Heilsuvernd - 01.06.1956, Blaðsíða 18

HEILSUVERND
Gæðamat á innHuttuni malvælum
Áskorun Læknafélags Suöurlancls á heilbrigðisyfirvöldin.
Læknablaðið (10. tbl. 1955) flytur frétt af aðalfundi
Læknafélags Suðurlands, m. a. af erindi, sem Jónas Krist-
jánsson yfirlæknir heilsuhælis N. L. F. 1. í Hveragerði
flutti þar um manneldismál, og ályktun, sem fundurinn
gerði í því sambandi. Segir blaðið svo frá:
„Miklar umræður urðu um erindi Jónasar og voru menn
á einu máli um hið mikla hlutverk mataræðisins í heilsu-
farslegu uppeldi þjóðarinnar. Sérstaklega var rætt um,
hversu þýðingarmikið væri, að vel væri vandað til mat-
vælainnflutningsins, en upplýst var, að sumt af því korni,
sem flutt væri inn ómalað, væri gamalt og skemmt af langri
geymslu, t. d. spíraði ekki. Um malaða kornið væri ekki
gott að segja, en víst væri um hveitið, að það væri algerlega
bætiefnasnautt, og máske langgeymt, án þess að um það
væri vitað með vissu fyrir fram.
I sambandi við mál þetta samþykkti fundurinn eftirfar-
andi ályktun til heilbrigðisstjórnarinnar í landinu:
„AÖálfundur Lœknafélags Suðurlands ályktar, að gefnu
tilefni, að skora á heilbrigðisyfirvöldin í landinu, að gera
ráðstafanir til þess að tryggja að gæðamat fari fram á inn-
fluttum matvælum, sérstáklega kornmat, möluðum eða
ómöluðum, þar sem eigi aðeins væri tekið tillit til þroska
kornsins, heldur og áldurs, geymsluaðferða og íblöndunar
annarlegra efna til að auka geymsluþol eða fegra útlit.“
Fréttir af félagsdeildum, gjöfum og áheitum verða að bíða næsta
heftis.