Morgunblaðið - 30.09.2021, Qupperneq 4

4 FRÉTTIR
Innlent
MORGUNBLAÐIÐ FIMMTUDAGUR 30. SEPTEMBER 2021
SKÍÐAFRÍ Á ÍTALÍU
ÚRVAL ÚTSÝN HLÍÐASMÁRI 19, 201 KÓPAVOGUR SÍMI 585-4000 INFO@UU.IS
SKÍÐAFRÍ 2022
Nú er tími á að bóka skíðaferðina eftir áramót.
Madonna er einn þekktasti skíðabær Ítalíu sem
er fallegt fjallaþorp í ríflega 1500 metra hæð yfir
sjávarmáli. Þessi þúsund manna bær státar af
fjölbreyttu skíðasvæði við allra hæfi, fallegum
hótelum, glæsilegum veitingastöðum, verslunum
og fallegu umhverfi.
Kláfur tengir skíðasvæðin Pinzolo og Madonna
svo auðvelt er að nýta sér bæði skíðasvæðin.
Innifalið, flug, gisting, flutningur á skíðabúnaði,
íslensk fararstjórn og innritaður farangur
BEINT FLUG VIKULEGA Á LAUGARDÖGUM
Í JANÚAR OG FEBRÚAR
VERÐ FRÁ:138.900 KR.
á mann m.v. tvo fullorðna og tvö börn í tvíbýli með hálfu fæði
SKÍÐI
2022PINZOLO EÐAMADONNA
ÍSLENSK
FARARSTJÓRN OG
FLUTNINGUR Á
SKÍÐABÚNAÐI
INNIFALIÐ Í VERÐI
22 kórónuveirusmit greindust inn-
anlands sl. þriðjudag. Þar af voru
tíu þeirra sem greindust í sóttkví.
Þetta kemur fram á Covid.is.
Í gær lágu átta sjúklingar á
Landspítala vegna Covid-19-
sjúkdómsins, þar af eitt barn. Á
bráðalegudeildum spítalans voru
sex. Á gjörgæslu var einn sjúkling-
ur, ekki í öndunarvél.
351 sjúklingur, þar af 125 börn,
voru á Covid-göngudeild spítalans.
Alls voru 349 í einangrun á þriðju-
dag, sex færri en daginn áður. 874
voru í sóttkví, sem er fjölgun um 19
á milli daga.
Á höfuðborgarsvæðinu voru 257 í
einangrun, en daginn áður voru þeir
þremur fleiri. Næstflestir voru í ein-
angrun á Suðurlandi, eða 27 manns.
14 daga nýgengi á hverja 100.000
íbúa innanlands var 114.
150
125
100
75
50
25
0
júlí ágúst september
Staðfest smit
7 daga meðaltal
H
ei
m
ild
:c
ov
id
.is
kl
.1
1.
0
0
íg
æ
r
22 ný innan-
landssmit
greindust sl. sólarhring
874 einstaklingar
eru í sóttkví
Fjöldi innanlands-
smita frá 12. júlí
553 eru í
skimunarsóttkví349 eru með virkt smit
og í einangrun
8 einstaklingar eru á sjúkrahúsi,
þar af einn á gjörgæslu
22 veirusmit og helm-
ingur fólks í sóttkví
- Átta lágu á Landspítalanum í gær
Stjórn Sjóvár sendi í gær frá sér
yfirlýsingu í kjölfar yfirlýsingar
frá Félagi íslenskra bifreiðaeig-
enda, vegna áforma Sjóvár um að
greiða hluthöfum 2,5 milljarða
króna í tengslum við hlutafjár-
hækkun félagsins.
Í yfirlýsingu frá Sjóvá segir að
undanfarna daga og vikur hafi
borið á endurteknum og villandi
fullyrðingum um rekstur vátrygg-
ingafélaga, meðferð iðgjalda öku-
tækjatrygginga og meðferð eigin
fjár tryggingafélaga þeirra.
„Rekstur vátryggingafélaga
kallar á langtímahugsun. Þeim er
ætlað að bæta tjón vátryggingar-
hafa og til að geta staðið við
skuldbindingar sínar verða félög-
in að hafa fjárhagslega burði til
þess. Tryggingafélög reyna að
gæta þess að iðgjöld standi undir
því tjóni sem verður á venjulegu
ári,“ segir í yfirlýsingunni.
Benda á endurgreiðslur
Þá er tekið fram að iðgjöld hafi
vissulega hækkað en sömuleiðis
hafi greiðslur vegna tjóna gert
það. „Síðustu 18 mánuði hefur
Sjóvá greitt rúma 20 milljarða
vegna tjóna viðskiptavina sinna.
Það er því rangt að iðgjöld séu,
eða hafi verið oftekin. Það er
mjög villandi að horfa eingöngu á
afkomu tryggingafélaganna árið
2020, þegar tjón voru í sögulegu
lágmarki vegna Covid-19-
faraldursins.“
Sjóvá segist hafa lengi verð-
launað þá tryggingataka sem ekki
lenda í tjóni með endurgreiðslu
iðgjalda og á síðustu átján mán-
uðum hefur Sjóvá endurgreitt
sínum viðskiptavinum 2,1 milljarð
í gegnum stofnendurgreiðslu og
með niðurfellingu iðgjalda í maí
2020, þegar fyrirséð var að tjón-
um á ökutækjum myndi fækka
verulega vegna samdráttar í um-
ferð.
Sjóvá vís-
ar gagn-
rýni á bug
- Svara FÍB um ið-
gjöld og arðgreiðslur
BAKSVIÐ
Andrés Magnússon
andres@mbl.is
Alþingi er mikill vandi á höndum
vegna mistaka við talningu atkvæða í
Norðvesturkjördæmi, sem leiddu til
þess að vafi leikur á um kjör jöfn-
unarmanna í kosningunum um liðna
helgi. Við blasir að þar stóð yfirkjör-
stjórn kjördæmisins sig ekki í stykk-
inu, en einnig hefur fram komið að
sum framboðanna stóðu ekki að eft-
irliti með kosningunni svo sem ætlast
er til. Af þeim sökum tekur nú við
langt og flókið ferli til þess að úr-
skurða um hvernig kosningin verði
leidd til lykta og hverjir teljist rétt
kjörnir á Alþingi.
Í gær greindi Kristín Edwald, for-
maður landskjörstjórnar, frá því að
landsstjórn myndi flýta störfum sín-
um og kæmi saman þegar klukkan
fjögur á morgun, föstudag, til þess að
úthluta þingsætum og gefa út kjör-
bréf til þingmanna. Kristín sagði
þetta hafa verið ákvörðun landskjör-
stjórnar: „Við sáum enga ástæðu til
þess að tefja ferlið.“
Deginum áður bókaði landskjör-
stjórn að henni hafi ekki borist stað-
festing frá yfirkjörstjórn Norðvest-
urkjördæmis um að meðferð
kjörgagna hefði verið fullnægjandi.
Alþingi tekur við málinu
Þegar kjörbréf hafa verið gefin út
getur Alþingi hafið ferli til þess að
skipa bráðabirgðakjörbréfanefnd til
þess að fara yfir gögn málsins og búa
það í hendur eiginlegrar kjörbréfa-
nefndar, sem Alþingi kýs þegar það
kemur saman.
Willum Þór Þórsson, starfandi for-
seti Alþingis, mun óska eftir því við
þingflokka að þeir tilnefni menn í
bráðabirgðakjörbréfanefnd, en hún
er skipuð níu fulltrúum, sem skiptast
eftir réttum hlutföllum á Alþingi auk
áheyrnarfulltrúa frá minni flokkum.
Hún mun svo hefja vinnu við und-
irbúning mála fyrir þingsetningu,
fara yfir gögn frá Landskjörstjórn,
yfirkjörstjórnum kjördæma og þær
kærur sem kunna að berast. Sem
kunnugt er hafa nokkrar slíkar þegar
verið boðaðar.
Willum sagði í gær, að það væri
„óhyggilegt“ að skipa jöfnunarsætis-
þingmenn í undirbúningskjörbréfa-
nefnd Alþingis og að þingið verði ekki
kallað saman í neinum flýti.
Samkvæmt stjórnarskrá þarf for-
seti að stefna þinginu saman innan
við 10 vikum frá kosningum, svo ekk-
ert liggur á í þeim efnum og í raun til
lítils að kalla þing saman fyrr en búið
er að mynda ríkisstjórn og línur skýr-
ast um nefndir þingsins. Nema auð-
vitað vegna þessa vandræðamáls í
Norðvesturkjördæmi, sem hefur
áhrif í fjölda annarra kjördæma að
auki. Viðbúið er því að um leið og
kjörbréf hafa verið út gefin muni
Katrín Jakobsdóttir beina því til for-
seta að kalla þingið saman, sem hann
gerir bréflega til nýkjörinna þing-
manna. Eftir því sem næst verður
komist hefur þó engin ákvörðun verið
tekin um það enn eða rætt með nein-
um hætti.
Alþingi dómari í eigin sök
Mörgum þykir einkennilegt að Al-
þingi fjalli sjálft um hvort þingmenn
séu rétt kjörnir, en þannig er það nú
samt, beinlínis til þess að verja þingið
fyrir afskiptum annarra greina rík-
isins, framkvæmdarvalds og dóms-
valds. Samkvæmt 46. gr. stjórnar-
skrárinnar sker „Alþingi […] sjálft
úr, hvort þingmenn þess séu löglega
kosnir, svo og úr því hvort þingmaður
hafi misst kjörgengi.“ 1. grein þing-
skapa, laga um starfshætti Alþingis,
fjallar um það, en þar segir að á
„fyrsta fundi þingsins eftir kosningar
til Alþingis skal kjósa níu þingmenn í
nefnd eftir reglum 68. gr. til þess að
prófa kjörbréf og kosningu nýkjör-
inna þingmanna og varaþingmanna.“
Á þingsetningardegi verður því hin
eiginlega kjörbréfanefnd kosin og
tekur hún við þeirri vinnu, sem
bráðabirgðanefndin hefur innt af
hendi. Þegar kjörbréfanefndin hefur
lokið störfum gerir hún tillögu til
þingsins, þar sem atkvæðagreiðsla
ræður niðurstöðunni um gildi kjör-
bréfa og þar með kosninganna.
Oftast er allt klárt á þingsetning-
ardegi og bráðabirgðanefndin búin að
vinna alla undirbúningsvinnu, þannig
að mál ganga jafnan mjög hratt og
snurðulaust fyrir sig á þingsetningar-
degi. Ekki víst að sú verði raunin nú.
Eins er enn óljóst hve mikla vinnu
bráðabirgðakjörbréfanefnd þarf að
leggja í rannsókn sína að þessu sinni.
Yfirleitt hefur þurft til þess nokkra
fundi, jafnvel þótt álitamálin séu
smærri en nú.
Niðurstaðan óljós
Það eitt, að landskjörstjórn hafi
bókað að ekki liggi fyrir staðfesting á
réttri meðferð kjörgagna í Norðvest-
urkjördæmi, felur þó ekki í sér neina
forsendu um að kosningin sé ógild, því
við mat á því þarf einnig að taka af-
stöðu til þess hvort að frávik frá lög-
um og reglum þar að lútandi hafi haft
áhrif á niðurstöður kosninganna.
Markmið lagaákvæða um úthlutun
jöfnunarsæta er að sjá til þess að
flokkar á Alþingi fái fulltrúa til sam-
ræmis við heildarfjölda atkvæða
þeirra, þannig að atkvæðin nýtist í
öðrum kjördæmum en þau voru
greidd. Í þessu tilviki riðlast hlutföll
flokka ekkert, heldur hvaða frambjóð-
endur viðkomandi flokka nái inn á
þing með þeim hætti.
Það mætti því vel rökstyðja að
kosningin ætti einfaldlega að standa,
enda gæti uppkosning í kjördæmi fal-
ið í sér fleiri vandræði, sérstaklega ef
kjörsókn yrði allt önnur, úrslitin mjög
á aðra lund og þar fram eftir götum,
sem jafnframt hefði áhrif í öðrum
kjördæmum, þar sem ekki væri kosið
aftur.
Eftir sem áður getur Alþingi auð-
vitað úrskurðað kosninguna í Norð-
vesturkjördæmi ógilda, svo þá þarf að
láta uppkosningu fara fram, að kosið
verði að nýju um sömu lista, og skal sú
kosning fara fram ekki síðar en mán-
uði eftir ógildinguna.
Flókið ferli fram undan
vegna talningarinnar
- Landskjörstjórn gefur út kjörbréf á morgun - Alþingi kemur til skjalanna
Morgunblaðið/Unnur Karen
Kosningar Innsiglaðir kjörkassar í Smáralind bíða örlaga sinna.