Heilsuvernd - 01.06.1956, Blaðsíða 17
HEILSUVERND
Guörún Hrönn Hilmarsdóttir:
‘Brauðmataruppskriitir.
(frá heilsuhœlinu í Hveragerði).
HEILHVEITITERTA:
135 gr. heilhveiti, 100 gr. smjörlíki, 2 egg, 1 teskeið lyftiduft,
100 gr. púðursykur (2 msk. rjómi), ávaxtamauk.
Smjörliki og sykur er hrært vel saman og eggjunum hrært þar
i smátt og smátt. Heilhveitinu og lyftiduftinu er blandað gætilega
i og rjómanum, cf deigið er þykkt, en honum má annars sleppa.
Kakan er bökuð i tveimur vel smurðum tertumótum við fremur
sterkan hita og lögð saman með aldinmauki og rjóma.
KRINGLA MEÐ SULTU:
600 gr. heilhveiti, 125 gr. smjörlíki, 100 gr. púðursykur, 5 dl.
mjólk, 1 tsk. kardimommur, 4 tesk. þurrger eða 40 gr. pressu-
ger, nál. 6 matsk. aldinmauk, kókosmjöl.
Heilhveiti og púðursykri er blandað saman i fati, smjörlíkið
mulið saman við og þurrgerið látið í holu í miðju fatinu og mjólk-
inni ylvolgri hrært út í, búið til þunnt deig í miðju fatinu. Látið
standa á volgum stað. Klútur hafður yfir skálinni, svo ekki mynd-
ist skán á deiginu. Þegar deigið hefur gerjast og vaxið um helming,
er það hnoðað og það heilhveiti, sem var í kring, hnoðað upp í.
Deiginu er skipt í 5 hluta og úr hverjum þeirra rúllaður sívaln-
ingur, sem siðan er flattur út með kefli. Aldinmauki sniurt eftir
lengjunni og brotið upp á barmana, svo þeir mætist. Mótuð kringla
eða hringur á plötunni og hann látinn lyfta sér á volgum stað i
15—-20 mín. Þegar kringlan hefur lyft sér, er hún smurð að ofan
með mjólk eða eggi og stráð kókosmjöli. Bökuð við meðalhita í
25—30 mín. Ivringla þessi er mjög góð. Hún getur geymzt í nokkra
daga, en þá er betra að velgja hana upp í ofni áður en hún er
notuð.
RÚGBRAUÐ:
1700 gr. rúgmjöl, 400 gr. hveitiklíð, 1 msk. þurrger, 1 Vi 1.
heitt vatn.
Framhald á bls. 62.