Morgunblaðið - 16.09.2021, Blaðsíða 14

Kristín Heiða Kristinsdóttir
khk@mbl.is
Þ
etta skrifaði sig nánast sjálft,
því efniviðurinn er svo góð-
ur,“ segir Berglind Þor-
steinsdóttir, safnstjóri í
Glaumbæ í Skagafirði, en hún sá um
að skrifa texta í barnabók sem
Byggðasafn Skagfirðinga gefur út.
Franski listamaðurinn Jérémy Pailler
sá um myndskreytingu og bókin, sem
heitir Sumardagur í Glaumbæ, er
söguleg saga þar sem segir frá einum
degi í lífi barna á prestssetrinu
Glaumbæ í Skagafirði.
„Aðalpersónan í bókinni er Siggi
litli, sonur vinnufólks á bæn-
um, og Jóhanna vinkona
hans, en hún er barnabarn
prestsins, séra Jóns. Þetta
eru því raunverulegar per-
sónur á bak við söguna og
hundurinn Ysja fylgir þeim
Sigga og Jóhönnu þegar þau
hitta áhugavert fólk. Þar á meðal
er Myllu-Kobbi, en hann er ótrúleg
persóna sem var til. Jakob Jónsson
hét hann og var þekktur förumaður
hér í Skagafirði. Hann var alltaf á
ferðinni með systur sinni Rönku og
bar hana gjarnan á bakinu. Myllu-
Kobbi var mjög sérkennileg persóna,
hann var alltaf með þrjá hatta á höfði
og var grálúsugur. Til er
ljósmynd af Myllu-Kobba
og einnig eru til góðar lýs-
ingar á honum, fyrir vikið
var dásamlegt fyrir Jéré-
my að túlka hann í teikn-
ingum sínum,“ segir Berg-
lind sem fann aðra föru-
konu í raunheimum til að
hafa í sögunni, sú heitir Ropa-Katrín.
„Hún var úr Fljótunum en fór á
milli bæja í Skagafirðinum og ropaði
mikið og hátt. Hún bað alltaf um kaffi
því hún sagði kaffisopa það eina sem
lagaði ropann. Þetta eru skemmti-
legar manneskjur úr raunheimum og
við notumst við setningar sem hafðar
eru eftir þeim,“ segir Berglind og bæt-
ir við að ein sérkennileg persóna í við-
bót sé í sögunni, en hún bjó í
Glaumbæ.
„Þetta var skapstygg próventu-
kerling sem var svo þreytt á hama-
ganginum í skólastrákunum að einn
morguninn gusaði hún úr hlandkoppn-
um sínum yfir strákana. Allt frá því
hefur herbergið þar sem hún svaf ver-
ið kallað Gusa. Efniviðurinn er frábær
hér í Glaumbæ til að búa til skemmti-
lega barnabók og við kynnum í bók-
inni fyrir krökkum
ýmislegt sem ekki
tíðkast lengur,
eins og til dæmis
leggjabú barna.“
Jérémy heill-
aðist af gamla
torfbænum
Berglind
segir að hinn
franski Jérémy
sé mikilvirkur
myndlistarmaður
sem vinni að ólík-
ustu verkefnum,
meðal annars hafi
hann unnið fyrir
Disney.
„Hann hef-
ur komið þrisvar
áður til að
starfa á Íslandi
og hann er
gjörsamlega
heillaður af
landi og þjóð.
Hann tók þátt í verk-
efni í Kakalaskála,
sem er sögu- og
listasýning hér í
sveitinni, þegar
þangað komu 13 alþjóðlegir listamenn
sem dvöldu í listbúðum í skálanum og
unnu að sýningu um sögu Þórðar ka-
kala. Þar sem tengdaforeldrar mínir
standa fyrir því framtaki, María Guð-
mundsdóttir og Sigurður Hansen, var
ég mikið í kringum listafólkið og
kynntist þeim vel. Ég bauð þeim í
Glaumbæ og þá heillaðist Jérémy af
torfbænum og hann fékk þessa hug-
mynd strax að vinna verkefni með
okkur og safninu. Við tókum því vel og
hugmyndin þróaðist og varð að þess-
ari barnabók sem fjallar um lífið í torf-
bænum,“ segir Berglind og bætir við
að bókin sé gefin út á fjórum tungu-
málum, íslensku, ensku, frönsku og
þýsku.
„Hún er ríkulega myndskreytt
og gaman að geta kynnt menn-
ingararfinn okkar í gegnum
þessa bók. Þetta er ekki ein-
vörðungu barnabók, hún er
fyrir alla fjölskylduna og til-
valin gjöf til erlendra vina eða
fyrir ferðamenn til að taka með sér
heim eftir dvöl á Íslandi. Við erum að
skipuleggja listsýningu út frá mynd-
verkunum sem verða til sýnis í
Glaumbæ núna um helgina. Við er-
um með hugmyndir um
að vinna með þessa bók
í safnkennslu, taka á
móti hópum skólabarna
hér á safninu og leiða
þau í gegnum
Glaumbæ út
frá myndum
og fram-
vindu í bók-
inni. Þannig
geta krakk-
arnir
fengið
þetta beint í æð.“
Skapstygg
próventukerl-
ing bjó hér
Í torfbænum Glaumbæ í Skagafirði bjó áhugavert fólk
á seinni hluta 19. aldar, líka krakkar. Þar áttu Myllu-
Kobbi og Ropa-Katrín leið um, skondnar manneskjur
sem koma fyrir í barnabókinni Sumardagur í Glaum–
bæ, en henni er ætlað er að veita innsýn í líf og störf
barna á árum áður frá sjónarhóli barns.
Samvinna Jérémy og Berglind saman í gamla bænum á prestsetrinu í Glaumbæ í Skagafirði.
Förufólk Myllu-Kobbi með Rönku systur sína á bakinu, hér í túlkun Jérémy.
Fúl Skap-
stygga
próventu-
kerlingin.
14 DAGLEGT LÍF
MORGUNBLAÐIÐ FIMMTUDAGUR 16. SEPTEMBER 2021
Greiðsluáskorun
Innheimtumenn ríkissjóðs skora hér með á gjaldendur eftirtalinna
gjalda að gera skil nú þegar eða í síðasta lagi innan 15 daga
frá dagsetningu áskorunar þessarar
Gjöldin eru: Staðgreiðsla tekjuskatts, útsvars og tryggingagjalds sem fallið hefur í
eindaga til og með 15. september 2021, virðisaukaskattur sem fallið hefur í eindaga til og
með 6. september 2021 og önnur gjaldfallin álögð gjöld og ógreiddar hækkanir er fallið
hafa í eindaga til og með 15. september 2021, á staðgreiðslu tekjuskatts, útsvars og
tryggingagjalds, virðisaukaskatti, virðisaukaskatti í tolli, vanskilum launagreiðenda á gjöldum
í og utan staðgreiðslu, fjármagnstekjuskatti á skilaskylda aðila, áfengisgjaldi, bifreiðagjaldi,
úrvinnslugjaldi, olíugjaldi, kílómetragjaldi, gistináttaskatti, fjársýsluskatti, vinnueftirlitsgjaldi,
vörugjaldi af innlendri framleiðslu, vörugjaldi af ökutækjum, eftirlitsgjöldum, árgjöldum,
aðflutningsgjöldum, skilagjaldi á umbúðir, fasteignagjöldum, skipulagsgjaldi, skipagjöldum,
jarðarafgjaldi, sektum skattrannsóknarstjóra, ofgreiddri uppbót á eftirlaun, ofgreiðslu
stuðnings úr ríkissjóði vegna greiðslu hluta launakostnaðar á uppsagnarfresti, eftirlitsgjaldi
Fjármálaeftirlitsins, árgjaldi handhafa markaðsleyfis, veiðigjaldi og álögðum þing- og
sveitarsjóðsgjöldum, sem eru:
Tekjuskattur og útsvar ásamt álagi á ógreiddan tekjuskatt og útsvar, útvarpsgjald,
gjald í framkvæmdasjóð aldraðra, slysatryggingagjald vegna heimilisstarfa,
auðlegðarskattur og viðbótar auðlegðarskattur, fjármagnstekjuskattur ásamt álagi á
ógreiddan fjármagnstekjuskatt, ógreiddur tekjuskattur af reiknuðu endurgjaldi ásamt
álagi, búnaðargjald, sérstakur fjársýsluskattur, sérstakur skattur á fjármálafyrirtæki,
jöfnunargjald alþjónustu, ofgreiddar barnabætur og ofgreiddar vaxtabætur.
Fjárnáms verður krafist án frekari fyrirvara að þeim tíma liðnum fyrir vangoldnum eftirstöðvum
gjaldanna ásamt dráttarvöxtum og öllum kostnaði, sem af innheimtu skuldarinnar kann að
leiða, á kostnað gjaldenda.
Athygli skal vakin á því að auk óþæginda hefur fjárnám í för með sér verulegan kostnað fyrir
gjaldanda. Fjárnámsgjald í ríkissjóð er allt að 25.000 kr. fyrir hvert fjárnám. Þinglýsingargjald
er 2.500 kr. auk útlagðs kostnaðar eftir atvikum. Eru gjaldendur hvattir til að gera full skil sem
fyrst til að forðast óþægindi og kostnað.
Þá mega þeir gjaldendur, sem skulda staðgreiðslu, staðgreiðslu tryggingagjalds, vörugjald,
afdreginn fjármagnstekjuskatt, áfengisgjald, fjársýsluskatt, gistináttaskatt og virðisaukaskatt,
búast við því að starfsemi þeirra verði stöðvuð án frekari fyrirvara, þeir gjaldendur er skulda
bifreiðagjöld og kílómetragjald mega eiga von á að skráningarnúmer verði tekin af ökutækjum
þeirra án frekari fyrirvara og þeir gjaldendur sem skulda gjöld þar sem lögveð fylgir mega
búast við að send verð út sérstök greiðsluáskorun fyrir gjaldföllnum kröfum. Greiðsluáskorunin
hefur ekki áhrif á þessi innheimtuúrræði þannig að fyrrgreindur 15 daga frestur frá dagsetningu
áskorunar þessarar gildir ekki í þessum tilvikum.
Reykjavík, 16. september 2021
Ríkisskattstjóri
Sýslumaðurinn á Vesturlandi
Sýslumaðurinn á Vestfjörðum
Sýslumaðurinn á Norðurlandi vestra
Sýslumaðurinn á Norðurlandi eystra
Sýslumaðurinn á Austurlandi
Sýslumaðurinn á Suðurlandi
Sýslumaðurinn í Vestmannaeyjum
Sýslumaðurinn á Suðurnesjum