Hinsegin dagar í Reykjavík - 01.08.2021, Blaðsíða 43

Hinsegin dagar í Reykjavík - 01.08.2021, Blaðsíða 43
ÖRVIÐTAL Nafn, fornafn, aldur? Felix Bergsson, hann, 54 ára. Hver er þín fyrsta hinsegin minning? Ég man að þegar talað var um homma þegar ég var barn að aldri lækkuðu menn alltaf róminn og fóru að hvísla. Svo sagði einhver stundarhátt: „Æ þetta vesalings fólk.“ Ég held að þetta hafi verið eitt af því sem varð til þess að maður var lengi að sætta sig við kynhneigðina. Ég vildi ekki vera „vesalings fólk“. Svo man ég mjög vel eftir mömmuleikjum með vinum mínum þegar ég hef verið 5-6 ára. Ég vildi alltaf vera mamman og taka á móti pabbanum þegar hann kom heim úr vinnunni með faðmlögum og kossum. Hver er þín helsta hinsegin fyrirmynd? Ég er mjög hrifinn af baráttufólki eins og Peter Tatchell, en hann er Ástrali sem hefur unnið gríðarmikið og óeigingjarnt starf að mannréttindamálum í Bretlandi og um heim allan. Annars sæki ég mínar fyrirmyndir fyrst og fremst í hugrakka vini mína og félaga um heim allan sem þora að standa upp og vera þau sem þau eru þrátt fyrir allar þær hindranir sem verða í vegi, bæði í einkalífi en eins á opinberum vettvangi. Hvað gleymdist að segja þér þegar þú varst ungmenni? Að njóta þess að vera ungur, njóta þess að vera frjáls í námi og festa ekki ráð mitt of snemma, ferðast um heiminn, kynnast mismunandi menningarheimum og eignast vini alls staðar. Já og það gleymdist að segja mér hvað það væri æðislegt að vera samkynhneigður. Eiginlega forréttindi. Hvernig myndir þú vilja hafa elliheimilið? Geggjað skemmtilegt, opið, með góðum mat og drykk (kampavíni), skemmtilegum hinsegin vinum og almennri gleði. Helst myndi ég vilja að Jón Þór Þorleifsson og Eva María og Birna Glimmer yrðu þar líka til að halda partýinu gangandi. Hvernig viltu taka þátt í hinsegin samfélaginu? Ég vil fyrst og fremst vera til staðar til stuðnings góðum málum. Ég vil halda áfram að segja söguna okkar til að tryggja að hún gleymist ekki. Þannig getum við best haldið áfram veginn til mikilvægrar framtíðar þar sem fjölbreytileikinn nýtur skilnings og kemur öllum í heiminum til góða. GLÆNÝ HÝRYRÐI! Texti: Bjarndís Helga Tómasdóttir, hún, 39 ára Árið 2020 blésu Samtökin ´78, í samstarfi við Stofnun Árna Magnússonar, til hýryrðakeppni. Markmiðið var að eignast fleiri orð til þess að við getum öll tjáð okkur um veruleika okkar á íslensku. Sérstaklega var óskað eftir tillögum að kynhlutlausum orðum í stað mágkona/mágur, strákur/stelpa og ekkja/ekkill. Í dómnefnd Hýryrða 2020 sátu Alda Villiljós, Ágústa Þorbergsdóttir, Eiríkur Rögnvaldsson, Ugla Stefanía Kristjönudóttir Jónsdóttir, Valgerður Hirst Baldurs og Þorbjörg Þorvaldsdóttir. Hér má sjá þau orð sem urðu fyrir valinu ásamt rökstuðningi dómnefndar. Kvár (sbr. kona, karl) Dómnefnd var sammála um að orðið kvár væri heppilegast sem ókyngreint nafnorð um fullvaxta manneskju. Orðið hefur þegar hlotið nokkra útbreiðslu meðal hinsegin fólks, en er þó ekki nema nokkurra mánaða gamalt. Orðasmiður er Hrafnsunna Celeste Ross. Stálp (sbr. stelpa, strákur) Orðið stálp er heppilegt að því leyti að það tengist lýsingarorðinu stálpaður og hljómar því kunnuglega ásamt því að byrja á st- líkt og bæði strákur og stelpa. Auk þess hefur orðið -á- líkt og strákur, og -lp- líkt og stelpa. Dómnefnd var sammála um að gagnsæi þessa orðs gæti orðið til þess að það næði útbreiðslu auðveldlega. Orðasmiður er Inga Auðbjörg Straumland. Mágkvár (sbr. mágkona, mágur) og svilkvár (sbr. svilkona, svili) Fyrir frændsemisorðin sem hefjast á mág- og svil- fannst dómnefnd liggja beint við að skeyta aftan við nafnorðinu kvár, en þessi orðmyndun kom einnig fram í tillögum þátttakenda. Þessi aðferð gæti jafnframt reynst vel fyrir fleiri orð í framhaldinu, þá sérstaklega þar sem seinni hluti samsetts orðs er -kona og/eða -maður. Orðasmiður er Regn Sólmundur Evu. Fengið af síðu Samtakanna ´78 Við fögnum þessum frábæru orðum og aukinni notkun þeirra í daglegu tali; þau eru alveg örugglega komin til að vera. Það hafa líka heyrst nýjar og skemmtilegar útgáfur af samsettum orðum, til dæmis þegar Ugla Stefanía var fundarstjóri á aðalfundi Samtakanna ´78 í mars síðastliðnum. Þar stýrði hún kosningu í gegnum Zoom þar sem fundargestir voru beðnir um að kjósa með „broskvári“ í stað „broskalls“. Er hugsanlegt að þess sé ekki langt að bíða þar til almenningur í landinu velur kynhlutlaus orð við hvert tækifæri? 43
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76

x

Hinsegin dagar í Reykjavík

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Hinsegin dagar í Reykjavík
https://timarit.is/publication/1512

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.