Morgunblaðið - 30.09.2021, Blaðsíða 38

arfsmannafatnaður
rir hótel og veitingahús
Höfðabakka 9, 110 Reykjavík | Sími 561 9200 | www.eddaehf.is
Hótelrúmföt kristin@run.is | Starfsmannafatnaður thorhildur@run.is
Hótelrúmföt
Sérhæfum okkur í sölu á rúmfatnaði
og öðru líni fyrir hótel
Hafið samband við okkar frábæra starfsfólk og fáið nánari upplýsingar
Eigum allt fyrir:
• Þjóninn
• Kokkinn
• Gestamóttökuna
• Þernuna
• Hótelstjórnandann
Njótum
haustsins
38 UMRÆÐAN
MORGUNBLAÐIÐ FIMMTUDAGUR 30. SEPTEMBER 2021
Sýningaropnun laugardaginn
2. október kl. 14 Opið virka daga
10–18,
laugardaga 12–16
Lokað á sunnudögum
SOSSA
Tvær sýningar í
Gallerí Fold
Bergmál hugans
2.-23. október
RUNE
MOLNES
Entropy
2.-17. október
Fyrir nokkru fór
ég með bílinn minn í
skoðun svo sem skylt
var. Ég fékk smá-
vægilega athugasemd
um nauðsynlega við-
gerð, enda bíllinn
orðinn 23 ára gamall.
Skoðunin gekk greið-
lega, svo að ég gisk-
aði á að hún hefði
varla tekið meira en
10 mínútur. Það kom
mér því á óvart að reikningurinn
skyldi hljóða upp á 11.812 krónur.
Hafði ég þó fengið 20% afslátt sem
eldri borgari. Fullt gjald hefði ver-
ið kr. 13.890. Tveimur dögum síðar
fór ég með bíl eiginkonu minnar í
skoðun. Hann fékk engar at-
hugasemdir, enda nokkru yngri og
lítið ekinn. Gjaldið var hið sama og
áður. Skoðunarmaður var ekki sá
sami og í fyrra skiptið. Í þetta sinn
tók ég tímann. Reyndist hann vera
tæpar níu mínútur.
Þetta vekur til nokkurrar um-
hugsunar um gjaldið. Segjum að
meðalskoðun taki 15 mínútur, ríf-
lega áætlað, þannig að fjórar skoð-
anir náist á klukkustund. Það
merkir að klukkutímagjaldið er
hátt í 60 þúsund krónur. Nú er
það mín reynsla og annarra sem
ég hef spurt, að klukkutímagjald á
bifreiðaverkstæði sé varla meira
en 20 þúsund. Gjaldið
fyrir skoðun er því
þrisvar sinnum hærra.
Í þessu sambandi er
fróðlegt að rifja upp
hvernig skoð-
unargjaldið hefur
breyst í áranna rás.
Árið 1989 var gjaldið
kr. 1.900. Árið 1995
var það kr. 2.910.
Gjaldið nú er 13.890
eins og fyrr er sagt.
Hækkunin frá 1989 til
1995 samsvaraði nokk-
urn veginn hækkun framfærslu-
vísitölunnar á þessum árum.
Hækkunin eftir 1995 er hins vegar
tvöfalt meiri en hækkun vísitöl-
unnar. Þetta vekur þá spurningu
hvað hafi breyst eftir 1995. Því er
auðsvarað. Árið 1997 var skoðunin
færð frá ríkinu til einkaaðila. Sú
breyting hefur orðið bifreiðaeig-
endum dýrkeypt. Hafi menn von-
ast til þess að samkeppni þrýsti
verðinu niður hefur sú von ekki
ræst.
Fáein orð um
bifreiðaskoðun
Eftir Þorstein
Sæmundsson
Þorsteinn
Sæmundsson
»Hækkun skoðunar-
gjalds er tvöfalt
meiri en hækkun vísi-
tölu
Höfundur er stjörnufræðingur.
halo@hi.is
Versnandi ástand á
veginum sunnan
Múlaganganna, sem
grafin voru allt of ut-
arlega, vekur spurn-
ingar um hvort stríðið
við aurskriðurnar,
snjóflóðin og grjót-
hrunið á þessari leið
við utanverðan Eyja-
fjörð sé tapað. Síð-
ustu 10 árin hafa
snjóflóðin sunnan ein-
breiðu slysagildr-
unnar verið til vand-
ræða, í meira en 90
skipti. Fullvíst er tal-
ið að Vegagerðin hafi
beðið ósigur í stríðinu
við náttúruöflin, sem
hafa fyrir löngu unnið
kapphlaupið og gert
íbúum Dalvíkur og
Fjallabyggðar lífið
leitt.
Fyrrverandi yf-
irmaður samgöngu-
mála, Kristján Lárus, skal svara
því afdráttarlaust hvort hann láti
sér það í léttu rúmi liggja að nátt-
úruöflin geti árið um kring gripið
inn í og svipt íbúa Fjallabyggðar
öllu aðgengi að farþega- og
sjúkrafluginu þegar veginum
sunnan Múlaganganna er ekki
treystandi þvert á allar veðurspár.
Á þessari leið og vestan einbreiðu
Strákaganganna versnar ástandið
alla mánuði ársins nógu mikið til
að einangrun Fjallabyggðar við
landsbyggðina verði aldrei stöðvuð
næstu áratugina, á meðan þing-
menn Norðaustur- og Norðvest-
urkjördæma taka misheppnaða
fjármögnun Vaðlaheiðarganga
fram yfir tvíbreið jarðgöng undir
Siglufjarðarskarð og 1-2 km norð-
an Dalvíkur.
Fyrr mun nýja sveitarfélagið
norðan Lágheiðar einangrast við
bæði kjördæmin á meðan þessi
göng eru ekki í sjónmáli næstu
fjóra áratugina. Allir þingmenn
Norðausturkjördæmis skulu
kynna sér þörfina á því að Siglu-
fjarðarflugvelli verði strax komið
í viðunandi ástand ef Fjallabyggð
einangrast næstu áratugina við
landsbyggðina. Í apríl 2014 lagði
Kristján L. Möller fram fyr-
irspurn á Alþingi um undirbún-
ingsrannsóknir á gangagerð milli
Fljóta og Siglufjarðar, án þess að
svör fengjust frá Hönnu Birnu
Kristjánsdóttir þáverandi innan-
ríkisráðherra. Á sama tíma höfðu
Ólafsfirðingar, Siglfirðingar og
Fljótamenn miklar áhyggjur af
versnandi ástandi í Almenn-
ingum.
Enn bíða göngin undir Siglu-
fjarðarskarð þegar hættan á ein-
angrun Fjallabyggðar við bæði
kjördæmin eykst með hverjum
degi sem líður. Fyrrverandi bæj-
arstjóri Kópavogs og áður þing-
maður Reykjaneskjördæmis,
Gunnar Ingi Birgisson, sem tók
við starfi bæjarstjóra Fjallabyggð-
ar, barðist árangurslaust fyrir því
að fyrrverandi ríkisstjórn tæki hið
snarasta á þessu vandamáli til að
setja inn á samgönguáætlun tví-
breið jarðgöng milli Siglufjarðar
og Fljóta vegna slysahættunnar
sem núverandi vegur í Almenn-
ingum sleppur aldrei við. Þar
halda þungaflutningarnir áfram að
eyðileggja veginn, sem losnar
aldrei næstu árin við 80 senti-
metra jarðsig.
Mín skilaboð til Kristjáns L.
Möller fyrrverandi samgöngu-
ráðherra eru þau að þessi fyrrver-
andi ráðherra svari því strax
hvernig íbúar Fjallabyggðar geti
alla vetrarmánuðina sett traust
sitt á Akureyrarflugvöll þegar
starfsmenn Vegagerðarinnar kom-
ast aldrei hjá því að loka veginum
norðan Dalvíkur í fleiri vikur og
mánuði vegna slysahættunnar,
sem eykst allt of mikið á svæðinu
alla leið að Múlagöngunum. Sunn-
an einbreiðu slysagildrunnar sem
uppfyllir ekki hertar örygg-
iskröfur láta snjóflóðin, aurskrið-
urnar og grjóthrunið þennan stór-
hættulega veg aldrei í friði næstu
40 árin.
Ég spyr: Hvernig getur þetta
ástand norðan Dalvíkur tryggt
nýja sveitarfélaginu öruggar heils-
árssamgöngur við Akureyri ef
vonsviknir Siglfirðingar og Ólafs-
firðingar fá einn góðan veðurdag
slæmar fréttir af því að aurskriður
muni á hverri stundu sópa veg-
inum sunnan Múlaganga niður í
fjörurnar og eyðileggja alla veg-
tengingu Fjallabyggðar við Eyja-
fjörð? Önnur spurning: Skiptir
það Kristján Lárus engu máli ef
heimabyggðin hans einangrast
endanlega við bæði kjördæmin?
Vitlaus fjármögnun Vaðlaheið-
arganga í formi vegtolla, sem
Steingrímur J. blekkti Alþingi til
að samþykkja sumarið 2012, kem-
ur í veg fyrir að hægt verði um
ókomin ár að taka á þessu vanda-
máli norðan Dalvíkur, vestan
gömlu Strákaganganna og brýn-
ustu verkefnum hringvegarins.
Þar má nefna tvíbreiðar brýr sem
þola enga bið og eru alltof marg-
ar. Því miður hafa þær allt of
lengi setið á hakanum.
Vorið 2005 taldi jarðfræðing-
urinn úr Þistilfirði hin umdeildu
Héðinsfjarðargöng þarfari en
göngin undir Vaðlaheiði og Siglu-
fjarðarskarð, sem íbúar Fjalla-
byggðar og Fljóta berjast fyrir til
að losna sem fyrst við slysagildr-
una í Almenningum.
Fyrr mun Fjallabyggð einangrast
Eftir Guðmund
Karl Jónsson »Enn bíða göngin
undir Siglufjarð-
arskarð þegar hættan á
einangrun Fjallabyggð-
ar við bæði kjördæmin
eykst með hverjum
degi.
Guðmundur Karl
Jónsson
Höfundur er farandverkamaður.