Heilsuvernd - 01.12.1955, Blaðsíða 40

124
HEILSUVERND
hælum, a. m. k. part úr deginum, en hælarnir eiga að vera
breiðir og sterkir.
Þeim sem ekki eru mér sammála vil ég segja þetta:
Reynið sjálf, hve miklu auðveldara það er að sveifla fót-
unum lausum fram í mjaðmarliðunum, þegar þér gangið
dálítið fött. Sömu tilfinningu fær maður við að ganga veg,
sem hallar lítið eitt niður í móti. Ég skil því vel þær konur,
sem segjast vera betri til gangs á hálfháum hælum. En
notið ekki ofháa hæla, það kemur niður á fótunum.
Þýtt úr bókinni Slapp av og bli frisk.
Súrkálsgerð.
Hvítkálshöfuð eru þvegin vandlega, og útblöð, sem óhrein-
indi sitja í, eru tekin burt. Stöngulsætið er skorið með hníf
neðan úr hverju kálhöfði, og síðan eru höfuðin söxuð mjög
smátt.
1 hreint og vatnsþétt tréílát, ker eða tunnu, sem tekur
25—50 lítra má leggja 50—100 kíló af fersku hvítkáli.
Fyrst er tunnubotninn þakinn kálblöðum í heilu lagi. Þá
kemur lag af söxuðu káli, sem dálitlu af salti og kúmeni
er blandað saman við; þessu lagi, sem á að vera 10 cm. á
þykkt, er svo þjappað vel saman með tréhnalli eða berum
höndunum, þar til vatnið pressast úr því og yfirborð þess
er jafnað. Þar á ofan kemur annað lag, sem eins er farið
með að öllu leyti, og þessu er haldið áfram, unz kerið er
fullt; þó á að skilja eftir 10 cm. bil upp að börmunum, til
þess að geta ausið vatni af kerinu, en það er annars gert
jafnótt og hvert einstakt lag hefur verið pressað. Síðasta
lagið er svo þakið heilum kálblöðum.
Ilátið er síðan látið standa í fyrstu í um það bil 20 stiga
heitri geymslu og smám saman ausið af því vatni, sem sezt
á yfirborðið. 1 kálinu myndast hæg gerjun; sykurinn í því
breytist í mjólkursýru, svo að þægilegt vínbragð kemur
af kálinu, sem ekki á að deyfa með þvotti fyrir neyzlu.
Gerjunin tekur venjulega fjórar vikur.