Heilsuvernd - 01.12.1972, Blaðsíða 12

framfarir og háþróaða menningu, að hægt sé að fullnægja þessum
skilyrðum. Þar eru mörg ljón á veginum: Langir flutningar,
geymsla matvæla, mengun í láði, legi og lofti. En þeim mun brýnni
er nauðsyn þess, að við kostum kapps um að afla okkur náttúr-
legrar fæðu í sem ríkustum mæli.
(Lauslega þýtt úr Let’s Live)
Heimsmet í langlífi
í 3. hefti Heilsuverndar 1971 er sagt frá elzta manni í heimi,
Rússanum Sjirali Muslimov, sem er fæddur í marz 1805 og er
því nú orðinn 167 ára. Mörg erlend blöð og tímarit hafa skýrt frá
þessum háa aldri, og í nýju hefti af ameríska tímaritinu „Let’s
Live“ er honum helguð grein með ýmsum fróðlegum upplýsingum.
Sjirali hefir alið allan hinn langa aldur sinn í einu syðsta fylki
Rússlands, Azerbaijan, sem liggur við Kaspíahaf. íbúar eru þar
um hálf fimmta milljón af ýmsu þjóðerni. Sjirali berst stöðugt
f jöldi bréfa, frá mönnum, sem óska eftir upplýsingum um langlífi
hans og heilsu. Svar hans er einfalt: Lykillinn að þessum leyndar-
dómi er vinna, ferskt fjallaloft og hófsemi í mat og drykk. „Ég
er aldrei að flýta mér, ég hefi unnið í 150 ár og ætla að halda
því áfram.“
Hann er hraustlegur að sjá og glaður í bragði. Hann fer á
fætur í dögun til vinnu í aldingarðinum, og hann hirðir kindur
sínar og tekur sér langar göngur við og við, og ennþá fer hann
á hestbak. Hann er neyzlugrannur, borðar aðallega aldin, græn-
meti og mjólkurmat, drekkur aldrei sterka áfenga drykki og
reykir ekki. Kona hans er 98 ára.
Sjirali hefir aldrei orðið misdægurt. Hann hefir þó þrisvar farið
í læknisrannsókn, og púls og blóðþrýstingur reyndust eins og hjá
manni á bezta aldri. Þessar rannsóknir hafa farið fram í rann-
sóknarstofnun í höfuðborginni Baku. Þar er skrá yfir aldur fólks
í ýmsum héruðum landsins. í sumum byggðarlögum er einn af
172
HEILSUVERND