Morgunblaðið - 30.09.2021, Blaðsíða 26

26 FRÉTTIR
Innlent
MORGUNBLAÐIÐ FIMMTUDAGUR 30. SEPTEMBER 2021
Sigtryggur Sigtryggsson
sisi@mbl.is
Vertíð farþega- og skemmti-
ferðaskipa er lokið á þessu sumri.
Síðasta skipið, Quest, lét úr höfn í
Reykjavík á mánudagskvöldið, áleið-
is til Bergen í Noregi.
Heimsfaraldur kórónuveirunnar
hefur sem kunnugt er haft gríðarleg
áhrif á siglingar farþegaskipa um
heimshöfin. Hvert risaskipið á fætur
öðru kom að Skarfabakka á sumrin
og hafnarsvæðið iðaði af lífi. En
þetta breyttist snarlega og sumarið
2020 kom ekkert stórt skemmti-
ferðaskip til Reykjavíkur. Nokkur
skip, sem kalla má meðalstór, komu í
sumar en fá tækifæri gáfust til að
mynda tvö slík skip samtímis við
Skarfabakka. Meðfylgjandi mynd
var tekin fyrr í mánuðinum þegar
tvö skip voru samtímis í höfn, Mar-
ella Explorer II, 72.458 brúttótonn,
og Viking Jupiter, 47.842 brúttó-
tonn.
Sumarið 2019 var sett nýtt met í
komum farþega/skemmtiferðaskipa
til Reykjavíkur. Alls voru skipakom-
ur 190 og fjöldi farþega 188.630.
Sumarið 2020 varð algjört hrun þeg-
ar skipakomur voru sjö og farþegar
aðeins 1.346. Þetta var hvorki meira
né minna en 99% samdráttur.
Heldur hefur ræst úr í sumar og
11. september sl. voru skipakomur
orðnar 58 og farþegafjöldinn 32.067.
Fyrir sumarið 2020 er horfurnar
góðar. Alls er bókuð 181 skipakoma
með 210.432 farþega. Þessar bókanir
miðast við væntingar skipafélag-
anna og margt getur breyst á næstu
mánuðum eins og dæmin sanna.
Þreföldun leiðangursskipa
Af þessum skipakomum er áætlað
að 98 verði með farþegaskipti og far-
þegatalan er 51.022. Þetta er þre-
földun leiðangursskipa frá árinu
2019, ef allt gengur eftir.
Af bókuðum skipakomum næsta
sumar eru aðeins 15 bókanir skipa
sem eru stærri en 100 þúsund
brúttótonn. Erna Kristjánsdóttir,
markaðsstjóri Faxaflóahafna, metur
það svo að skipafélögin fari hægt í
sakirnar og fikri sig áfram. Risa-
skipum gæti því fjölgað ef þróun
heimsfaraldursins verður hagstæð.
Fjölgun leiðangursskipa kallar á
breyttar þarfir fyrir afgreiðslu far-
þega og farangurs og á fundi stjórn-
ar Faxaflóahafna í sumar kynnti
Magnús Þór Ásmundsson hafnar-
stjóri hugmyndir um uppbyggingu á
aðstöðu. Var hafnarstjóra falið að
mynda starfshóp sem greina mun
þarfir og gera tillögur.
Magnús sagði í samtali við Morg-
unblaðið nýlega að gert væri ráð fyr-
ir að Faxaflóahafnir þyrftu að anna
skipum með allt að 3.000 farþegum
með þessum hætti. Til að sinna því
samkvæmt stöðlum og öryggis-
kröfum sem gerðar eru kalli það á
aðstöðu til að meðhöndla farangur,
svo sem skönnun á farangri,
geymslu og flutning.
Einnig þarf að vera aðstaða til að
skanna farþegana sjálfa, s.s. með
málmleitartækjum. Í farvatninu eru
síðan auknar kröfur um landamæra-
eftirlit sem aðstaða þarf að vera til
að sinna, bæði með sjálfvirkum og
handvirkum hætti.
Morgunblaðið/Eggert
Sundahöfn Það var sjaldgæf sjón í sumar að sjá tvö farþegaskip liggja samtímis við Skarfabakka. Ef þóun heimsfaraldurs verður hagstæð ættu risaskipin að sjást í Sundahöfn á ný næsta sumar.
Koma risaskipin næsta sumar?
- Vertíð farþega- og skemmtiferðaskipa lokið á þessu sumri - Þróun heimsfaraldurs skiptir máli
Notaðir bílar
Meira úrval á
notadir.benni.is
Bílabúð Benna | Krókhálsi 9 | Reykjavík | 590 2035
Birt með fyrirvara um mynda- og textabrengl. * Tökum aðeins 1 bíl uppí hvern nýlegan notaðan bíl. **Forsendur: 7 ára lán hjá Lykli. Útborgun 500.000 kr.
SsangYong Tivoli Xlv Hlx ‘18, sjálfskiptur,
ekinn60 þús. km. Verð: 3.490.000 kr.
Hyundai Tucson Classic ‘18, Sjálfskiptur,
ekinn 129 þús. km. Verð: 3.490.000 kr.
Nissan Qashqai Acenta ‘20, sjálfskiptur,
ekinn 47 þús.km. Verð: 4.490.000 kr.
800414 446423 591802
SsangYong Korando Dlx ‘18, sjálfskiptur,
ekinn 76 þús.km. Verð: 3.390.000 kr.
8001624x4
4x4
4x4
4x4
Verð ....................................... 3.490.000 kr.
Innborgað ............................. 500.000 kr.
Eftirstöðvar .......................... 2.990.000 kr.
Afborgun á mánuði ............ 46.653 kr.**
Gott úrval notaðra jeppa
Einnig tökum við gamla bílinn uppí valda bíla fyrir 500.000 kr.*