir gesti. „Að
reka veitingahús er lífsstíll. Mér
líður vel í eldhúsinu. Það er gott
að finna sínu hillu í lífinu og ég var
heppinn að finna eldamennskuna,“
segir Leifur, sem byrjaði að starfa
við eldamennsku einungis 16 ára
gamall og fagnar 40 ára starfsafmæli
á næsta ári.
„Þegar ég var í síðasta bekk í gagn-
fræðaskóla, Austurbæjarskóla, feng-
um við að kynna okkur starfsgrein
í nokkra daga. Ég valdi að fræðast
um starf kokka og var í nokkra daga
uppi í Múlakaffi. Daginn eftir að ég
útskrifaðist úr gagnfræðaskóla var
ég byrjaður á samningi á Múlakaffi,
nýorðinn sextán ára.“
Hann segist hafa verið fremur
matvandur sem krakki. „Ég borð-
aði alls ekki allt, en á unglingsárum
lagði ég mikinn metnað í að ná
færni í eldamennsku og elda góðan
mat. Það veitti mér mikla ánægju
að heyra hrifningarorð þegar fólk
borðaði mat sem ég hafði eldað.“
Ólafur Jóhann skrifar formála
Spurður hvort hann eigi sér uppá-
haldsmat segir hann: „Ef ég á að vera
væminn þá er það hráefnið sem ég
er að vinna með hverju sinni. Ann-
ars er ég alæta á mat. Mér finnst
mjög gaman að búa til pasta og það
sama á við um risotto.“
Fastakúnnarnir eru margir.
Meðal þeirra er Ólafur Jóhann
Ólafsson rithöfundur, sem skrifar
formála að matreiðslubókinni. „Ég
var svo heppinn að kynnast Ólafi
þegar hann keypti hús við hliðina á
fjölskylduhúsinu á Freyjugötu sem
afi minn byggði. Alltaf þegar Ólafur
kemur heim frá New York borðar
hann hér og við höfum spjallað
mikið saman. Ég er mjög þakklátur
Ólafi fyrir að skrifa þennan formála
í bókina.“
Leifur segir viðskiptavini stað-
arins samanstanda 99 prósent
af Íslendingum. „Núna á þessum
ömurlegu tímum sem kallast Covid
er ég heppinn að svo hefur verið, því
ég hef haldið töluvert góðum fjölda
gesta. Ég er auðmjúkur og þakklátur
vegna þess hversu vel staðurinn
hefur verið sóttur.“ n
72 Lífið 27. nóvember 2021 LAUGARDAGURFRÉTTABLAÐIÐ