Strandapósturinn - 01.06.1972, Qupperneq 46

Brynjóljur Sœmundsson:
Þankar
( utanaflandi)
/í fjarri strönd við firði og yzta haf
er fámenn byggð en smátt að greina af,
þótt margt sé bjástrað, barizt um og gert,
sem blöðum landsins finnst ei annálsvert.
Því lengst í suðri ráðast lýðsins ráð,
með reiknivél um framtíðina er spáð.
Á hœrri stöðum hrekkur enginn við
þó heldur fœkki sérvitringa lið,
sem býr við mörk hins byggilega heims,
þó bjarmi af nýrri öld, hins víða geims.
Það sýnist ekki sverfa að landi nauð
þó sveit á nyrztu ströndum vœri auð.
Þeir œpa hæst um áttliaga og tryggð
sem yfirgáfu fyrstir sína byggð.
En fœru þeir að flytja aftur heim
mér fyndist hœgt að taka mark á þeim.
Það virðist lítið megna mœrðarhjal,
en manndóm þarf til hvers sem gera skal.
Það bíður okkar allra að vinna verk
að vandamálum hyggja, djörf og sterk.
Það œtti hver að velja mark og mið
og minnast alls sem þarf að glíma við.
Við þurfum öll að standa sterkan vörð
um ströndina okkar, dalinn, vík og fjörð.
44