Heilsuvernd - 01.12.1972, Blaðsíða 21
PÁLlNA H. KJARTANSDÖTTIR
HÚSMÆÐRAKENNARI
[^Uppskriftir
j
Sojabuff
3 dl soðin hýðishrísgrjón 400 g sojabaunir
125 g sveppir iy2 dl brauðmylsna
2—3 tsk. Eto-súpuduft 1 laukur
Sjóða baunir og hrísgrjón sitt í hvoru lagi; saxa sveppi og lauk
fínt og látið krauma í feiti. Þegar baunir og grjón eru soðin, er
öllu blandað saman og mótaðar buffkökur, sem eru steiktar í olíu.
Borið fram með brúnuðum lauk, sveppasósu og kartöflum.
Laukbúðingur
8 laukar 1 y2 dl hýðishrísgrjón
100 g sveppir 4 matsk. matarolía
2—3 tsk. Eto-súpukraftur 2 matsk. rifinn ostur
Eldfast mót er smurt innan, laukarnir afhýddir og þeim raðað
í mótið, matarolían sett í og þetta látið krauma. Hrísgrjónin eru
soðin í vatni, þar til þau eru meyr, og bragðbætt með Eto. Svepp-
irnir eru saxaðir og blandað saman við hrísgrjónin, sem þjappað
er á milli laukanna, og yfir það er settur rifni osturinn og rjómi.
Haft í 250 stiga heitum ofni, þar til osturinn er bráðnaður, og má
hann fá aðeins brúnan blæ.
Hrátt eplakrem
750 g epli 1 I vatn
1 matsk. hunang 4 matsk. kartöflumjöl
Sítrónusafi
Eplin eru afhýdd og kjarnahúsin tekin úr, eplunum velt upp úr
sítrónusafa ,svo að þau dökkni ekki. Hýði og kjarnahús eru soðin
í 10 mín., síðan síuð frá, suðan látin koma upp aftur og jafnað
með kartöflumjölinu, hunanginu bætt í, látið rjúka og þeytt á
meðan. Eplin eru rifin niður og sett saman við. Borið fram með
mjólk, rjómablandi eða vanillusósu.
HEILSUVERND
181