Strandapósturinn - 01.06.1991, Side 120

um og Þorbjörgu konu hans. Þann vetur var ég ráðinn í skipsrúm
vestur í Arnardal hjá Asgeiri Kristjánssyni. Andrés bróðir minn
átti þá heima í Bæ á Selströnd. Hann var búinn að vera til sjós
margar vertíðir og þetta vor hafði hann ráðið sig á fiskiskipið
Rasilíu frá ísafirði, eign Ásgeirs Ásgeirssonar stórkaupmanns.
Andrés þurfti að vera kominn vestur fyrir páska. Sammæltumst
við um að leggja af stað sunnudaginn fyrir pálmasunnudag.
Við Iögðum af stað frá Sunndal að aflíðandi nóni yfir Sunndals-
háls að Bassastöðum. Hafís var á Steingrímsfirði og gengurn við
beint frá Bassastöðum inn fjörðinn á Stakkaneshólma. Færð var
mjög slæm. Fórum við að Hólum um kvöldið og gistum þar hjá
Magnúsi Steingrímssyni og Kristínu konu hans. Áttum við þar
ágæta nótt. Um kvöldið varð tíðrætt um að slæm færð væri frarn
Staðardalinn og sagði Magnús okkur þá að hann færi oft neðan
Hólatagls og upp á Kálfafell. Þaðan á snið í suður á heiðarveginn,
væri þar venjulega betri færð og vegalengdin mikið styttri. Þessi
leið væri auðrötuð í björtu veðri en aftur á móti væri hún vandröt-
uð í þoku eða kafaldi, því vegvísir væri þar enginn. Magnús sagði
okkur að þegar við kæmum á Kálfafell ættum við í björtu veðri að
sjá suður heiðarveginn á Steingrímsfjarðarheiði. Ef dimma væri
þegar við kæmum vestur á Kálfafellið skyldum við snúa aftur, en
ekki leggja á heiðina. Okkur fannst þetta mjög freistandi og
afréðum að fara þá leið ef veður leyfði. Sváfurn við svo af um
nóttina.
Morguninn eftir var loft þungbúið en kafaldslaust. Lögðum við
svo af stað neðan Hólatagls. Þegar við vorum trúlega komnir upp
fyrir brúnina gerði dimmt él, héldum við þó áfram því við bjugg-
umst við að aftur myndi birta sem og líka varð. Elið birti og við
héldum ótrauðir áfram, en bráðlega dimmdi aftur, vorum við þá
norðan til við fellið. Héldum við svo upp fellið en það skipti þá
engum togum að þegar við erum komnir upp á háfellið er komin
hlaðningsdrífa lognhæg. Við bjuggumst við að aftur rnyndi birta
og kom okkur saman urn að halda áfram.
Tókum við nú stefnu að því er við héldum í suðvesturátt.
Gengum við svo langa stund án þess nokkuð birti. Örlítið kul var
118