Strandapósturinn - 01.06.1991, Qupperneq 105

Guðmundur G. Jónsson
Munaðarnesi:
REKAFERÐ
Guðjón heitinn Guðmundsson, hreppstjóri á Eyri, verður þeim
sent hann þekktu eftirminnilegur á margan hátt. Hann var bæði í
orðurn og í athöfnum svo frábrugðinn sínum samferðamönnum,
að um hann má segja eins og stundum er sagt, að hann hafi
bundið bagga sína öðruvísi hnútum en flestir aðrir.
Sjálfur kynntist ég honum ekki að ráði fyrr en hann var kominn
á efri ár, þó er mér margt minnistætt um hann. Til dæmis fór ég
margar rekaviðarferðir með honurn norður í Skjaldabjarnarvík
og Drangavík, og urðu þær ferðir sumar hverjar ógleymanlegar.
Þá var venjulega farið á mótorbát og tekið mikið af rekavið.
Ekki var farið í þessar ferðir nema sjór væri ládauður en það gat
þó brugðist, þegar á staðinn var komið, því það brimar oft ótrú-
lega fljótt og gat þá verið erfitt að fást við rekaviðinn. En margt
skemmtilegt gerðist samt í þessum ferðum. Sú ferð sem ég ætla að
segja hér frá var með nokkru öðru sniði. Það hefur líklega verið
vorið 1967 sem sú ferð var farin. Það var seinnipart dags snemma í
júní að Guðjón hringdi í mig og segist vera í nokkrum vandræð-
um. Hann þurfi að komast norður í Drangavík til að huga að
æðarvarpi þar. Eins langi sig að gá á rekann. En það sé nú svo að
103