Strandapósturinn - 01.06.1967, Blaðsíða 45

inn í heim horfinna daga, og vona ég, að blessaður gamli maður-
inn misvirði ekki við mig, þótt ég endursegi hér þætti úr frásögn
hans.
Reykjarfjörður gengur í vestur frá Húnaflóa. Umhverfi hans
eru svimhá, rismikil fjöll. Hvergi sjást þar breiðar gróðurlendur,
svo þeirra hluta vegna geti þar til góðsveita talizt. Grýttar fjörur
og illa gróin klif eru með sjó fram og víða torfært nokkuð. Yzta
útnes norðan fjarðarins kallast Gjögurshlein. Innan við hleinina
stendur lítið þorp, Gjögur. Fyrr á tímum var þaðan mikil út-
gerð hákarlaskipa, og var þangað víða til sótt. Þótti ungum mönn-
um þeirrar tíðar vegur sinn mjög hafa vaxið, ef þeir gátu
sagt frá því, að þeir hefðu stundað hákarlaveiðar frá Gjögri.
Upp frá botni Reykjarfjarðar liggur lítill, skeifumyndaður
dalur inn milli fjallanna. Undirlendi hans er vel gróið og norður-
hlíðin vaxin lyngi og lágvöxnu kjarri. „Blánar þar af berjum
hvert ár börnum og hröfnum að leik“, eins og í kvæðinu stendur,
þó þar sé um annan stað kveðið. Skammt út með firðinum að
sunnan er dálítil vík, og upp frá henni sléttar grundir og sund,
en efra rísa háir hjallar og fell suður með Trékyllisheiði. Víkin
er kölluð Kjósarvík, og stendur bærinn Kjós á hæð sunnan
víkurinnar skammt frá sjónum.
Fyrir 76 árum bjuggu hér foreldrar Gísla Guðmundssonar.
Guðmundur Pálsson og Guðríður Jónsdóttir. Bærinn í Kjós var
reistur að þeirra tíma hætti, úr efni, sem íslenzkar aðstæður
veittu. Sterklegir viðir dregnir af fjörum, en torf og grjót tekið
úr mýrardrögum og stuðlabergshömrum og þurfti hvergi langt
til að sækja. Baðstofan var loftbaðstofa, fjögur stafgólf. Tveir
gluggar voru á þekju, en einn á stafni þeim er til norðurs vissi.
Búr var undir lofti og þar moldargólf. Engin var upphitun í
bænum eða eldstó önnur en hlóð þau er við matseld voru notuð.
Mundi sennilega mörg kjúkan köld, ef hún ætti að búa við þann
kost í þeim húsum, sem nú eru reist frá grunni. Hér fæddist og
ólst upp Gísli Guðmundsson. Minnist hann þess þó hvergi, að
hafa liðið vegna bæjarkulda, enda voru þar 30 manns á heimili
og hinn íslenzki efniviður góð vöm gegn frosti og hretviðrum,
þar sem vel var til vandað.
43