Heilsuvernd - 01.12.1972, Blaðsíða 20

þeirri mengun heíir \erið haldið uppi baráttu með þeim árangri,
að lagt hefir verið bann við henni og verksmiðjum fyrirskipað
að sía úrganginn frá í stórum safngryfjum. Og nú hefir það
komið í ljós, að í þessum úrgangi eru gnægðir efna, þar á meðal
snefilefna, sem jurtirnar þarfnast sér til vaxtar, auk þess sem
þau örva rnjög bakteríulíf í moldinni og hækka jarðvegshitann.
í úrganginum eru engin efni, sem skaðað geta jurtirnar, og kunn-
áttumenn á sviði lífrænnar ræktunar í Þýzkalandi, Noregi og
Svíþjóð mæia með notkun þessara úrgangsefna til áburðar. Vænt-
anlega verða þau einnig á boðstólum hér á landi, áður en langir
tímar líða. Ættu þeir, sem fást við ræktun grænmetis og mat-
jurta, ekki að láta undir höfuð leggjast að verða sér úti um þau.
Á það skal bent, að góð áburðarefni er hægt að finna víðar en
á þurru landi. Óvíða er meiri fjölbreytni nauðsynlegra áburðar-
efna en í þangi og þara, sem hafa inni að halda milli 60 og 80
frumefni, sem jurtirnar þarfnast, og í góðum innbyrðis hlutföllum.
Menn skyldu því ekki vanrækja að hagnýta sér þessar jurtir til
áburðar, þar sem greiður aðgangur er að þeim. Fjölbreytni í
vali áburðartegunda er æskileg og sjálfsögð, tryggir meiri og betri
uppskeru, sterkari varnarmátt jurtanna gegn sjúkdómum og
sníkjudýrum og heilnæmari næringu til handa dýrum og mönnum.
NOTKUN FÚKKALYFJA ORSÖK MUNNANGURS
í grein eftir enskan lækni í „Fréttabréfi um heilbrigðismál“ er
frá því skýrt, að notkun fúkkalyfja (þ.e. pensillíns og fleiri
bakteríueyðandi lyfja), geti valdið þruskusmitun, þ.e. munnangri.
Verður það með þeim hætti, að lyfin drepa vissa gerla, sem halda
þruskusveppunum í skefjum með efnum, sem þeir gefa frá sér.
Og fólk á stórum pensillínskömmtum getur jafnvel fengið þrusku
í lungun, sem getur orðið alvarleg og jafnvel lífshættuleg. Þruskan
getur líka farið í meltingarfærin, vegna þess að þar raskast eðli-
legur gerlagróður, þannig að af hljótast meltingarsjúkdómar.
Þá er þess einnig getið í greininni, að þruskusýking í leggöngum
stafi stundum af notkun hormónlyfja og getnaðarvarnapilla, veld-
ur þá útferð og getur verið allsmitandi og breiðst út, t.d. í heima-
vistarskólum.
180
HEILSUVERND