Strandapósturinn - 01.06.1972, Side 88

Magnús Gunnlaugsson:
Góukvæði
Nótt breiðir húmtjöld á húsanna fjöld
á himninum stjörnurnar glóa.
Ennþá er konungur Vetur við völd
og við honum brosir nú Góa.
Hún strýkur um vanga hans mjúkhent og mild.
svo mörgu ei þarf hann að kvíða.
Það gleður hann aðeins að fá hennar fylgd
í fögnuði tíminn mun líða.
í þrjátíu daga um fannir og fjöll
hann frúna við hönd sér mun leiða
og byggja sér vonanna björtustu höll
og bros fram á vör hennar seiða.
En mánuði síðar er œfi hans öll
að fer þá sumarið bjarta
með blómgaðar hlíðar og brosandi völl
og barnslega gleði í hjarta.
Nú göngum við saman á gæfunnar stund
og gleðin mun huga vorn yngja.
í kvöld eru allir svo léttir í lund
og langar að dansa og syngja.
86