Morgunblaðið - 16.09.2021, Side 2

2 FRÉTTIR
Innlent
MORGUNBLAÐIÐ FIMMTUDAGUR 16. SEPTEMBER 2021
Bi
rt
m
eð
fy
rir
va
ra
um
pr
en
tv
ill
ur
.H
ei
m
sf
er
ði
rá
sk
ilj
a
sé
rr
ét
tt
il
le
ið
ré
tti
ng
a
á
sl
ík
u.
A
595 1000
Porto
At
h.
t 4. nóvember í 3 nætur
Verð frá kr.
99.900
Helgarferð til
66.900
Flug báðar leiðir frá
Flugsæti
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Sigurður Bogi Sævarsson
sbs@mbl.is
Bæjaryfirvöld í Garðabæ hafa sam-
þykkt umsókn Trés lífsins ses. um að
mega byggja allt að allt að 1.500 m2
byggingu á stórri
lóð norðan við Víf-
ilsstaðavatn, þar
sem verður bál-
stofa og bygging
með salarkynnum
fyrir tilefni á borð
við skírnir, hjóna-
vígslur og slíkt.
Einnig verður á
annarri hæð
kyrrðar- og hug-
leiðslurými með
360° útsýni yfir sjóndeildarhringinn
og höfuðborgarsvæðið með sýn til
fjalla og hafs.
Nærri fyrirhugaðri byggingu, sem
verður í svonefndum Rjúpnadal,
verður minningagarður þar sem fólk
getur sett ösku ástvina sinna í mold
og gróðursett tré sem vex upp til
minningar um hin látnu. Hvert tré
verður merkt rafrænt og tengt minn-
ingasíðu þess sem undir því hvílir.
„Hugmyndir okkar um starfsemi
og mannvirki eru komnar í gegnum
bæði aðal- og deiliskipulag í Garða-
bæ svo við höldum ótrauð áfram,“
segir Sigríður Bylgja Sigurjóns-
dóttir, stofnandi og forsvarsmaður
Trés lífsins, í samtali við Morgun-
blaðið.
Efnt verður til hönnunarsam-
keppni meðal arkitekta um útlitið á
fyrirhugaðri byggingu í Rjúpnadal.
Húsið á að vera umhverfisvænt, um-
vefjandi, hannað fyrir fjölbreytta
starfsemi og með fallegt yfirbragð.
Verður óháð trúar- og lífsskoð-
unarfélögum en opið öllum. Í bál-
stofu Trés lífsins í fyrirhuguðum
byggingum í Rjúpnadal verður
keyptur líkbrennsluofn frá þýsku
fyrirtæki sem hefur lengi framleitt
slík tæki. „Við höfum fylgst með þró-
un þessara mála og heimsótt eina
bálstofu í Hollandi. Við munum geta
annað þeirri miklu fjölgun bálfara
sem fyrirséð er á næstu árum og ára-
tugum. Líklega tökum við við hlut-
verki bálstofunnar í Fossvogi sem er
orðin gömul og lúin, enda hefur hún
verið í starfsemi síðan árið 1948. Á
ofninum okkar verður líka fullkom-
inn mengunarvarna- og hreinsibún-
aður til að fyrirbyggja alla mengun,“
segir Sigríður Bylgja.
Framsýni í Garðabæ
Forsvarsmenn Trés lífsins hafa átt
í viðræðum við fulltrúa dómsmála-
ráðuneytsins um minningagarð, en
lagabreytingar þarf til svo slíka staði
megi útbúa víðar en við bálstofuna
sem fyrirhuguð er í Rjúpnadal. Vitað
er um áhuga í nokkrum sveitar-
félögum annars staðar á landinu á að
þar verði útbúnir slíkir garðar.
„Við höfum verið í sambandi við
dómsmálaráðuneytið vegna þessara
mála og bíðum nú eftir samþykki
sýslumanns til að taka næstu skref í
verkefninu. Yfirvöld í Garðabæ hafa
tekið mjög vel í verkefnið og eru
greinilega mjög framsýn í þróun
þessara mála,“ segir Sigríður Bylgja.
Áframhald undirbúnings nú velti á
því hvenær öll tilskilin leyfi séu í
hendi, en vænst sé að bygging og
minningagarður verði tilbúin eftir
þrjú til fimm ár.
Gefa grænt ljós á bálstofu í Rjúpnadal
- Tré lífsins - Hús á hæðinni - Minn-
ingagarður öskunnar - Líkbrennsla
Rjúpnadalur Bygging Trés lífsins verður á hæðinni og á græna blettinum.
Sigríður Bylgja
Sigurjónsdóttir
Veronika Steinunn Magnúsdóttir
veronika@mbl.is
„Það er óásættanlegt að allt skóla-
starf í Fossvoginum fari ekki fram
lengur þar, eða megnið af því,“ seg-
ir Valgerður Sigurðardóttir,
borgarfulltrúi Sjálfstæðisflokks.
Börn í Fossvogsskóla stunda nú
nám tímabundið í skúrum við skól-
ann meðan á framkvæmdum stend-
ur en að öðru leyti þurfa foreldrar
að leita í önnur hverfi til þess að
börnin geti stundað nám.
Öll starfsemi leikskólans Kvista-
borgar færist tímabundið í húsnæði
Safamýrarskóla frá og með þriðju-
deginum vegna myglu- og raka-
skemmda.
„Ég myndi vilja fara í allsherjar-
uppbyggingu á Kvistaborg og færa
leikskólann í nútímahorf,“ segir
hún og bætir við að kostnaðarmat á
framkvæmdunum liggi ekki fyrir.
„Ég hefði viljað sjá kostnaðarmat
á framkvæmdum vegna myglunnar
sem er komin upp núna og hvað það
kostar okkur að uppfæra skólann
og nútímavæða hann,“ segir hún og
bætir við að ekki liggi heldur nein
kostnaðaráætlun fyrir hvað varðar
Fossvogsskóla.
Myglan kom fyrst upp 2017
Mygla kom upp í húsnæði Kvista-
borgar fyrst árið 2017 og var þá
ráðist í endurbætur á húsnæðinu en
árið 2020 vaknaði á ný grunur um
myglu í húsnæðinu og hafði leik-
skólastjóri því sjálfur samband við
verkfræðistofu og óskaði eftir sýna-
tökum, líkt og Valgerður rakti í
grein sinni í apríl á þessu ári.
„Um mitt sumar 2020 greinist
mygla eftir sýnatöku sem leikskóla-
stjórinn óskaði eftir. Hins vegar þar
sem niðurstöðurnar voru sendar
beint til Reykjavíkurborgar var
leikskólastjórinn ekki upplýstur um
niðurstöðurnar fyrr en í mars
2021,“ rekur Valgerður í greininni.
Ráðist verður í framkvæmdir á
húsnæðinu en vonast er til að skóla-
starfið færist aftur í Fossvogsdal-
inn fyrir jól.
Finnst þér líklegt að það gangi
eftir?
„Ég er hrædd um að það verði
ekki gerð nægilega góð úttekt á
skólanum,“ segir hún en slík var
raunin í Fossvogsskóla og árið
2017, þegar fyrst kom upp mygla í
Kvistaborg. „Sporin hræða þegar
myglumál eru annars vegar í
Reykjavík,“ segir Valgerður að lok-
um.
Morgunblaðið/Eggert
Safamýrarskóli Starfsemi Kvistaborgar verður flutt í Safamýrarskóla.
Skólastarf í Fossvoginum
í lamasessi vegna myglu
- Starfsemi Kvistaborgar færð í Safamýrarskóla
Tveir kvikmyndaleikstjórar munu
hljóta heiðursverðlaun Alþjóðlegrar
kvikmyndahátíðar í Reykjavík, RIFF,
þau Joachim Trier frá Noregi og Mia
Hansen-Löve frá Frakklandi. Verð-
launin hljóta þau fyrir framúrskar-
andi listræna sýn og verða þau veitt af
forseta Íslands, Guðna Th. Jóhann-
essyni, við hátíðlega athöfn á Bessa-
stöðum á setningardegi hátíðarinnar,
30. september. Sama dag taka leik-
stjórarnir þátt í meistaraspjalli í
Gamla bíói.
Í tilkynningu frá RIFF segir að
Trier og Hansen séu með áhugaverð-
ustu og eftirsóttustu ungu leikstjórum
samtímans en bæði sýndu þau nýjar
kvikmyndir sínar á kvikmyndahá-
tíðnni í Cannes í sumar. Trier frum-
sýndi Verstu manneskju í heimi, Ver-
dens verste menneske og verður sú
opnunarmynd RIFF í ár. Hansen-
Löve frumsýndi Bergmaneyju, Berg-
man Island, og hlaut hún góðar við-
tökur líkt og kvikmynd Trier.
Trier nam kvikmyndagerð í Dan-
mörku og Bretlandi og er fyrstu
tveimur kvikmyndum hans í fullri
lengd, Reprise (2006) og Ósló 31.
ágúst (2011), lýst sem klassískum
raunsæissögum af ungu fólki á kross-
götum. Fyrsta kvikmynd hans á
ensku var Louder Than Bombs
(2015). Hansen-Løve nam leiklist og
starfaði sem gagnrýnandi áður en
hún gerðist leikstjóri. Hefur hún gert
sjö kvikmyndir í fullri lengd og hlotið
bæði lof og verðlaun fyrir þær.
Kvikmyndir hennar eru sagðar
persónulegar og blanda því sjálfs-
ævisögulega og skáldaða saman á
merkilegan máta.
Trier og Hansen
heiðruð á RIFF
- Áhugaverðir ungir leikstjórar
Joachim Trier Mia Hansen
26 kórónuveirusmit greindust innan-
lands á þriðjudag. Innanlandssmit
voru 29 sólarhringinn þar áður.
Átján voru í sóttkví við greiningu og
greindust því 8 utan sóttkvíar.
Helmingur smitaðra reyndist full-
bólusettur eða þrettán og hinn helm-
ingurinn óbólusettur.
Nú eru 336 í einangrun með veir-
una, 773 eru í sóttkví og 377 í skim-
unarsóttkví.
Sex eru inniliggjandi á Landspít-
alanum með Covid-19, fjórir á bráða-
legudeildum og tveir á gjörgæslu og
í öndunarvél.
Unglingsdrengur á spítala
Unglingsdrengur liggur nú á
Landspítala eftir að hafa sýkst af
Covid-19-sjúkdómnum. Þetta er í
fyrsta sinn frá upphafi faraldursins
sem barn hefur verið lagt inn á spít-
ala hérlendis vegna veirunnar. Í
samtali við mbl.is segir Valtýr Stef-
án Thors, læknir á Barnaspítala
Hringsins, að líðan drengsins sé
stöðug og ekki sé útlit fyrir að hann
þurfi langa innlögn eins og staðan er
núna.
Segir hann tilfellið leiðinlegt en þó
hafi verið viðbúið að einhvern tíma í
faraldrinum myndi barn leggjast inn
á spítala vegna veirunnar. „Þetta er
eitthvað sem mátti alveg búast við
að myndi gerast fyrr eða síðar, við
höfum svona verið að bíða eftir
þessu. Þetta kom í sjálfu sér ekkert
endilega á óvart,“ segir Valtýr.
rebekka@mbl.is
26 smit greindust á þriðjudag
og sex liggja á Landspítala
- Unglingsdrengur á sjúkrahúsi en líðan hans stöðug