Heilsuvernd - 01.12.1972, Blaðsíða 17

Sápa f stólpípum
Oft verður þess vart, að bæði læknar og hjúkrunarkonur hafi
andúð á notkun stólpípu við tregum hægðum og telji þær skaðlegar
fyrir þarmana. Þetta óorð, sem stólpípan hefir fengið á sig, mun
að einhverju leyti stafa af því, að venja hefir verið að setja sápu
saman við stólpípuvatni-ð. í nýútkominni bók um tregar hægðir,
ritaðri af brezkum læknum, er talið mjög varhugavert að hella
sápuvatni inn í ristilinn, og það af eftirgreindum ástæðum:
1. Sápuvatnið dregur til sín vatn út úr æðakerfinu, og af því
getur leitt m.a. hlutfallslega aukningu á kalíum í blóðinu með lífs-
hættulegum afleiðingum.
2. Ofnæmisútbrot á húð eru ekki sjaldgæf eftir stólpípur með
sápu, og jafnvel hættuleg lost.
3. Sápan skaddar slímhúðir ristilsins, ekki sízt ef sápuvatnið
skilst ekki út samstundis, en oft vill nokkur hluti þess sitja eftir,
og þessar skemmdir geta orðið hinar alvarlegustu. BLJ
Öldrykkja skemmir lifrina
Sænskir læknar hafa nýlega gert rannsókn á nokkrum stúdent-
um til að ganga úr skugga um áhrif hófsamlegrar öldrykkju á
lifur og blóð. Stúdentarnir drukku fjórar flöskur af áfengu öli á
dag, eina í senn með nokkru millibili, þannig að þeir fundu aldrei
til áfengisáhrifa. Eftir tvær vikur voru komin greinileg merki
um aukna fitu í lifur hjá tveimur af átta stúdentum, sem gengust
undir þessa rannsókn, og eftir fimm vikur hjá öðrum þremur í
viðbót. Svipaðar rannsóknir hafa leitt í ljós aukningu á fitu í
blóði eftir fárra daga ölneyzlu í álíka magni. „Að þessu leyti stafar
meiri hætta af daglegri áfengisneyzlu heldur en ef sjaldnar er
drukkið og meira í einu“, segir einn læknirinn.
Fitulifur — en svo er það kallað, þegar fita sezt í lifrarfrum-
urnar — er ekki fyllilega starfhæf, og eftir langvarandi áfengis-
neyzlu breytist hún oft í skorpulifur, sem getur dregi-ð sjúklinginn
til dauða. (Halsa)
HEILSUVERND
177